Amour Corner (旺角)

同好朋友慶祝生日，就佢方便於是去旺角。
要喺旺角搵個地方坐得舒服少少兩個女仔傾下偈已經考起我，本來想去SKY BAR但係驚嘈所以最後揀咗依度。 即日經table map訂位，都幾方便!

小店裝修簡約舒服，本來朋友都幾開心話旺角竟然有咁有「情調」嘅地方。不過waitress反應一般，要自己行到入水吧先有人理，帶我哋坐低。我同朋友點咗個Salad，同埋一個mushroom risotto + Seabass.
值得一讃係會擺定一大支水喺枱面而唔會收費。首先嚟個Salad，個portion都幾大，而且有好多牛油果，印象中唔貴，不過唔太慣salad有煎熟咗熱嘅蝦，同埋對我嚟講咸咗少少!一路傾偈唔覺唔覺，等咗多過半個鐘先嚟我份Seabass, 之後再等多三個字先到朋友份risotto。等咗咁耐好食就唔緊要，本來個Salad都算係Okay嘅starter，點知到main course真係徹底turn off。 我條魚好重牛油味，其實對我嚟講油咗少少，不過都好過伴碟嘅pasta，係完全完全好似用滾水煮熟就上碟咁冇味，我食食下真係忍唔住問waitress可唔可以俾啲sauce我等唔好咁dry，結果佢拎咗杯類似燒汁咁嘅sauce，其實真係完全唔係嗰回事，不過總好過冇，實在要改善呀!朋友話份mushroom risotto嘅mushroom大部分係冬菇，而成碟飯唔creamy好似冬菇水泡飯，同期望差好遠。
最後埋單有個男仔都好好，問我哋今晚啲野啱唔啱食，本來已經好失望嘅我哋都同佢講返等得太耐，佢解釋當晚廚房出咗意外所以離咗。 意外係冇人我哋都冇表現得好不滿，不過一餐生日飯就咁spoil咗都係事實，依個價錢如果喺其他地方應該食到更加正常嘅質素，喺旺角有個好少少又靜嘅地方食西餐唔容易做，餐廳方面真係要俾多少少力喇!
 

川燒 (尖沙咀)

經朋友力推，有晚收工好夜，又想同男友好好地食一餐就去一試!!
平日夜晚十點幾都唔使等位，
入到去比較多一大班人GATHERING (所以都比較嘈~)

雖然知道已經加咗價，不過我地都覺得幾抵食!
通常食串燒都係細細碟，要嗌得多先夠飽肚，
所以我地兩個人都叫咗唔少,之後都食唔哂!

野食各樣都唔錯，不過我地ORDER熱盤多過串燒!
其中有個係焗雜菜，個份量係唔惹小，
仲有叫咗個饅魚炒飯，都幾大碟下，所以60幾蚊都幾抵!!

美中不足係SERVICE的確有啲甩溜，
我地叫咗大概7,8碟野，都相差有成個鐘先到齊!
尤其係啲串燒。
不過整體我同男友都覺得好ok!!!!
下次去會同多啲人一齊去可以食多啲!!

雞煲皇 (紅磡)

湊巧到附近入貨，老闆介紹附近雞煲皇好食。
去到見到侍應大汗疊細汗叫我地等陣!
等咗十分鐘左右就OK!
一入到去坐低同伴都咳，好香嘅薑蒽味好搶喉。
想試下招牌雞煲，不過要等四十五分鐘所以就放棄。
結果就叫咗個2個小菜，
上枱都要等好一陣，不過一食落就好有鍋氣。
另外仲叫咗個荷葉飯，好得!!!!!
啲飯係好分明唔會黏埋一齊，而且都好大個!
三個人都食唔哂!!

釜や本舖 (尖沙咀)

MENU冇乜選擇，而且份量偏少，
起初都有啲驚食唔飽!!

試咗個茄蛋烏冬，好似只係茄醬加蛋汁撈鳥冬,
有酸嘅茄膏味!!
烏冬本身麵質都教人失望。
另外再食咗個雜菜天婦羅，都係失望!
材料一般，
認同之前嘅食評講同大門橫丁差得遠。
依晚市所見，服務有點兒亂。
有啲唔明點解會咁多人食，
不過我地何嘗又唔係見到人多所以試試,
總之試一次就夠喇!

譚魚頭火鍋 (尖沙咀)

曾幾何時一班朋友都鍾意去譚魚頭，
雖然任食邊爐選擇好多，但係質素又比再平啲既舖頭好啲,
同埋朋友都鍾情啲水晶包。
有晚同男朋友想打邊爐，見九點前後都只係差少少，又唔使等位就去啦!
一入去睇任食同散叫張MENU既選擇都差幾遠!!
好耐冇食水晶包，一場黎到梗係想食，
同埋其他好食啲既都要每人再加$30!
算啦加啦!
佢哋唔包豉油，只係包個特式味碗，入面有鹽仲有大量芫茜(個人唔鍾意芫茜!)
店員話要加啲湯落去，OK啦試下啦，卒之我哋都決定叫豉油，不過好在都有一碗!

其實SERVICE又OK! 雖然好似唔係好多WAITERS, 不過都自動收野!
野食都OK!
同男友食到勁飽，埋單四百幾，雖然幾好食，不過又真係貴咗啲! 短期內冇下次!