並唔係元朗人, 有機會大鄉里入城, 一早去openrice做下功課.  原來元朗人咁好口福, 大小食肆多國菜式任君選擇.  我一早袋定幾間入"我的餐廳", 行山前後-早餐、下午茶甚至晚餐都可以有得揀. 行完山剛好3點3, 小巴站最近係大榮華, 一班鄉里諗住去大榮華飲茶, 唔知係咪中秋正日, 下午茶已截單, 立即實行Plan B, 有緣試左永順.

呢間鋪都幾神秘, 搵到個大廈名但原來間鋪唔喺大街, 圍住楝大廈兜左個圈, 原來喺正門後面. 話雖如此, 去到2間相連鋪都坐滿人(大部份係男人), 心諗應該有D料到.

大家睇住牆上個餐牌, 又雞翼, 又豬扒, 又一丁, 正係我地呢D"青少年"既至愛, 決定要配個檸樂黎賀一賀佢. 可憐我身懷六甲, 唯有揸項就命, 叫左豬扒蛋治加樽裝鮮奶.  等左2,3個字, 食物開始上枱.  豬扒鬆化, 雞翼嫰滑. 無他, 二個字, 新鮮. 有D唏噓, 如此簡單食材, 因為新鮮, 味道提升百倍.

元朗鐵路相連, 交通方便, 樓價亦拍得住市區. 希望喺租金飛漲既環境下, 此類小店仍然有生存既空間.

老公加人工想同家中長輩分享喜悅, 老公負責出錢, 我當然要分擔下諗下去邊樹食好. 老人家通常鐘意食D熱辣辣既野, 我又公器私用, 揀左我最愛既鐵板燒. 月頭已經去過金鐘分店慶生, 加上九龍就腳d, 今次就試下尖沙咀分店.
尖沙咀呢間喺酒店basement, 鐵板燒個房無金鐘果邊有窗咁開揚, 或者因為咁, menu價錢都比金鐘平小小 (Menu亦都可以預先上餐廳website睇下), 但套餐入面食物種類又好似多小小, 好似有埋前菜(蕃茄多士), sashimi 同雪糕
我仍然追隨牛肉薄燒, 家人部份揀海鮮. 師傅仔出場都好細心, 見我地一家人, 問我地想唔想share食, 各人都食多幾款

今次師傅仔就無金鐘果位咁pro啦, 由一開始烘多士已經將多士烘燶左 (唔知係咪大火得滯, 真係堅黑左, 相中果塊已經係比較無咁濃), 跟住煎薄牛又黐底, 見師傅狂鑊死刮塊牛先捲得起, 總之視覺上無金鐘果個咁享受, 有D呢hea . 至於海鮮, 亦可能平左1舊水既關係, 呢個set 既蝦只係蝦仁 (可參考相中師傅煎緊果幅相). 

不過成個set 有埋三文魚sashimi同雪糕 (有芝麻, 紅豆同菠蘿揀 - 堅有菠蘿肉架), 個感覺又好似完整d咁.  一家人圍住吹下水, 睇下師傅仔煮野食, 舒舒服服, 整體都可以用值得黎形容, 所以話呢, 食野都係講氣氛既.

好鐘意食teppanyaki, 覺得唔係齋食, 成個過程就好似一個show咁.

今次又係呢位廚師先生serve 我地, 睇佢既表情就知佢好nice, 出場時有同我地打招, 適當時會了解你既需要, 又會介紹下遞上既食物, 我地傾計佢又唔會左住你.我點左牛肉套餐, 老公就點左廚師套餐 (套餐詳情可參考餐廳website既menu). 牛肉套餐可以點牛柳或者西冷, 第一次食, 諗住tenderloin係正野, 自從有次食過薄燒後, 就念念不忘. 我都唔知食薄燒係咪無咁識食, 但係我就係鐘意薄燒香口d.  我選medium rare, 充滿油香既牛肉, 包住spring onion 同埋乾蒜, 外脆內juicy, 好正. teppanyaki 另一個有趣既地方就係可以學埋cooking, 老公既set入面有銀鱈魚, 煮法係先煎再放日本醬油、大吟釀、白酒同洋蔥焗一陣, 保留到鱈魚既細滑. 大蝦約4,5吋左右, 切左4粒到, 煎蝦果時好香.仲有炒雜菜(椰菜,芽菜), 炒飯(充滿牛油香味既炒飯) 同麵豉湯, 星期日天朗氣清望到出面陽光仲有小小香港公園既綠草, 感覺真係好relax, 好滿足.

