店鋪第一種感覺：好台灣feel!+ 小許文青feel!見到好多人order一個玻璃瓶既甜品，應該係招牌貨點左個朱古力味「甜蜜烙印—可可」($48)

咩都有d：朱古力雪糕、慕絲、脆脆、brownie、綿花糖
好岩d唔知食咩好既朋友，而且外貌都討好
岩哂相機食先! 其實質素唔差，味道濃郁，
問伙記先知雪糕是自家香港廠製，唔係一般牛奶公司
味道比哈根大師更濃更滑
可惜brownie比較乾身，食到去慕絲到先無咁口乾焦糖燉蛋 ($32)

係我眼中呢個焦糖燉蛋先應該係招牌
甜味岩岩好，而且焦糖脆脆
用大型既砵仔上碟，方便食用
睇洛同實際上都比一般平日食既大
性價比非常高

可能新開張，伙記服務特別好
食得7788個時，會主動每人一杯水 (好多甜品鋪都唔比/要錢)
走個時仲會問下你有咩意見，好好好~

Burger Mix 以安格斯牛做生招牌，但價錢就係 $50/set 左右
係鰂魚涌黎計係唔錯既選擇，絕對可以係打工仔飯堂之一美式快餐店既必需品：洋蔥圈、薯皇、薯條、雞翼，全部即叫即炸
而且炸粉唔會太厚，又香脆！所有漢堡有3/4罐可樂咁高
芝士唔只係平日m記一片片咁，而係亳不吝惜既一大堆
漢堡號稱係安格斯牛，咬落比起一般m記既都真係比較有牛味
但又唔係好juicy, 只係比一般好8號既和牛安格斯芝士牛肉漢堡，入面生菜、蕃茄食落感覺好fresh，可以中和d
美式快餐店無sevice可言，自己拎飲品第一次去既時候，我只係想諗多諗
點單哥仔已經”嘖”左一下，但都無人排隊
後來先知道，原來我阻住左佢玩電話

跟隨著朋友的推薦到北角這家轉角餐廳嘗試招牌德國豬手
衝著這慢烤蜜糖德國咸豬手配生菜，未免太脆喇慢烤蜜糖德國咸豬手
朋友一刀吉落去，脆到卜卜聲
包上生菜，去掉油膩感，食落有啲蜜糖香
呢個價錢，完全無令人失望
仲有呢個自家製雞肉漢堡包自家製雞肉漢堡包
見到啲芝士已經嘴角微微向上
雖然雞肉總會令人害怕太乾，但呢個又唔會wo，更岀奇地juicy，岩哂唔食牛既朋友
黎過既朋友識食地order 梳乎里梳乎里
本身對梳乎里甚無好感，因為食來食去都只係空氣，但朋友一再堅持，唯有一試，一食果然有趣！
梳乎里內有雪糕，一冷一熱衝突感甚強
而且空虛感不再，反而更實在

係北角搵食過程中，偶然發展小店
真係勁小既店，因為目測只可容納4個人，所以大部人都係外賣
一入去，個老闆娘全程講韓文感覺好地道，但都有個比較後生既會講廣東話
識食一定係食返個韓國壽司sin韓國壽司 
包得好靚，好多料但唔係辣wo

order多個牛肉飯盒配粉絲！（$60包一罐飲品）牛肉飯盒配粉絲 
啲飯唔係是是但但既本土米，而係比較似韓式食品既飯
啲牛肉又多汁，粉絲唔太油
本身我個人唔太好kimchi，但呢個kimchi又幾易入口，唔算太辣

黎多個海鮮豆腐湯海鮮豆腐湯 (跟飯)  
當初怕辣，叫左小辣
但後生既姐姐話：可能會無咁有味
因為姐姐咁講就打左個底，但食落又唔係呀
都幾有鮮味！都小小辣，而且用料好足
豆腐就當然多，但仲有魷魚、蝦、蛤蚧...

