Eo Z 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2019-01-27
公司年年新年都搞party 叫到會,大xx,美x 食到識背!今年個HR竟然有新搞作,泰菜cross over 上海菜,嘩,開心到呢⋯⋯果朝早餐都冇食,叫左海南雞,柚子沙律,雞絲粉皮,糖醋排骨,素鵝,春卷同回鍋肉。海南雞好好食,素鵝同春卷外賣呢兩樣真係好考功夫,估吾到仲脆脆地,聽佢話佢用樹記腐皮!其他食物嘅都吾錯,好多同事仲諗住打包番屋企,點知全部掃清!值得讚係食物黎到係熱熱地,證明係當日即整!希望HR 出年Encore 啦! 推介美食: 泰式海南雞,素鵝 評分: 味道 5 服務 5 衛生 4 抵食 5
2018-11-30
經常聽人講手工菜,今晚終於嚐到,滋味無窮!屋企人喜愛杯中物,餐廳又免收開瓶費,於是訂枱時預先訂下能配紅酒的菜式,首選炸元蹄,八寶鴨。紅燒元蹄經常吃得到,炸元蹄真的要一試!還有乞衣雞,看見造型已經覺得會氹小朋友,於是訂了一隻。用餐當日還點了三道前菜,黃金蝦,兩道蔬菜,蟹粉小籠包及拔絲蘋果香蕉! 三道主打手工菜果然不負眾望,炸元蹄肉質鬆軟綿密,肥肉部份香甜可口,不油不膩,皮脆就不用說,連不吃肥肉的女朋友都忍不住大口吃!八寶鴨工序繁複,最美味的就是內部所藏,一切開,香氣四溢,一口飯,美味絶頂!至於乞衣雞,單單讓小朋友拿著小搥子敲打,已經為餐桌加分了!難得是荷葉裹著,讓荷香滲透雞隻,滋味! 一行十人,每位四百,用餐後忍不住向各群組推介! 推介美食: 八寶鴨,炸元蹄
評分: 味道 5 環境 4 服務 4 衛生 4 抵食 5
2018-10-14
一上樓,好多吉枱,但就被安排坐大柱後,要求坐其他位置,就話已有客人訂,仲話人地一個月前就左,但我地坐食左兩個鐘,果幾張枱依然係吉,問經理,點解有咁嘅安排,態度仲衰!終於明白點解成晚吉晒!食物性價比低,叫左個Flower salas ,都係生菜沙律,仲有個Prawn mouse 卷,好咸! 冇下次啦! 評分: 味道 2 環境 2 服務 1 衛生 2 抵食 1
2017-04-30
德福其實都算多野食,第一次食Mr. Steak, 睇佢門面,食物應該吾會好差,午餐叫左一個豬扒餐,一個肉眼餐,以為佢打正期號叫Mr.Steak ,難食極有限,點知真的難食,豬扒又乾又冇味!牛扒⋯⋯睇個樣就知,吾洗多講,好彩個自助沙律多選擇,唯有食沙律填飽肚,甜品都有啲求其,真係寧願你比杯啫喱我就算!仲有個香草蕃咖餐包,放喺枱比客任攞,但就比冷氣抽到乾晒,你不如比番個牛油餐包,叮一叮,吾會阻你好多時間啫,豬扒收138,個牛扒餐收$168,真係冇下次!
評分: 味道 1 環境 3 服務 3 衛生 3 抵食 1
|