見依幾日天氣涼左，加上係電視見到田雞和小肥仔同小肥牛拍左個廣告，就同班三五知己一齊去打個邊爐啦！我地本身諗住就腳book太子個間，但係等左好耐先聽我地電話，仲話full晒即刻cup我線！甘唯有遠d book尖沙咀亞士厘道個間！去到見到門口好多食物圖片好吸引，坐坐臨入去坐底！ 原來依到吾但只打邊爐，仲有活魚刺身食！行過見到真係有個魚缸有好多魚！坐底貪新鮮叫左個活石蚌魚刺身，上到枱條魚仲識郁，係甘掙扎，真係好生猛！魚生食落有好爽口同薄身！ 至於火鍋方面我地叫左個火焰醉蟹牛皇煲！聽個名都夠晒震撼！原來炒炒隻蟹先落湯！有個樓面牙姐黎幫我地手，點著火之後雄雄烈火一昇上天，仲傳出陣陣香酒味！見牙姐甘落力，嗲左幾句，問下有咩牛肉好食，佢就推介極級本地手切牛肉頸位，甘就試下啦！上到枱牛肉賣相好靚，好多花紋，吾太瘦又吾太肥！浸落湯之後食落好有牛味，滑得黎又吾會好似成舊肥膏甘！ 仲有炸腐皮超正，舊舊都好脆同好熱，應該係即叫即炸的！另外仲叫左好多野食如珊瑚蚌、手打蝦滑、墨魚滑、芝士牛丸、栗米同蔬菜等等好多野！ 值得讚ge係手打蝦滑同墨魚滑好爽口同大個，入口真係好彈牙！ 冇幾耐有個高高瘦瘦既應該係經理黎幫我地加湯，仲推介我地食蟶子，話岩岩今日黎貨，於是叫左五條試下！原來可以刺身食，食落口好鮮甜，加埋芥末醬簡直一流！ 不過，美中不足的地方黑松露水餃食吾到有咩黑松露！同埋環境方面雖然算寬倘，但係幾嘈下！ 仲有我覺得上菜次序比較混亂！開始打邊爐條石蚌魚刺身先黎！應該係食左生野先嫁嫲！整体上黎講好滿意，食品一流同員工好親切。 最後五人埋單1千1百幾蚊！幾抵食啦食左甘多野！仲有張贈券送！下次黎有得食免費刺身！