和男朋友約好了放工睇戲食飯，場戲10點45分至有場，我地就黎衣肚先la。離開始有成3個幾鐘，就算食個放題都有時間剩。去到，可以食2個鍾，可能時間尚早，個場唔算係好多人。食物方面，一定要食刺身呀，刺身好得！又新鮮又夠大件又肥又滑，不過黎到都唔知邊件打邊件，因為呢度刺身名同出面平時叫開既唔一樣。真心覺得每一款都值得叫黎試一試！好似我地食同識分既三文魚咁，切得好厚，而且仲係魚腩黎添呀！！

其他叫既又係不外乎炸物、串燒、壽司之類，佢呢度仲有分一種叫和食，我地叫左份豬軟骨，肉質好腍，有啲肥肉所以都好嫩，加上個汁同蔥花，整體上好夾好夾！

至於個芝士年糕，本身唔諗住講，但佢聞到個陣有陣台灣食到個隻炸鮮奶既香味，令我好懷念，佢皮好脆，裡面芝士都唔少ga，值得食呀！

兄弟得記燒臘去就成日都會去食,出黎做野咁多年就食足咁多年，質素都係一流，就連今次隔左好1陣子再去食都無令我失望。

今次食佢ge叉燒燒肉飯，先講燒肉，夜晚有時會賣晒無得，想食日頭食好味點，因為皮脆。十次幫襯，七次皮脆。肉質林林地，唔會硬。再黎叉燒，講明瘦叉就更佳，不但厚切，唔乾身，瘦得黎會有少少肥，蜜汁叉燒，自己加豉油，每片叉燒都可以加到有豉油，簡直一絕。

次次食都大大碟,服務更快而準，唔洗等好耐就有得食，有時食飯時間短我１定會黎呢度食，唔怕唔夠時間食阿嘛 !

做左熟客咁多年，成日都Encore。

前前日去左佐敦做野順便約埋d FD係個頭食飯,宜家咁鬼涼梗係約去食辣加啦!個fd 話之前食過呢間覺得唔錯所以就帶我地去試下

一行幾人叫左個雞煲、麻辣湯底,叫左d串燒,仲有d例排野(肥牛、丸、餃子....個類啦)

個湯黎到見到已經知咩事,太浠啦!!仲要無乜味唔夠辣,不過好彩有D香草搭夠!另外串燒就還可以啦,肉燒得幾香~

嗜辣一族既我地黎講,呢次雞煲味道一般,希望下次再黎食既時候會有所改進

紅豆冰是我近期迷上的飲品，希望可以找出全港最好喝的紅豆冰!
這裡的紅豆冰比我上次在大快活的好多了，不過我還是覺得奶味不夠，而且太多冰沙了，可能是因為我要的是少甜吧。紅豆和奶份量相若，整體來說不過不失，經過又想喝的話這裡是個不錯的選擇。$20也不算是太便宜，不過喝後真的很飽，值不值就見仁見智了。

見個個都寫小籠包, 我再向各位誠意推介: 芹菜魚肉水餃, 由於用魚湯湯底好鮮甜, 第一次飲時以為好淡, 點知食左一次便上了癮, 因為個味好香濃, d水餃又吾會好淋, 分量足夠，每次去都會叫.


環境好, d服務員又好快手, 經常加水收碟. 但不足是上菜時間太快, 好多野都因食唔切而凍了....