agneslnl 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2015-11-02
店鋪第一種感覺:好台灣feel!+ 小許文青feel! 咩都有d:朱古力雪糕、慕絲、脆脆、brownie、綿花糖 好岩d唔知食咩好既朋友,而且外貌都討好 岩哂相機食先! 其實質素唔差,味道濃郁, 問伙記先知雪糕是自家香港廠製,唔係一般牛奶公司 味道比哈根大師更濃更滑 可惜brownie比較乾身,食到去慕絲到先無咁口乾 係我眼中呢個焦糖燉蛋先應該係招牌 甜味岩岩好,而且焦糖脆脆 用大型既砵仔上碟,方便食用 睇洛同實際上都比一般平日食既大 性價比非常高 可能新開張,伙記服務特別好 食得7788個時,會主動每人一杯水 (好多甜品鋪都唔比/要錢) 走個時仲會問下你有咩意見,好好好~ 推介美食: 焦糖燉蛋
評分: 味道 4 環境 5 服務 5 衛生 4 抵食 3
2015-09-08
Burger Mix 以安格斯牛做生招牌,但價錢就係 $50/set 左右 係鰂魚涌黎計係唔錯既選擇,絕對可以係打工仔飯堂之一 而且炸粉唔會太厚,又香脆! 芝士唔只係平日m記一片片咁,而係亳不吝惜既一大堆 漢堡號稱係安格斯牛,咬落比起一般m記既都真係比較有牛味 但又唔係好juicy, 只係比一般好 美式快餐店無sevice可言,自己拎飲品 點單哥仔已經”嘖”左一下,但都無人排隊 後來先知道,原來我阻住左佢玩電話
評分: 味道 4 環境 3 服務 1 衛生 3 抵食 3
2015-08-06
跟隨著朋友的推薦到北角這家轉角餐廳嘗試招牌德國豬手 衝著這慢烤蜜糖德國咸豬手配生菜,未免太脆喇 朋友一刀吉落去,脆到卜卜聲 包上生菜,去掉油膩感,食落有啲蜜糖香 呢個價錢,完全無令人失望 仲有呢個自家製雞肉漢堡包 見到啲芝士已經嘴角微微向上 雖然雞肉總會令人害怕太乾,但呢個又唔會wo,更岀奇地juicy,岩哂唔食牛既朋友 黎過既朋友識食地order 梳乎里 本身對梳乎里甚無好感,因為食來食去都只係空氣,但朋友一再堅持,唯有一試,一食果然有趣! 梳乎里內有雪糕,一冷一熱衝突感甚強 而且空虛感不再,反而更實在 推介美食: 慢烤蜜糖德國咸豬手,梳乎里,自家製雞肉漢堡包
評分: 味道 5 環境 3 服務 4 衛生 4 抵食 4
2015-08-03
係北角搵食過程中,偶然發展小店 真係勁小既店,因為目測只可容納4個人,所以大部人都係外賣 一入去,個老闆娘全程講韓文感覺好地道,但都有個比較後生既會講廣東話 識食一定係食返個韓國壽司sin 包得好靚,好多料但唔係辣wo order多個牛肉飯盒配粉絲!($60包一罐飲品) 啲飯唔係是是但但既本土米,而係比較似韓式食品既飯 啲牛肉又多汁,粉絲唔太油 本身我個人唔太好kimchi,但呢個kimchi又幾易入口,唔算太辣 黎多個海鮮豆腐湯 當初怕辣,叫左小辣 但後生既姐姐話:可能會無咁有味 因為姐姐咁講就打左個底,但食落又唔係呀 都幾有鮮味!都小小辣,而且用料好足 豆腐就當然多,但仲有魷魚、蝦、蛤蚧...
評分: 味道 3 環境 2 服務 4 衛生 3 抵食 3
2014-09-01
心血來潮想食俄國菜,上網找到呢間餐廳 進入餐廳,一排既俄羅斯娃娃的確吸引住左我既眼球,但細看之下並唔係有好多層可以許願既俄羅斯娃娃!仲要2xx一隻,一個字:貴! 早係網上見到有人話呢到既羅宋湯可能係全香港最好飲既羅宋湯。結果一試,以香港人既口味而言果然係好飲!好濃,好“傑“,而且好足料有牛肉。充滿了西式羅宋湯既味道,但欠缺了俄羅斯風味。呢到既羅宋湯偏橙紅色,而唔係紫紅色,而且唔多紅菜頭,總係爭咁啲!但以西式羅宋湯黎講,的確唔錯! 正餐有羊架。完全無羊既“蘇“味,反而重肉味肉既邊位好香有啲脆脆地。食落唔算嫩,但有肉汁!算唔錯既選擇! 推介美食: Roasted Lamb Chop
評分: 味道 3 環境 4 服務 4 衛生 4 抵食 2
|