心血來潮想食俄國菜，上網找到呢間餐廳
進入餐廳，一排既俄羅斯娃娃的確吸引住左我既眼球，但細看之下並唔係有好多層可以許願既俄羅斯娃娃！仲要2xx一隻，一個字：貴！每張枱上都放住一個俄羅斯娃娃既餐牌，成為拍照既主角打開餐牌，同一般比較高級既餐廳一樣全英文，而唔係俄文，但據我所知係有中文餐牌既，應該可以問waiter
早係網上見到有人話呢到既羅宋湯可能係全香港最好飲既羅宋湯。結果一試，以香港人既口味而言果然係好飲！好濃，好“傑“，而且好足料有牛肉。充滿了西式羅宋湯既味道，但欠缺了俄羅斯風味。呢到既羅宋湯偏橙紅色，而唔係紫紅色，而且唔多紅菜頭，總係爭咁啲！但以西式羅宋湯黎講，的確唔錯！前菜叫左個凍魚，食落酸酸甜甜，的確開胃。食落魚既肉質同平日既唔一樣，咬落感覺係一條條既肉條，就好似蟹肉既感覺！味道就已經被酸甜既醬汁蓋過哂Cold Fish 
正餐有羊架。完全無羊既“蘇“味，反而重肉味肉既邊位好香有啲脆脆地。食落唔算嫩，但有肉汁！算唔錯既選擇！Menu上既甜品其實唔太特別，最後選擇Apple Filled Crepes with Ice-cream！雪糕上既蘋果容係凍既，但pancake入面既蘋果容就係熱既，雪糕加上pancake就同外面甜品鋪食到既大同小異，而我亦分唔到雪糕既牌子！假如以一間西餐廳既角度去睇，呢到係算高水準，但以俄羅斯餐廳既角度去睇，呢到似乎欠缺一啲比較地道既菜式，雖然打住新式俄羅斯菜旗號，但感覺上太迎合香港人既口味，無左俄羅斯既風味！

好耐之前睇雜誌見到推薦呢到既沾麵，所以一直都懷抱著無比既期待黎試食。但的而且確，希望越大，失望越大！ Order 傳統口味 wif 200g (HKD$85)

基本上200g已經夠女仔食 話明係醬油房，其實已經有心理準備，但個湯也未免太鹹。我接受唔到囉 可能我需要試清淡口味。可是，只要大家細心留意個湯，個d油成寸厚，食完都覺得油淋淋，食到一半個陣已經唔想再食。湯既肉係黑豚肉粒，但都係肥肉居多，油淋淋again 假如你同我一樣接受唔到既，可以唔洗黎試。 但都唔係完全無可取既地方，d麵軟硬適中，而且有d煙韌既感覺。 糖心蛋本身就有半隻，熱熱地，而且有少少甜味，係吸引之處

店舖有其他小食，但環顧四周，都唔覺有人食

環境同一般傳統拉麵店一樣 講真假如想食沾麵，我寧願行多幾步去北角俺之沾麵食，雖然呢到仲有個清淡口味，但我都已經無興趣試

面對韓流，schoolfood的橫行，隔壁的IKI依然有人等位，令我有一試的衝動 看著二人餐hkd$38x，有安格斯牛，大蝦，帶子，三文魚已經覺得ok，包飯，沙律，湯 坐係bar枱，望著師傅努力煎煎煎，香味撲鼻，而且非常有氣氛
套餐沙律，二人份 份量十足，無咩好講
主菜！ 作為海鮮，其實味道一定唔會差，大蝦既蝦頭蝦膏十足，真係靈魂所在，唔係得個擺字 三文魚煎得剛剛好，不會太老，但一夾就有d散，適合撈飯多於剩食 以上一輪已經算是讚賞，接著下來的會是不斷的批評 本人非常喜歡帶子，其實帶子有鮮甜味已經好食！但最好食既應該要剛剛熟，可惜，IKI搞到太熟，令到帶子入面有d乾乾地既感覺 安格斯牛生熟度ok，但真係一分錢一分貨，入口已經覺得有d“鞋“，唔太討好 有d失望，no next time

