愛炸野 愛炸雞 愛炸薯 愛啤酒 愛漢堡 一定要去The chicken bar 雞係用嘉美黃雞 無激素 食得安心 外脆內勁juicy 係堅正 只可半隻 或 全隻咁買 我下次一定要挑戰一個人食半隻 炸薯格好食 漢堡個包係最差 但唔係唔好食 只係個包質地好鬆 同唔太香 入面件炸雞同樣出色 Combo 抵食架 包半隻雞同一杯啤酒 啤酒有rose香味咁 我覺得真心配炸雞 一定會再去

12:58 坐低叫左個set lunch 男侍應話要等耐d 咁想食就要等 都明架 13:30 附近三枱遲入都食緊 成32分鐘 咩生薑燒都煮到啦 先首次問食物幾時到 13:31 女侍應話漏單 叫廚房即煮 好 照等 13:45 問幾時有野食 女侍應又話再睇睇 13:46 直接走左 打算畀返前菜錢走人啦 痴孖筋 煲過煲飯都煮起啦 問枱號望望個POS 話唔收錢 唔好意思 咁都係漏單啦 講真丫 發夢唔緊要 但第一次漏單好心就跟緊少少 叫人叫佢叫廚房個阿蛋即刻整 叫黎叫去 咁真係唔會漏單咩 附近四張枱見住我等 都話間野慢 有幾多人可以lunch hour 等4X分鐘以上 只係等個生薑豚肉燒 仲要等咁耐連個餐角都未見唔到 唔會提食ge時間 走左同推介呢間ge朋友響group 講起 好在原本諗住試完lunch先訂枱食dinner 依家可以同班朋友講再搵過另一間食好過啦 大圍唔係無其他選擇

蔡瀾Pho 野食就算再好 服務差都唔會想再去 2:03入座 2:06落單 2:20想加粉（餐單話free refill) Reject加粉 話落場喇 無得加喎 差點連水都唔想加 2:30埋單走 其實咁ge話就唔畀人入座啦 入左座又唔多想serve 收到碗粉極速食 因為勁餓 記得有refill先咁叫啫 紫色頭髮個位 阿姐 真係要學下咩叫服務 仲理所當然話落場喇 無得加喎 唔好意思都無 搞到好似我坐好耐咁叫你落場做野 水都差點唔想加 係ge 落場嘛 咁你咪畀人入黎食啦 一早話落場丫嘛 野都未食完就話收枱執野 碗牛河仲有牛丸牛肉架 咁趕收場就點九就截人啦 真心失望

很喜歡呢度的薰魚麵 薰魚夠香 有小骨可就咁食 濃味薰魚配上清湯底麵 味道適中 另有香茶一杯 店員麵係咁飲畀客的香茶 食完薰魚 想清一清口腔內食物的味道 呢杯香茶就剛好 茶香 令人飲完好順 好舒服

個幾月又返黎 但天氣熱左 坐近門口個四張枱真係熱到爆 訂枱要講明坐入面呀！ Server 多數泰國人 個晚有個可全泰文溝通🤣 即係英文又麻麻 中文又麻麻 咁都幾有泰國feel ge 講返野食先 由必食指數開始寫啦 1. 生菜包 😬認真mode 一個人食曬 絕對唔難 唔係講佢細碟呀 係好好味 食完曬d生菜 仲有肉碎 姐姐好好呀 送多兩塊過我地 2. 船麵 個湯底好濃 配新力（泰國粉）一流 3. 冬蔭公湯 辣下辣下 夠香 4個人都飲唔曬 4. 豬串燒 有少肥 I like it 雞就唔太好喇 d雞肉散到呢

食親都因為太好食 唔記得影相 容記 我未有幸食到 新容記 我食完又再去食 好野 唔需要比較 活在當下吧 必食： 1. 蒜香骨 基本上餐廳有 我都會叫黎試 呢間做起真係好 好 好 正 重要野講三次🤣 真係用有骨排骨 唔係肥膏加肉就叫骨 蒜香味超勁 不過怕熱氣就唔好食喇 2. 燒腩仔 咸味適中 我本身好點肥些少 覺得暖暖地咁入口 真係好味 3. 可樂鵝 4個人叫個例牌算喇 8個人叫半隻 本身唔太好呢味菜式 但呢度整得少甜 又提到鵝肉香 無左鵝鴨肉個種少少so味 我 喜 歡 4. 仲有個齋卷 抵食又平 都有唔推介野 魚腸好麻麻 海鮮就一時時 個人覺得想食小菜 小炒 新容記真係諗得過

想食好幾次都見到人龍就打退堂 早知留返d錢食第二D 本身唔太好韓國野 但又想睇下咁多人排 係唔係因為好食 個日食lunch 90分鐘 唔記得幾多錢位喇 係志在同朋有試新野 60分鐘怕太趕 建議睇完此post 仍想試的朋有 畀錢食個60分鐘lunch算了吧 網上攞左位 去到都見好多人 唔駛點等就有位 響reception就要決定食咩雞 食幾耐 如果唔太好辛辣人士 建議你唔好衝動 因為叫開個種雞 加都係加個種 響有人幫我地炒緊雞的時候 我地去左攞野飲 任飲 款式算多 個人比較喜歡香蕉忌廉梳打 同 蘆薈水 之後去掃小食 有好勁𤓓味的牛仔骨 𤓓味大過所有味道 仲有炒豬腩肉 呢個係幾好食 炒粉絲 完全係成口油味 三款炸雞 無咩味 炸魷魚食得最多 因為夾青瓜 泡菜咁食ok 仲有甜品 但無食過 個主菜 我地揀左一隻辣椒的雞 好濃味 好咸 好在揀左麵 同 年糕 隔離枱對情侶叫飯 我係睇住佢地面都青曬 量多到常人唔會食得曬 同有位食其他野 好辛苦地食曬 但食到尾段真係發誓咁 咸到個人好the皮🙈

食左十幾年 睇住佢走下坡 有時覺得一次比一次唔好食 不如以後都唔好食啦 最後間開d先再去 可能又會好食返 點知 都係幻想 潤牛意 意粉過熟到 入口一粒粒散開 無牙都食到 諗住飲下湯都好 點知太淡 牛肉勁熟 潤有舊好生 就係咁 我都唔知又隔幾耐先會再去 有時 回憶的味道 叫人懷念 但味道只能在回憶裡找 叫人痛心

牛丸味精唔少 食到好口渴 同出風疹 （本身味精過敏人士） 牛丸可取為夠口感 其餘對湯底 米粉就不要抱太大期望 咖央西多 不太特別 咖央太少 反而同一般西多分別不大 環境夠地道 大排檔 特別適合快食人士

自從黃大仙間上海菜摺左 再食唔到好正的鳳尾魚 個日行過灣仔 見到呢間野 諗起想試又成日聽朋友講唔好食 又心思思想試 一入到去 都幾多人 圍來搭枱 餐牌見到有鳳尾魚 即係心心眼 叫一碟 哈哈 一個人食左大半碟 鍋貼同小籠包 基本上一個人都食得曬😎 鍋貼比小籠包好食 兩者味道都不錯 食上海野 除左點心 最喜歡的是試上海佬炒蛋 佢地有功夫炒起蛋上黎 真係又滑又香 肉絲就無特別期望啦 食完成餐 唔明朋友點解話唔好食 畀我會再去食 味道 價錢都不錯 重點係上菜快 有鳳尾魚 哈哈