呢間cafe其實想去好耐，過星期六又好早close，難得放假就去試下。 唔係話太難搵，不過同地鐵站有一段距離，我諗太大約行20分鐘啦。 去到好大個牌寫住，真係very good

又一間工廈式cafe。 Cafe 唔係好大，枱大約5張，有一張特別大，可容納4-5人，其他枱就2-3人，有音樂播放，好寫意嘅環境。 店內擺放好多咖啡豆同咖啡用具



當然仲有個廚房啦



Cafe有唔同種類嘅厚多士，亦有coffee同甜品，好多選擇。我揀咗芝腿厚多士，暖暖地，芝士有少少熔，好好食而且又大件同平，唯一係燶咗d

榛子咖啡，唔駛再落糖，啱啱好，老闆強調唔落糖，叫我試下咖啡原味。特別一提，2位老闆好nice，好好人，好talkative，只可惜時間好難就。

本人一向覺得港式茶餐廳有特別既喜好，無論係菠蘿油或者咖央，總覺得有一番情意結，而今次就要試下呢間特式既茶餐廳。

呢間餐廳分上下兩層，標榜既係舊社會(七、八十年代)既特式，所以全間餐廳天花板都吊住d舊式雀籠。地下層右側仲有d藥材櫃，的確，decoration好有趣。Environment: 7/10

由於樓下坐滿人，只好選擇樓上。坐低冇幾耐，揀食物時，突然有個男客人好大聲嘈，原來佢話有位waitress對佢老婆無禮(details就唔提，只係可以講，女職員話過客蠢，無論係點，都唔應該咁對客人，嘈完2位客人走咗)，我亦繼續點餐，見到佢有金磚套餐(炸雞翼3位/吉列魚柳/吉列豬(手八)/炸雞脾(其中一樣)配金磚(西多士)，但係waiter話賣哂(心諗有冇咁快呀)，只好揀沙嗲牛肉包配薯條(個menu有錯字)。等左超過20分鐘，仲係未黎，只係黎咗杯熱奶茶，於是問下個waitress，點知佢話我知冇哂沙嗲牛肉，下......茶餐廳竟然可以連基本既沙嗲牛肉都可以冇，都算喇，最緊要係冇點解唔一早出聲呢，結果最要改食豬(手八)包配薯條，應該等多咗10分鐘啦先上到個餐，真係未試過囉咁耐。包還可以，冇話咩特別好食定唔好食，薯條係凍既，我都唔係好明佢點整可以整到咁。至於杯熱奶茶，唔夠茶味，又唔滑，好一般。當我望到d 職員圍埋一齊食飯，但周圍枱係冇人執冇人理，心諗呢間係間乜餐廳黎架!!!!

Foods & Beverages: 2/10

Service: 2/10不過值得一提係，佢地個多士似乎幾好食，見到身邊客人既咖央，或者係呢間野既亮點(或者咋!!!)

超過一年冇寫過食評，由於太忙既關係，只係不斷拜訪不停食堂，好多謝open rice既各位食家介紹。

今次要寫既係呢間Kuc Space，雖然細少，但係寧靜帶外國家庭feel，好like呢種感覺。聽講，呢間食店既員工係教會自願性既員工，的確難得。

店內白色既環境令人舒服，簡單擺設亦令人冇太迫既感覺，幾位外籍員工好有善，Service is Good。Serivce: 8/10

這裏既食物款式唔多，平時應該有幾款cake，carrot cake、chocolate cashew cake 同lemon cake，今日只係得lemon cake，咁我都冇得揀啦(有中東包食添喎)。個cake好重lemon味，真係名符其實既lemon cake，cake底有d濕濕地，應該係吸收咗d lemon，2件cake都係2x蚊，抵到爛!!!

