同Eva出左尖沙咀行街，夜晚唔知食咩好，於是求其揀左間來食，又係食日本菜。間店細細地，不過好有日本架式ge感覺。

我地各叫左個魚生飯食，我要左三文魚生飯，Eva要左三色飯。可能係隔離飯香啦，Eva個飯望落都覺得好味好多，有海膽、帶子、仲有d蟹ge膏，撈埋一齊好香，唔會覺得有膩ge感覺，新鮮，d飯粒粒分明，個酸度剛好，好味ar！
 
其實我個碗魚生飯都好新鮮ga，個ｄ三文魚好肥，口感又滑，仲feel到有少少甘甜。

我地另外仲叫左碟八爪魚同帶子刺身，八爪魚好鮮甜而帶子就好creamy，直頭入口即溶ar！

依間個價錢比普通外面個d日本餐廳貴少少，不過用佢d材料新鮮程度比較，都叫做抵食ga。

魚生飯我地都唔記得影相，所以只影左刺生

最近睇左套劇集,好想好想食個類室內BBQ下,加上此店有$30 coupon,於是乎主動約左我D姐姐妹妹去食.呢度俾人既印象幾好, 地方唔細,都有好多位,啲櫈仲要好靚.侍應好有人情味既感覺,有位文質彬彬既男侍應,待客態度好有禮貌啊!聽完佢講個收費同埋睇完個野食紙之後,大家開始畫自己想要D野食.先叫左滿滿一盆刺身,帶子真係’it芝棒’阿!!!又滑又溶得快,好新鮮好味阿!三文魚同甜蝦味道帶啲甘甜,完全食得出鮮味黎,建議唔好點咁多士油食,會失晒鮮味!

另1盆海鮮係我地畫翻黎燒的,隻青口、隻海蝦、隻墨魚仔1啲都唔算細隻,啲肉質俾我燒到半生半熟,非常粉嫩美味ja XD!!!好香～～好好味阿!墨魚仔1咬落就咬得開加la,真係要試試.海蝦味鮮,but如果配埋啲海鹽,個味道更加好ja.

最近為左朋友個婚禮,我keep住每日都係食小小咁,男友尋晚睇唔過眼call我出黎食飯,點知我真係太太太耐無食過有味道既野食,搞到尋晚我keep住狂食狂食我要喊啦!!不過呢度好好味阿!2人所以選1個煲.鍋裡面d雞唔少,肉質非常嫩滑，辣既味道完全同雞溶為1體,夠晒入味!!不過有個美中不足既地方係,加左湯之後,味道會變淡囉呢舊牛肉同樣幾新鮮肉質，比薄薄個d牛片更有口感，更嫩

我好朋友Dora本身由日本翻黎既，佢食慣日本啲日本菜，就覺得香港啲總係唔夠新鮮。所以經常同我講好掛念日本・菜。呢間之前同事帶我食過一直都念念不忘啲刺身，今次帶佢黎試試。呢度地方寛敞,侍應有禮,我最最中意都係呢度既佈置,真係好有日本氣氛!!特別係吧枱上面掛住一個個木牌子同埋我地坐住個張騰織木櫈子

自從上次同個friend黎食過就1直念念不忘,所以今次我同另1個friend黎食多次.今晚無再食蠔改左食刺身.都係老闆介紹既,叫我地試試好新鮮咁話喎.4隻大大既牡丹蝦肉比我手指size仲要厚!!!!!蝦肉好好好甜,1邊咬1邊感覺似蝦蛟漿住得黎又爽又滑,真係好好味!!係最初個時老闆問我地要唔要留番個蝦頭整碗蕃茄湯烏冬,2人份量都係$100,見唔貴都要埋.嘻嘻!湯烏冬味道聞到已經好香,係蕃茄味!整盤大大盤既份量似for4人多過2人!!!不過都唔怕,有理無理食左先講...湯傑傑地咁裡面有蝦頭溶化係湯到既蝦膏,加埋車里茄既味道,好鮮甜好好好juicy!我1啖蝦頭1啖烏冬食,味道更更更出色添阿!!哈哈食到差唔多咁上下黎埋件法國鵝肝,好大塊阿!!!!!老闆叫我地拿拿淋趁熱食,趁佢面仲脆!um~~都係好好好好好味,腍腍地1入口即溶化左,最重要煎得又夠香剛剛好!!!