星期天到尖沙咀活動, 上地鐵後立即seach 下openrice 有咩地方可以食個坐得舒服既 quick lunch, 此餐廳名列地區 top 20, 決定試下. 

食台式餐廳, 每次都忍唔住encore紅燒牛肉麵, 呢度牛肉煮得好淋, 夠哂入味, 牛筋同牛肉分佈好平均, 有小小膠質, 非常好口感. 個麵有D似刀削麵, 有寬度食果時能夠吸埋D湯汁, 令人回味.反而個鹽酥雞扒麵就一般啦, 係新鮮, 但係脆漿比較厚, 而且雞皮有肥糕, 我不禁除去塊皮先放入口, 失去左鹽酥既意思.由於唔飲得凍飲 (見隔離枱D台式凍飲賣相不俗, 好想飲), 我地叫左壺生果茶, 係用lipton 茶包加蜂蜜加mixed 生果粒粒, 有士多啤梨, 奇異果, 橙肉, 火龍果, 藍梅. 上果時會用candle 熱住, 保證飲到最後一啖都係溫暖,  順帶一提, 佢會refill 紅茶, 所以我地2個人飲都夠share, 抵!入坐時waiter 已經講明用餐時間限90分鐘, 我地12點左右到, 心諗有無咁誇呀, 都唔滿座. 後來走果時見到有堆人排隊, 原來開始食tea, 咁又係, 睇comment d人都對佢d甜品好評, 有機會一定要再黎試下先.

住同返工都喺市區既我深深感受到連銷食店既霸權，不斷加價不特止，菜單種類小、出品馬虎，總之食飽你就算，"好悶呀"，對於d食得出有passion既食肆，不得不寫篇食評推介一番。

未夠7點黎到唔駛等位，不過2次黎都坐左上閣樓，環境係比較擠迫，但係坐低已俾個menu吸引住，食物飲品都好多選擇，唔係太公主應會接受到 。

我今次encore, 都係叫左咸豬手螺絲粉。聖誕節嘛，係要食d啹啹下既食物開心d. 老公話，"好肥呀"  ，佢真係唔識野，豬手皮焗得小小脆，外表金黃色的，入面啖啖肉，最重要皮裏面既脂肪大部份已經被燃燒，剩低既口感香軟煙韌，充滿骨膠原，絕對唔油膩。至於蕃茄湯底嘛，有洋蔥同埋蛋花，我覺得螺絲粉先可以索到湯，一啖吞下，份外滿足。有個小發現，今次無飲特色飲品，叫左凍朱古力，我無expect佢會有cream喺面，賣相已經有別一般茶記，飲一啖，果然有料到，我敢講可以比娓Godiva 果杯，隨住d cream慢慢溶，味道更加香濃細滑。另外order既鴛鴦炬飯，屬於正常出品，新鮮熱辣，亦不妨一試，咖哩牛腩都幾淋，豬扒同牛腩既份量比飯還要多。

其實次次都好想試佢既甜品，好似窩夫、甜麵包粒，價錢都30零蚊，相當經濟，下次要集齊人黎過，先可以叫多d.

當喺1萬幾千過眼雲煙，1千幾百尤如垃圾既年代，加價快過火箭，呢度賣既豆腐花仍然係10蚊2碗。話哂喺商場入面，真係2個碗都收你2蚊啦。熱辣辣，滑啫啫，無位坐唔緊要，呢d叫風味呀嘛，下午茶佳品。

佐敦呢頭絕對唔係我地既活動範圍，有幸偶遇隔離鋪唯珍，剛好J2台飲食男女介紹過，佳佳近在咫尺，不尋而遇，我覺得真係超好彩。

個節目介紹老闆對中式糖水既堅持，無錯，呢度無咩楊枝甘露，無乜撈物撈，有既就係細個去下村糖水鋪食果d ,芝麻糊，杏仁糊，雪耳木瓜，湯丸。老闆喺節目話過，一家人，食完晚飯黎食碗糖水，點可以賣得貴過正餐，今時今日仲有咁既良心商人，真係好難能可貴。