平日的旺角已經人多擠迫，原因不用多說！假日加上香港人，情況簡直慘不忍睹，但總有些原因讓我逼進旺角。多年沒有到樓上cafe，所以專誠請教朋友，找到這間cafe。午餐以cafe來說其實不貴，說是配一杯22蚊的飲品，但除普通檸茶，檸水外，全部都要補差價。結果，點了一杯最安全的熱樁子朱古力。本人並不喜歡cream，但order時不知道有，結果肯定大打折扣，但平心而論：ok la野菌意大利飯伴黑松露醬
意大利飯配松露其實真係實無死！一上台好香松露味，唔會太鹹，又無話一味多汁令人太膩。而且菇既數量夠，但如果可以有更多總類就更好！但咁既價錢，我唔會要求咁高！合格！鮮雜菌汁雞肉意大利粉
意大利粉既軟硬適中，但唔知咩原因食落覺得好甜！感覺係加得太多糖，我唔會覺得係d菇新鮮既味！
雞肉又太多雞皮，對女仔黎講有點兒麻煩

cafe而言，食物其實要求不高，但呢到合格有餘！起碼每樣都熱辣辣見到有煙！service很好，職員有求必應！
環境一般，無咩特別！乾乾淨淨
記憶中二人枱有8張左右，可合成for更多人
4人枱大約4張，外加一個大方形area 可 for 10人掛
適合傾計既！
星期六下午都曾經全場full！

可以是朋友聚會長坐既選擇

5月開始步入旅行季節，台灣向來都是學生哥的熱門旅遊聖地。
看見朋友們一一飛到台灣，身在香港的我，決定食一頓台灣美食以慰藉心靈。
旺角的西門町台灣麵食位處女人街，其實都難找。
店舖不大，枱亦排得密密麻麻，所有枱凳都是木製，這好像是台灣菜的基本配備。點了一個二人餐 $198，選擇了：醉雞、芒果沙律鳳尾蝦，酸辣粉皮，肉燥飯x2，飲品X2酸辣粉皮
比較著重酸味，而辣味一般。我本人已經屬於比較淺嘗辣味，但都覺得不太辣。粉皮滑是基本要求，但就略微不夠爽口。不過，酸酸微辣很開胃，一解這幾天悶熱的天氣帶來的悶氣。醉雞
雞不算太肥太油膩，但亦不是很滑，雞肉入口酒味不是很濃，比較適合一般大眾。假如喜歡酒味，入口前可以先浸一浸酒汁，會比較濃郁。芒果沙律鳳尾蝦
強烈勁度推介！外部炸得很脆，但並不油膩。蝦的本身很香，咬的時候不知為甚麼蝦是一粒粒，很有口味。沙律醬是偏黃色，食下去發現有芒果味！！配搭一流！！肉燥飯
眼見覺得很深色，不太吸引，但味道不俗而且有一道道的香味。肉燥不會過咸，醬汁尚算足夠，但只有肉燥，沒有加入其他配料如冬菇，感覺有點兒單調。
總括而言，合格！
環顧四周都是吃擔擔麵及肉燥飯，反而好像沒有人嚐台灣必備的紅燒牛肉麵！
下次！應該會有下一次的機會再來品嚐！

為左食好味既沾麵，真係可以不惜一切！難得去開北角，更加唔可以放過黎呢到trytry既機會！！ 成間鋪頭細細，格局同日本既拉麵店無異！咁岩坐對面既係兩個日本人，望住佢地交流，聽住店員同佢地講日文，真係可以當自己係日本 Order左個蕃茄味湯底，走辣 (有得揀大，中，小辣，同走辣) Highly recommend 揀梅肉！無咁肥，食落去d肉唔會太老太鞋！好好食 必提個蛋！我咬落去，d蛋黃會流哂出黎，好香口感一流！！
睇相就知有蕃茄蓉係上面，令到個湯好濃！混合埋個湯，令到感覺無咁油膩 D麵無得揀，食落個人而言覺得有d硬 沾麵食得慢個湯真係有d凍，所以後半部感覺無咁好食。 P.S 食完店員會主動幫你加湯嫁，如果鍾意飲湯既就唔好錯過！！