星期六晚同班朋友去呢度bbq, 我哋前一晚已經卜定、幾點到, 所以我哋去到已經有爐俾我哋燒!!天台度d野食已經擺得是是正正, 紙巾、膠手套、蜜糖調味粉任攞任用, 真係好！夠方便!
仲有個燒爐有網, 自己可以用夾燒, 唔洗下下拎叉. 我見到有我中意食既豬頸肉同鴨胸tim阿!! 就擺係個網度慢慢燒一邊又同班朋友吹水, 真係夠晒寫意. 見豬頸肉同鴨胸都燒到7788就加埋d孜然粉同辣粉, 呢d就放係爐旁邊夠就手!! 味道有小小辣同蘇味,豬頸肉好爽口彈牙, 鴨胸有咬感而且嫩口!好味!!總覺得燒出黎既野食特別香加!! 食到悶我就落左樓下同朋友釘飛鏢机、唱歌啦.

今日我放工之後過左我個friend屋企新成員狗狗玩,佢住係渡船街個頭,食開有間係幫襯開既餐廳佢話好家庭式既,諗都無諗就去左食.
個friend真係好鍾意食蠔,於是今次我地都有叫左半打蠔.佢最最最鍾意食係belon0000.就話價錢唔算貴,都係$74隻,所以叫左4隻,再叫多2隻white pearl,超鍾意重蠔同海水味,唔知點解我仲好似食到有西瓜味.嘻嘻!唔怪得d人話belon0000係蠔中之王la.連我個friend都最愛.今次我真係親身食左之後,既感覺係好爽好好好creamy,有咸味同銅味,仲要係個口度維持好耐.個老闆都話:[你唔食野阿?可以係個口度keep住成晚加!!]我個friend真係識嚐蠔la,仲識叫老闆開多支白酒.識左佢咁耐都唔知咁識歎.

每食完一隻蠔之後都會飲啖白酒,原來會令到之前食個隻蠔既銅味同海水味淡化左,口腔內只剩翻些微白酒味.搞到連我都識歎埋.哈哈

見仲未飽,我地再叫多個豬骨湯烏冬添,個湯味濃郁,我仲食得出用既烏冬係我至愛既稻亭烏冬,好好好滑劣劣ahhh!!!

同baba去左和民食晚飯,佢地既花魚燒真係好好食呀
花魚(唔知係唔係真係叫花魚),啲肉好滑,燒得好香,骨唔算多,因為最怕係食細骨,大骨唔驚!啲肉既表面有層啡色既膜,應該係燒出嚟既效果,好好食!
另外仲叫左牛油焗帶子,比較多油,食左兩件覺得漏,普通!章魚刺身,刺身表面濕濕地,啱啱解完凍,啲綠色周紫色既紫菜幾好食,wasabi就唔夠辣!
甜品我食左個紅豆雪糕,味道都ok啦!

住係附近,呢頭D野食就有食過,食評就未打過一篇.難得今日放假又無野,咪試開番個黎講下感想!黎呢間野食都係同屋企人黎食,貪就腳又近!!
上星期5個日晏周黎食,門口有1炸人等緊,等左約莫10分鍾左右就入得去.同屋企人一行3人坐低,阿媽負責洗乾淨D瓷匙快子,我就負責點野食.見到種類咁多都唔知點簡,咁就唯有點番我平時食開個D啦!!因為個陣得3個人食,又未算係好肚餓,所以點左幾樣野!酥皮叉燒包~阿媽話要食,好耐無食過咁話咼!!仲有就係點到牛肉丸、燒賣、腸粉、白灼生菜等等.食落D野食唔會話好特別,味道普通囉,好似個燒賣咁,我就嚴佢D肥糕太多啦!!!而且腸粉皮又太粉，最好味都係個個酥皮叉燒包姐，夠香！不過整體黎講野食一般啦.

尋晚屋企話無飯食，咁就無辦法啦，CALL埋細佬黎左樓下附近間食番個雞煲!呢間雖然係呢頭新開左無耐,不過我已經食過一次!上次食完佢個煲,對於佢個種辣1直念念不忘.唔知點解就係覺得佢既辣特別香,唔似其他得個辣字.
因為得2個人食,所以叫左個麻辣鴛鴦雞煲,配料淨係叫左碟魚皮餃姐,不過仲有叫到幾串串燒(豬頸肉、雞中翼同多春魚)係咁多姐.佢個煲味道依然KEEP到,香辣香辣咁!!雞我中意滾到啱熟既時候食;細佬掛住食串燒,等到想起要食雞既時候得番D雞胸、雞翼尖,差D要同我開片.相反,串燒就俾佢食晒左,問番佢就話豬頸肉好爽口、雞翼D肉仲好滑、多春魚乾身D不過都ok,但3串食落都好辣下.可以n call.