至於飲品，佢地有茶啦，奶茶，朱古力，咖啡，茶有洛神花茶、黑糖薑茶、蜂蜜薑茶、玫瑰奶茶、檸檬薑茶、印度奶茶、熱鮮奶、英式紅茶、latte、Espresso、Cappuccino.......太多了，我揀咗latte。相信呢度唔係咖啡做主打，咖啡一般，如果下次再試，會考慮試試佢既茶，應該會好d。Foods & Beverages: 6/10

呢度既英式既佈置，枱與枱之間亦有足夠空間，唔太迫，光線充足，最緊要係響呢度既客人都好relax同寧靜，令人感覺好舒服。Environment: 8/10

少人去唔代表唔好，少人介紹唔代表唔特別，西村咖啡室就係好特別。西村咖啡室係一間樓上cafe，地點離地鐵站不遠，不難找。

上到去只得西村先生一人，同友人去到以為要用英文溝通，點知西村先生既廣東話勁到呢，真係要俾隻手指公佢。聽起黎好好笑既廣東話同佢間唔中都會講既日文同英文，溝通完全冇問題。我最like係西村先生既笑容。令人都開心d。店內人客不多，環境寧靜，有d英式既Chair，而叫得bar & cafe，酒bar擺設當然唔少得，牆上放咗d長方形既架，雖然唔知係乜，但係整合起黎都幾靚。店內有好多款咖啡，所以有好多咖啡豆同咖啡儀器，專業!!!仲有既一個特別之處，咖啡室竟然有outdoor，正!!!有好多咖啡同茶揀，我鍾意飤咖啡，當然揀咖啡啦，但係咖啡都有24種揀，有blue mountain、kopi luwak、Brazil Santos呢d有名既咖啡。正正!!!

Order咗個set，所以只係飲咗個Original Blend，而友人就揀咗個Dark Blend。

先黎既係個日式沙律，開一開胃，菜好新鮮，唔錯唔錯。

跟住係個和風汁煮洋蔥牛肉飯，牛肉一般，反而我想講講佢個汁幾好，汁夠多，就算牛肉好快俾我食哂都仲有個汁，唔會有食白飯既感覺，而且飯係用珍珠米(如果我冇食錯既話)~成個飯變得好味好多，亦都特別好多!!!

接著落黎，個cake我就揀咗據聞係西村太太整既cheese cake同友人揀既brownie，全係home-made，點都要試試。Cheese Cake味唔太夠，但幾fresh，細細件又唔甜，算ok。而友人既brownie呢，同友人一致覺得甜咗少少，而少咗brownie獨有既朱古力粉，不過，自家製既，可能就係咁先夠特色。

最後當然要試下佢既咖啡，由西村先生親手沖製，雖然只係set既coffee，但都幾好欱，至少我唔落糖，都已經夠濃。

同友人坐陣，柔和既意樂，獨特既擺設，熱誠既招待，親切既笑容，再埋舒適既環境，一定可以再黎試西村先生既酒同咖啡!!!!!!

Ghost Cafe，一個幾特別既名，報紙都有介紹，原來係model Zelia開既，見佢既環境同野食都幾得意，可以去試試。

想約友人試試，搵咗好耐先搵到，地點其實係馬場對面，環境寧靜，唔錯唔錯。

可惜，入到去一個人都冇︳連店員都冇，有d奇怪，再行入到，終於見到2位店員出黎，佢地應該係試整緊d餅，另外見到佢有d餅整緊，好用心，只係在於客人而言，有d難睇。擺設幾好，老實講幾適合女生，Cafe雖然細，但decoration卻係夢幻般。食咗杯Latte，咖啡一般。Cake好似唔錯，於是我揀咗佢地既情迷歌劇院，而友人就揀咗佢既鬼脆拿破倫。情迷歌劇院: 英文係Opera Chocolate Cake，同我食開既Opera有d出入，如果站響Chocolate Cake黎講，佢唔錯，但係如果響Opera角度，佢係唔夠朱古力粉，朱古力味唔夠重，咁Opera Chocolate Cake即係點呢?而呢個甜品既藝術角度，8分。

鬼脆拿破倫: 唔敢comment太多，聽友人講，classic拿破倫，但我反而諗，係唔係又好似個名咁，脆呢!?

