Fiat Caffè (銅鑼灣)

今晚老公話想食意粉, 佢本來話想食UCC 的, 但銅鑼灣間UCC 真係超多人, 
諗起朋友的介紹就黎試一下

等個等位先: 
1900 左右去到, 冇訂枱, 但可以即入, 真好彩, 感覺不錯 !!!
當然, 如果好像之前的食評家, 遇到限時用餐的問題, 我就不會入去, 寧願唔食 !!! 

餐廳環境:
幾特別, 以車為主題, 話好靚? 又唔係. 不過 乾淨、光線足夠. 

服務: 
還好, 但不覺特別 ! 

食物方面: 
第一次, 黎個SET DINNER 先啦 !! 
價格係HKD 398 + 10 % ( FOR 2 PAX ) 前菜 : Parma Ham Melon & Grilled Portobello soallop 

先講Ham : 外貌擺得唔錯 再講 Grilled Portobello soallop 烤龍葵菇拼鮮帶子 : 外貌好過HAM , 本身都好喜愛食菇 同帶子....但, ....這對組合好似不相配...食落...冇驚喜, 雖不見到難食, 但好食、想再食既感覺就沒有餐湯 : 青瓜湯 : 一聽到是日餐湯係青瓜既時候, 有一點呆既感覺... 因為係青瓜, 不過, 飲落感覺良好, 青瓜既香味適中. 主菜: 西班牙黑毛豬柳、扒大蝦墨魚汁意大利粉

先講西: 班牙黑毛豬柳: 肉質嫩滑, 不錯 ! 再講意粉 : 我對墨汁麵有一份喜愛, 食到滿口墨汁, E 起牙, 哈哈哈 !!! 講返正題, 名稱係
: 扒大蝦墨魚汁意大利粉 , 蝦係夠大的, 扒到 , 雖然得一隻, 但有少量少量既磨菇片 ( 如果多幾片會好一點) 至於我最在意既汁, 老實講, 唔夠墨, 不過整體味道不錯. 最後....係餐茶 !!! 普通, 沒有特別

朋友話散叫必食雞翼、焗薯及雞沙律, 大家可以試下 !!!

金鳳大餐廳 (太子)

星期日, 老公話想食扒...原先BOOK 左藍地某間餐廳, 但要到2030 先有枱...唔想咁夜, 又唔知邊間好食的情況下, 老公就提議去金鳳 ( 太子) 這間

由於平時在灣仔店食, 所以今次係第一次試太子這間店

等候時間:
1730 左右去到, 門口已經超多人, 心諗..唉 ~ 照拎飛先...點知, 原來佢一叫飛都叫好多張 所以大約等了15 分鐘就入得 , 提一提, 人齊先入得

環境感覺:
老公之前已經提過這店比灣仔店細得多...果然
一張卡位要坐4 個人, 其中有枱4大小都係要坐卡位 
所以, 介意用餐環境的, 要考慮一下

食物質素及味道:
餐包: 暖...偏熱...於牛油入去就溶... 不錯
羅宋湯: 酸既程道合到好處, 好想一飲再飲既感覺老公叫左西冷牛食 (5 成熟) , HKD 7X , 大件, 夠熱, 肉質不錯我就叫左羊腿扒 ( 全熟) , HKD 7X , 份量係超多, 只有2 條骨, 雖然係全熟既肉, 但肉質嫩滑..重點" 冇蘇味" , 夠熱, 黎到聽到D 鐡板聲, 咁先係港式鐡板餐麻

以上兩款扒餐都跟餐飲, 當然超細杯, 加大就比多HKD 5 啦

服務質素:
老牌餐廳就冇咩服務可以講的, 但求唔好吹你落單, 比面色你睇, 就算!! 
這店算好, 扒類算多, 尤其是係牛, 好多顧客都會問分別...職員都會答
放食物落枱都唔會好大力, 畢竟有加一服務費

大力棒棒摩登中菜 (尖沙咀)

其實週未晚(星期五)出街搵食, 預左等位, 預左多人. 
今次同埋家人(三人行) 去到The One 搵食....本來諗住食金牌小籠 或者 泰國野, 點知間間都要等位.
行過見到E間<大力棒棒> 望入去, 唔洗等位喎....好啦....試下啦 !! 

老實講, 食物係好味既 , 環境係乾淨的, 正當我地諗住下次再黎食既時候...我一放低筷子, 正所謂食物都未咬完,  D 侍應就嘭嘭聲黎執晒枱面既餐具, 仲叫我立即埋單  我問 : 下, 我冇叫埋單喎.... 佢答 : 因為出面好多人, 麻煩你即刻埋左張單去 !! 下... 唔係麻....明白晚餐時間多人, 你大可以我入黎之前同我講明幾耐要交枱, 如果我遲左, 我唔岩 ! 又或者你可以同我解釋左先拎張單黎, 我都可以配合你 !! 但而家你咁叫我埋單, 我認為你趕我走嬲 !! 不知所謂 !! 其服務質素比茶餐廳更差......對於一個以服務行先既, 就算你食物好味到飛天, 我都不會再試.....

講返食物先.....當日叫左4 樣餸 ...