雜誌介紹，即管試吓

裝修簡約，環境尚算舒適


新張推介午餐 $98 有十款壽司 夠新鮮亦不會將貨就價


呢個價位淨係海膽同吞拿魚蓉壽司已經夠抵，仲有麵豉湯同茶碗蒸，簡值可以列入飯堂首選



再追加一個蟹膏沙律 嘩！！簡直不得了$68 分量足不特止蟹肉蟹膏絕對冇腥味值得一試

老字號燒臘飯店裝潢平實叉燒飯實而不華 有多種選擇 識食梗係食半肥瘦啦 半肥瘦叉燒拼燒鵝飯叉燒肉質嫩滑帶咬勁肉嫩多汁燒鵝脾皮脆金香令人一試難忘 叉燒飯亦一點也不遜色 今次是個半肥瘦叉燒一試難忘下次一定挑戰肥叉 另外值得一提老店少有嘅好服務質素

媽媽成日想食鵝紅，係鵝紅唔係豬紅，難得發現呢度有，即刻嚟試，超軟滑，同豬紅比完全兩回事

田螺，好多地方都無得食喇，夠入味 鵝片，呢個必食，鬆軟，夠滑，比起其他有名氣嘅打冷店，呢間贏晒另外ㄧ般小菜，炒麵線，方魚炒芥蘭，烏頭，鴨舌.... 都係有水準之作， 因為掛住食，有D都唔記得影相

星期六心血來潮想食义燒就諗起新桂香, 懷住極期代，極肚餓嘅心情2:30pm黎到門口，只係聽到，"义燒賣晒!" 當極失望之時聽到"3:30pm 先出爐！" 唔洗諗呀，等！！！

睇見越黎越多人排隊， 大家視線同一方向等义燒出爐，呢個情景其實真係幾好笑3:40pm 千呼萬喚始出來，回頭一望大約已經有30人排緊，呢一剎那排頭位嘅滋味，真係係難以形容

一斤半肥瘦燶邊义燒!!! $180 絕對值得，一出門口立即打開個盒，即食!! 彈牙义燒，係! 係彈牙，絕非一般义燒乸到淋晒，無晒咬口！ 再加上面淋上蜜汁，熱辣辣, 企喺門口ㄧ路食，其他排隊嘅人見到都嘩嘩嘩! 流晒口水

地點比較隱敝，順寧道尾近明愛唔留意真係揾唔到

招牌避風塘炒蟹，勁多膏，肉質鮮嫩，小辣啱啱好比唔太食得辣嘅我地，值得一提，佢地張D蟹放喺餐廳當眼地方嘅魚虹入面，即叫即捉，新鮮绝對pass.流沙黄金蝦，又大又彈牙,賣相一流，就連墊底嘅炸粉仔一D都唔求其，熱辣辣，一齊食無得輸呀！避風塘瀨尿蝦，師傅用無殼瀨尿蝦肉，夠火喉，啖啖肉識依食一定係咁食，我地即時要再加單豉椒炒蜆，風味十足，個汁夠濃味但唔會好鹹，重點係唔似其他餐廳殼多個肉，呢到蜆每隻殼都有肉，超水了準之作除海鮮另外有多款小菜選擇，簡簡單單一個炒肉排，用上番薯做伴菜、，絕對係亮點同大廚傾開兩句，原來頗有私房菜 feel, 有乜想食而餐牌又無嘅，可以叫師傅預定

門口無招牌，只在門出簾印出小小店名餐牌簡簡單單，四種選擇食法要試齊三款兩位師傅日本學藝多年，特別肥師傅超nice,笑容滿面，好細心介紹食法，又會問客人好食嘛？慢慢食好，先嚟前菜，麻醬魚生片，魚生新鮮，師傅話最好留一片最後做泡飯主角出場啦 將 wasabi加上特制醬油，再淋上魚生面，醬油小小甜，一齊食好鮮味二食，紫菜夠脆口，加上魚生飯做手卷，有得食又有得玩最後第三食，將三分一魚生飯，放入玻璃碗，再將前菜留低嘅魚生片同麻醬放上面，因為師傅加湯時，會將魚生淋到半生熟，別有另一番味道坐位有限，無得定位，但如果真係要排隊，其實都值得

平日中午同屋企人到又一城食lunch但又唔想飲茶, 行上Rice paper 門口見唔洗排隊, 就決定呢間

Lunch menu 可選款式有6種, 以lunch來講算ok

雜錦拼盤 份量不少有五款不同小食, 人少少都可以試多幾款

沙爹串燒 有豬,牛,雞三種 夠味又有肉汁,配上沙嗲醬,掂!

主菜生牛肉河 先講湯底夠濃而不油 蘿蔔又淋又甜 生牛肉絕對唔會過熟,大愛!!!

另一款 泰辣肉碎飯, 如果鍾意食辣,呢個必食!!

最後再加一個甜品-芒果黑糯米 賣相相當有驚喜!! 無諗過芒果黑糯米可以咁精緻,又唔會好甜!!

朋友相約到大角咀Oyster Station. 心諗大角咀會有靚蠔食? 抱住一試無況心態,試吓...

一去到門口,裝修都幾好, 同印象中的舊大角咀很不同, 呢度好有bar and restaurant feel, 燈光音樂令人很放鬆! 到達時間早大約6點幾 大部份枱都比人reserve, 好彩友人有訂枱唔洗等.

打開餐牌價錢尚算大眾化! 而生蠔可以到蠔吧自己慢慢挑選, 生蠔種類大約有十幾款 旁邊waiter亦好細心一一介紹,有日本 澳洲 新西蘭 愛爾蘭 法國... 每款蠔的特色味道解釋長細 最後決定由waiter安排先要一打嘩嘩嘩!不得了,生蠔一到waiter細心講解由淡至濃味食的次序,一放入口既新鮮又夠凍,$398一打絕對物超所值!!!! 

一個平平無奇嘅熟食中心, 外面雖有港鐵工程地盤包圍,呢到晚上生意出奇地好, 平民化環境氣氛, 但食客個個食都開心

必飲象啤,夠凍


生蝦, 雖然賣相一般,但夠爽口, 突别係個炸蝦頭夠香脆,送啤酒簡直係絕配!

燒豬頸肉, 絕對有炭燒風味,有汁又唔乾,加上個酸辣汁,唔膩

泰式炒飯 再加上炸荷也旦 簡直同喺泰國當地無分别, 風味十足!! 以咁嘅水準, 街坊價錢,無得輸!

西貢Classified 西式早餐

Breakfast menu 嚟講種類選擇算多, 環境舒服又唔嘈, 多數都係外國人. Egg Royale $103

其實同Egg Benedict 唯一唔同就係一個用ham, 另一個用Smoked Salmon, 兩個都好好食 Hollanddaise sauce 夠香濃.