由於人好少，我同友人坐咗好耐先走，環境舒服，一個人少既地方，係一個好relax既cafe，甜品亦特別(我最想知點解有個叫中女愛粉紅)，我知道店主亦好有心咁不斷試食以求有更多既選擇俾客人，呢個係值得我尊敬既，亦深信呢間cafe將會有更多更好既甜品面世。

同友人食完飯，諗住食個甜品，之前見過佐敦有呢間詌品鋪好似好好食，報紙亦介紹過，當然要試試啦。

地點的確有d偏僻，但好野食從來都唔會冇人黎，我就係其中之一。鋪頭9點幾可以話係冇乜人，點坐都得，坐雖然唔多，但都幾舒服。

同友人諗咗好耐最後叫咗3個。分別係黑胡椒心太軟雪糕、伯爵紅茶oreo木糠布甸、同鳥結糖芭菲。(其實我仲想食雲石芝士餅)黑胡椒心太軟雪糕: 平時食得多朱古力，點都要試下呢d特別野，點黑胡椒法。心太軟既溫度適中，朱古力流出黎好流心，合格喇已經，入口有到d黑胡椒，少少spicy，幾得意，我反而冇食個雪糕，有5種口味，但友人想食︳交由友人揀，但相信如果食埋個雪糕，又spicy又凍，諗起個口入面都幾複雜。

鳥結糖芭菲: 好重鳥結糖味，凍凍地食，的確唔錯，不過芭菲唔係雪糕黎架咩，反而我以為係鳥結糖同雪糕，我誤會咗，呵呵.....整體都算ok

伯爵紅茶oreo木糠布甸: 伯爵紅茶味好濃，但太濃反而令個木糠布甸失色咗，而且唔夠濕，亦係係話唔濕，好彩佢既中一層係好滑既moss，算係令成個甜品既分數挽回不少。

呢間鋪頭相信可以再visit，或者會再有其他值得再試!!!

生日飯揀咗呢間餐廳，有d貴，但聽其他friends講好好食，試過都話ok，咁人地又好有誠意咁請我食，我亦唔客氣咁去試下。7點半book咗位，同個friend去到唔駛等位已經入得，呢個時間唔多人，周圍都仲有吉位。坐近窗邊既話個景一流，只可惜係6點半或8點半2段時間先有得book，但同友人又唔想stay咁耐，只好唔book，但好好彩又可以坐近窗邊既隔離一張枱。27樓望出去，先唔好講d野食，食個景到已經好好食。坐落一陣，好快已經有waitress俾咗8碟前菜，夠排長.....同友人揀咗好耐，最後只係決定揀個set 黎食。個set係for 2個人，先黎咗個生菜盤，跟住冇幾耐又黎埋個無骨背肩肉同黑豚肉柳，d肉睇黎好新鮮， 好正...!!!!冇幾耐，有位waitress黎serve我地，幫我地燒，佢係一位韓國人，見佢好nice，食野都食得開心d。佢燒完就夾俾我地，waitress之後要serve埋其他枱，當我同友人見到有塊肉差唔多想自己反，點知個waitress用佢既英文同我地講唔駛，等佢黎handle，我同友人聽到之後當然唔再自己黎啦，所以全程都交由韓籍waitress黎serve我地，肉除咗本身新魚，燒亦有果份既人情味。邊燒邊同個waitress傾計，黎得佢又好好笑容。讚!!!!

