今日同老闆在new york cafe 6:00pm食晚飯~
好彩有得坐入面,因為天氣好凍
今次叫了2個餐
1.T骨牛扒+磨姑湯+朱古力奶
2.炸牛柳+磨姑湯+熱朱古力
食物到了!!!!!!!如平常一樣,T骨扒同塊面一樣大
而炸牛柳就第一次試,感覺好正,
點知一切落去果下野~仲攪笑,十足心太軟一樣,原本牛柳入面有溶了既芝士
所以一切之下,側邊流出金黃色既心太軟!!!!!!!好正呀!!!!!
牛扒切到7788之後,仲有d肉痴在T骨到,
我切到頭出煙都切唔到(可能我叫了8成熟關係,因為本人唔like食生野)
之後光頭侍應哥哥見到~他就行埋黎,幫我用刀,好好心機地替我一塊塊地切出
好好服務呀!太感動了!!!!
其實次次食new york cafe後都想踩去食B仔,但次次都飽到.......所以冇一次有去到!!

1個月冇食呢間飯堂了,原因係次次都book唔到位,
可能係即日book既關係,真失望
今日有朋友遠來找我食飯,我當然早上12點即刻打黎book 晚上6點!!居然book到~~正!!!!!
今日光頭哥哥介紹燒豬骨(好大件)好好食~加$28轉餐~底!!!
再叫了雞薄餅,魷魚圈....
朋友都說食物,很有水準,待應也很好,不停為我地加水...
朋友說,下次一定會同朋友再來

我差不多每天都去旺角譚魚頭食飯,雖然食物種類有很多.,
但是每次出去埋單時,,收銀姐姐就極度冇禮貌~
問佢攞單睇時,經常不耐煩的望住你,然後再不耐煩地飛單給你~.....
已經投訴多次~但仍然一樣,所以我已經叫了很多朋友~不要再幫襯~
因為比錢食飯,仲要睇埋呢d不必要既面色!!
真係多謝哂~

平均一個月會黎2次既餐廳~
今日係6週年結婚紀念日,當然一定會黎NEW YORK食飯啦~
因為食物好食除外~而且侍應既招待,一定係我既第一要求
早幾日前已經book好了今日黎食lunch,叫了兩個餐,一個"牛肉三文治" 一個"特色魚柳"
今日係海鮮湯,主人一貫作風飲凍朱古力,而我就叫了熱既朱古力(原來出奇的好飲)
本來晚上打算去食泰國野,但主人話,果間泰國野,太多味精,所以我搏一鋪,
試下問一問,靚仔哥哥侍應,今晚有冇位.........答案係:有!!!!!!!!
晚餐叫了:炸魚圈...鴨pizza...T骨大牛扒餐...今次塊牛扒真係大過隻碟!!
值得一讚既係,有個光頭靚仔侍應,伏在地上幾次,唔知抺乜,最後又伏在我附近~
原來佢係抺地上既好小好小既水漬,佢一定係驚滑到d人客,所以快快趣趣抺左佢,真真真細心!!!!!
差不多食完後,佢仲主動問我地夠唔夠食.....我當然同返佢講,你餐廳d食物咁大碟,點會唔夠食丫........
叫左咁多野食,埋單都係$165~~~~~~~~~抵!!!!!!!!!!!!!!!!!!!!!!!!!!!!!!

呢間餐廳簡直令我同老闆(即米飯班主)都食到上了癮~
以前成日都貪平,次次都會叫$38 雞意粉既lunch
但試過幾次之後,我地次次都會叫其餘$48/$58 的款式!!超正!!因為次次都有驚喜!!
等我大約介紹下有d咩食啦!!海鮮漢堡飽,牛肉三文治,穌皮海鮮,串燒豬頸肉,好味牛腩,
穌皮海鮮卷,炸大魚柳..........................數唔完!!!
我次次都會一次過見埋餐飲,因為驚之後飲唔哂,而且又唔想阻住d新客仔,所以我地次次一食完就會好快走的
晚餐...仲正!!我每次都會叫巨人漢堡飽(加$20有餐),再叫多個餐,同老闆一齊食~
好開心呀!!因為6月尾之前,我都book左幾餐黎食...正!!!

上星期一行4人去了呢一間只有讚而冇彈的印度餐廳,環境比想像中細,本來想叫一個4人套餐唔駛煩($280加一再85折)~最後都係選擇了自選食物,仲諗住每人揀一款食物及每人一個印度油穌餅唔駛爭~點知其中有一個朋友,好似痴左線咁,自作主張叫了咖哩蝦,咖哩雞,咖哩魷魚...係...冇錯...係3個咖哩,係3個都係咖哩~~~我地當時3人個口都O哂咀..呀~唔係呀!3個咖哩..最好笑既係,個侍應話:3款既咖哩都唔同味架~另外還叫了鐵板雞翼,炒通菜,4個油穌餅及一個好難食既印度種子炒飯!!
好啦~d食物終於黎齊,第一時間係見到3款咖哩..嘩!咁細兜既,我地對眼凸左出黎~~之後再食各款咖哩..嘩!一樣味既~對眼再一次凸左出黎~~好彩,雖然3款咖哩味係一樣,但都好好食,用黎送油穌餅一流,但咖哩蝦就比較唔抵,$86只得4隻蝦毛,鐵板雞翼唔錯,油穌餅好好食,另外個炒飯就不值一提!好似草皮味,又似蠟燭味~~
可能呢一間係正宗既印度餐廳所以都黎左好多印度既同鄉,佢地講野"bb砵砵"跟本唔知佢地"up乜"..攪到我地好似去了第3度空間咁!佢地講野越講越大聲,d同鄉又越黎越多,其實都幾煩下~~
總結黎講:呢間d咖哩真係一流,服務都ok,但下次我地一定會選擇叫餐,而且一定唔會叫兩個咖哩以上..因為"嘻嘻"...........