古早牛肉麵 (深水埗)

古早古早，我真係古佢老祖
明明一早知道香港好難搵到同台灣一樣味道嘅嘢食，明明知道裝修越吸引的食店味道會越一般，但我仲天真地以為佢會有夜市嘅質素。。。。早知。。。

今日總共叫咗五樣嘢，先講佢招牌「古早牛肉麵」，飲第一口湯就知賴嘢，個味道仲淡過我淥福字麵d味粉，有啲似豉油水。啲麵太淋仲衰過我自己去759買關廟麵自己煮。牛肉唔夠味得個諗字。

第二樣嘢係酥炸雞扒伴麵，點知啲面又係759嗰隻關廟麵，快雞扒得粉漿，粉漿冇香味。冇淮鹽、冇五香。個伴面唔鹹唔淡，可能要加大量豉油同埋醋先至有令人開胃的感覺。

最得人驚嘅係個滷豆腐滷蛋，豆腐用豆腐卜冇問題，隻蛋整到眼斑斑都冇問題，但個滷水冇滷水味就係最大問題。成碟野同我去買包台灣包裝食品加熱食冇分別。

魷魚羹竟然係變咗生菜凌魚肉嘅魚肉羹，鍾意食魚肉羹嘅可以一試，但都係果句記得自己要加大量豉油同埋醋。

蚵仔煎可以當甜品咁食，因為成pat野係冇蛋香，只有黏黏的感覺。我自己覺得加啲椰汁當椰汁糕咁食可能仲好味。

成間餐廳唯一可取嘅，就係店員幾親切同埋裝修都幾靚，但味道連茶木都不如，仲話係古早味食完只覺味精，好食就算食少少味精都算啦，但唔夠咪都可以食到咁重味精就唔抵啦! 用同一個$，喺深水埗我諗掃街都會好食過佢，講完。要飲返多D水。。。。。

亞坤 (尖沙咀)

今日行開尖沙咀，突然想食咖椰多，好邪地腦中想起好多負評的亞坤，又見到冇乜人但門口整條排隊帶，心想而家唔使排隊唔試試等幾時？於是昂首進入店舖，期待美食但卻是惡夢的開始...先找了個好位置，然後排隊購買食物，點了咖椰西多、馬拉撈面、檸檬薏米及凍鴦。好快個面來了，個汁味道單調，只有甜味沒有花生香味又沒有期待的馬拉香料味，衰過7仔的味精撈面。之後20分鐘d嘢食都仲未嚟，追了兩次先話漏單。又等了8分鐘，個咖椰多來了，得一片薄薄方包加一兜綠色醬，個醬只有甜味，西多無蛋香，油Lum Lum, 真係好L難食。唯一飲得落嘅係檸檬薏米水，因為起碼我喺杯度都搵得返檸檬及少量薏米。杯凍鴦我追多次後到了，個女仔放落枱時話凍啡，我話我叫凍鴦，佢攞返水吧再攞返同一杯嚟話攪錯咗，話凍鴦先真，見佢一臉純真，信佢一啖飲落去，全啡一d茶味都無，當人味蕾有問題。全程店舖經理係咁鬧店面女仔。我心諗算喇，跌$算喇。坦白講，亞坤只是屋村快餐店味道，但標名牌茶記價錢，小學雞服務質素，完全沒有能力在香港立足。如果佢仲可以撐多一年我會日日去食食足一個月來懲罰自己。

容記小菜王 (深水埗)

今晚一家四口去咗容記，7點去到好快就有位。不自覺地倖倖然，很快叫咗啲基本嘢：南乳粗齋煲，蒜香骨，生炒骨，薑蔥魚腩煲及燒腩仔。落單後5分鐘啲餸就到，快過麥當勞。
首先我真是覺得佢嘅食材比起普通茶記仲差，煲仔小炒都唔夠火喉，蒜香骨唔夠蒜唔夠香，肉質太肥，粉紅及未離骨，驚嚇！。
南乳煲啲汁又淡又冇南乳味。
生炒骨同魚腩煲一般般冇乜特別。
最特別係個招牌燒腩仔，啲腩肉係裹蒸糉入面的肥肉，皮係脆但有燶味，X你老味。
同三四年前差咗三皮，最後仲要收茶$，老實講我寧願去過幾個街口的萬發囉。今次應該係我last time 去容記

八八八拉麵 (尖沙咀)

可一不可再的拉麵
今日再次挑戰888拉麵，看看我的味蕾忍受程度有否改變。慶幸我的機能還未退化。
今日叫了一碗盬味叉燒，一碗味噌粟米拉麵，與1年前一樣，除了大碗外，個湯比起雲貴X米線更鹹。啲叉燒硬度比'美'豬肉乾。啲麵有梘水味，最經典係啲筍似足新聞裏的「木筷子」製筍，硬到咬不開，碗麵一上枱更傳出陣陣臭「膠」味！點頂，食咗兩啖即走，去譚仔填補番個肚的空虛。

意粉屋 (太子)

呢間可以算係咁多間意粉屋食物質素最差的，不夠熱的墨汁意粉，雪味濃的龍蝦肉，似在超級巿場買回來加熱的薄餅，扁'tat tat'的千層面。唉！三百幾蚊有更好選擇，今日覺得錢洗得很可惜。。