食完個無骨背肩肉同黑豚肉柳，就黎個海鮮香蒽餅，唔太油膩，海魚冇偷工減料，特別係個八爪魚好大條。

最後等得稍為多少少既人蔘雞湯(半隻)，同我響韓國食既就差d喇，人蔘唔夠，雞就ok，用d幼雞整，應該用咗唔駛時間整，骨好易咬碎。只可惜我同友人怕太飽，如果唔係一定試佢既牛肋骨。

呢度最好既係，雖然食哂d野，都冇吹你走，係我覺得佢地另一個好既地方。

話說今日去飲個免稅coffee，但係太淡，之後決定同2位友人再去大坑睇下有乜好食。4點幾去到太坑，周圍行唔知食乜，見到呢間鋪頭環境都ok，決定入去試個甜品。我試既甜品係拿破崙三色朱古力，2位友人分別試朱古力芭菲同tiramisu芭菲。2位老闆好詳細既介紹，service好好。

拿破崙三色朱古力，故名思義係朱古力啦，但佢既朱古力味好重，對於我呢d朱古力愛好者，當然係唔會嫌太濃同甜啦，表面放少少朱古力碎，加咗大堆杏仁，都幾創新，之後到cream層，都唔錯，算幾滑(俾起我食過最滑既仲差少少)，朱古力味越食越濃，之後既2層都係朱古力，冇乜話太大特別，但好食，只不過，我想知道所謂既拿破崙係咩意思，我唔明(同個甜品名唔係好match)。

2位友人既試朱古力芭菲同tiramisu芭菲都唔錯，我分別過佢地2位既甜品，特別係個朱古力芭菲特別好味，雲呢拿雪糕配朱古力永遠都係最match，2個甜品既杯好高，真係幾特別。

由於甜品睇落好多都好似好好食，2位友人都好想可以再返黎試其他，我下次會試老闆話最好sell既魔鬼朱古力(kekeke)

今日終於試到呢一間Cafe，第1次親身去到被人包試，第2次打電話去又係俾人包場，今日第3次打電話去，雖然都係俾人包起，但係早d去，都仲有時間試下Gooday Cafe既lunch，第咗3次，當然要去啦，可以食到，諗番起同三國時既則備三顧草蘆一樣。見到好幾位食家都去過讚好，又有各大報刊報導，幾難都要Go Go Go。再次去都門口見到佢既招牌，感覺一定好適合女士來試，我雖然係係男士，當然亦想試試，所以今次同2位女友人過試試。推開門好快已經估記應該係女老闆。佢既笑容好好，令人見到佢都好開心，同Gooday Cafe既開心感覺一樣。其中一位友人入cafe前響門口側拎咗本雜誌入去睇，只係睇呢個設計，已經足已證明老闆既細心之處。經老闆既安排，我地3人坐近Window旁，我地旁邊亦有各種調味料同instruments，哈哈，點解會放響lee度呢????我地枱側放咗個喇叭，播放緊柔和既音樂，配合店既裝修同光線，俾人一種好relax好舒服既感覺。我覺得最特別既係cafe既chair香檳金色，好match，加埋佢既餐具，相信女士都會鍾意。

講番d野食先，先黎既係最出名既薔薇洛神花包，未食之前都諗點解咁多人讚呢，食落先知，好香既花味，花味入口之後keep咗陣都留響口，包焗得外脆內軟，溫度剛好，加埋個cream cheese，果真Yummy。另外個南瓜忌廉湯都係一絕，南瓜味唔會太重，好creamy，濃度剛好，對於我呢度小食南瓜既人都可以接受到。2位女友人都好同意呢個湯好味。我地3個分別叫咗3個餐，友人Z叫咗個芝士白汁西蘭花焗意粉，友人D就叫咗伏特加汁什錦海鮮炒意粉，我就叫咗個芝士汁雞腿肉焗飯。

我先食個雜菜薯蓉沙律伴蜜糖芥末醬，火箭菜、紫椰菜等都好新鮮，加埋薯蓉，好健康呢。只可惜本人唔多like薯蓉。跟住到個黑松露天使蛋，呢個ok啦，唔太重蛋味，小凍，不過又ok喎。之後食佢地既焦糖菠蘿，我想講可以叫一口菠蘿，唔係因為佢細一口食哂佢，而係食落口好想一口食哂佢，佢既甜，係我響其他地方食既菠蘿相對黎講係甜，而其他地方係冇乜味或太酸。

好喇，要食個飯，老闆好細心咁提醒我地要小心熱，我食完幾個菜，仲keep到暖，好好!!芝士汁雞腿肉焗飯，好夠芝士加落個焗飯度，其實都真係幾ok，因為個飯夠熱，芝士唔會一舊舊或者變得好難入口。雞肉有唔太大舊，剛剛好，平時唔會食雞既我都試試。總括黎講飯係唔錯。

另外2位友人亦都盛讚佢地既意粉唔會有過多既油份同埋好creamy!!!

食完飯食個甜品，木糠布甸，cream好滑，的確抵讚，木糠還可以，只係冇酒味，但佢地既器皿底部係心形，好有心思...

最後係佢地既法式花茶，唔知係唔係我唔太識欣賞，味就冇乜野特別，但佢地既茶清算，重茶味，如果可以詳細解釋你話幾好呢。

走前，買番個包返屋企俾屋企人食，我諗佢地一定鍾意。好多謝親切老闆既招待

上黎鋪頭前，先打個電話俾呢間鋪頭，睇下有冇俾人包場又或者冇乜位，老闆(我估)好好咁同我講話差唔多full，可以上去，有人book咗但冇到，咁當然同友人立即上去試試啦。入到鋪，真係幾full，估唔到少少既空間能夠擺放到咁舒服既空間，其實已經唔錯。同友人先坐響近門口既枱。女侍應充滿笑容咁問我地食乜都介紹食物。由於呢度個tea set都幾ok，同友人當然要個tea set試試啦。tea set + 每人一杯咖啡，其實都算ok，唔會太多，唔會太少。

Cafe除咗食物同飲品賣點外，最特別係幅油畫。油畫副有歐陸既花園，只係望住，已經令人有種好relax既感覺。先黎既係2杯咖啡，這間cafe咖啡不是重點，但值得一提係老闆拉出黎既太場同熊好靚。我所見，會唔會男係太場，女就熊呢?未吃afternoon tea set前，見到油畫旁有位，同友人立即要求轉位，女店員同老闆好友善，立即幫我地轉位。轉位後，感覺闊咗ｄ，食都食得relax d。女店員再一次提醒tea set要要上到下，由唔甜食到甜，教埋我地食咩先，呢個溫馨提醒，我同友人都記響心。先黎試個牛角包，黑松露牛角包，我個人都幾鍾意食牛角包，暖暖既包，入口亦好鬆化，雖然唔係好試到黑松露，但入口即溶既牛油配合牛角包既暖，有d似食鵝肝既感覺。好好食。我個人認為牛油可以再少dd，唔駛咁油既感覺，因為牛角包本身已經有少少油響面。下面放既係4款既三文治，有三文魚、蛋沙律、有個唔知係唔係白毛豬火腿(食時唔知，睇番其他食家先估)。三文治底軟同暖，食落唔錯，加埋以上幾種食料，出面要試其實都冇乜邊間有呢d水準。最底層係tea set最主打，豆腐、椰子、香梨同一種唔知係唔係荔枝定香茅既慕絲蛋糕，我食得出既只係豆腐同椰子，最好食唔係其他，係最清既豆腐，好fresh既豆腐，好難得可以食cake時食到，要係即整即食，其實唔難keep住，但豆腐既fresh keep得住響個cake度，老闆做cake時應該好有心機同好有技巧。

最後食既係2個馬芬蛋糕，香蕉味同朱古加味，香蕉馬芬蛋糕配合合桃粒，令個cake更有咬感，冇太濃烈既香蕉味，配合cake既size，亦令我諗起媽咪之前買過返黎既香蕉糕。朱古力一向都係我鍾意既味道，所以順理成章我都覺得個朱古加馬芬蛋糕唔差，朱古力唔太甜，亦唔會有苦既感覺，味道控制得幾好。食完之後，坐一坐傾咗一陣，老闆亦冇吹我地走，響呢個有微細音樂加上舒適環境，真係好想訓覺。