自從遇上，食左幾次，杏仁露食得出係生磨無粉味，當然係好. 但係每次都忍唔住要叫湯丸，皮既滑，係差d咕一聲就會吞落肚，黑芝麻既香係食完仲留喺味蕾。好似呢排天氣凍，簡單食碗薑汁寧波湯丸，個薑湯既香辣，從佢微黃色既湯底就知真材實料，8粒價錢只係15蚊，就算特登黎食都係值得。

今朝刨飲食男女，推介香港100強小食，其中有推介呢間生煎包，今日過開黎魚魚魚食dinner，諗住順便試下, 當餐前小食。

首先申報我唔係大食之人 ，23蚊有4件生煎包，心諗我只可以食一個。 點知，咬左一啖，不能自拔。我地已經係外賣再行到去魚魚魚等位嘅時候先食，第一啖咬落去，仲係十分燙口，跟住你會諗，“點解生煎包個皮好似紙咁薄？”再咬，嗱！係時候啜啖湯汁，唔係，情況就會好似我咁，一半嘅湯爆左出黎，十分浪費。我唯有拼命再啜埋尚有既湯汁，啖湯真係好清甜，唔太油膩好有肉味。接落黎我終於可以連皮連肉咬一口，原來個底係咁鬆脆，舊肉係有纖維，有咬口，唔係攪碎哂。

不得了，如是者，不知不覺我食左2個，再加魚魚魚一大魚片魚湯米線。 好在我唔係住荃灣，唔係實變大肥婆了。

星期五晚上8點鐘, 間間餐廳門口都有人龍,   間間都去攞張飛先，兜左商場一個圈，15分後返左黎小王一睇， 嗌過龍tim，即時同reception姐姐講聲啦，點知佢話無得補番喎，一係再攞過飛啦。所以有心食就記住企定定唔好走來走去啦

我地2個人叫左：

牛肉麵（$4x）
鹽酥雞麵（$4x）
魷魚酥（$2x)
朱古力杯芽 （$18+2）

牛肉麵一黎到，緊係試牛肉先啦。果然係又鬆又林，舊舊有中指咁長幾大塊，碗麵賣相幾得，當堂滿心歡喜。粗麵有d似刀削麵，以為都係好似刀削麵咁煙煙韌韌啦，將酸菜粒放埋入湯麵，點知林bag bag㗎，真係我食過最唔好食既麵。

至於其他呢，鹽酥雞有2隻女仔手掌咁大，肉質都好嫩滑，同魷魚酥一樣都係鮮炸。朱古力杯芽一貫台式飲品咁，大大杯，味道都ok㗎。    

有時真係唔一定貴野先值得令人回味.
果日去開旺角做gym, 又係時候吔飯, 喺花園街隔離呢條通菜街勁多食肆唔知點揀, 梗係上openrice check一check啦. 見到民華有鮮茄通, 係我哋既favorite, gogogo!

間鋪喺門口睇都算幾新淨，我哋太娘了，好久唔出旺角一次，都唔知係咪新店。入去坐低一般茶記格局，卡位都幾迫，反正我唔係公主，餵飽我就ok
望下餐牌，其實茶餐都好多選擇，茄通外，仲有較少有既豬潤，但係我哋2個都係難敵茄字。男人食茶餐唔夠飽，唔緊要！仲有點心、蒸飯，十零廿蚊。雞札就一般啦，鵪鶉蛋燒賣好得。唔知係咪宜家茶樓都小有，好耐無食過，彈牙既豬肉仲有隻小蝦仁，加上鵪鶉蛋好香，成舊啖啖肉，好過癮。
吊起胃口，茶餐就上台啦，有牛油厚多士同炒蛋，我揀左午餐肉，多士焗得金黃色，已均勻地好牛油，從小處睇到呢間店有heart唔馬虎，午餐肉香脆，熱切期待茄通。果然無失望，湯底香濃而且味道適中，有茄茸唔係稀liao Liao, 這一次我差不多飲哂d湯。
文華我都食過，但係寫呢篇食評時，只有民華既美食仍係我腦中徘徊。 （或者這是人稱的妹仔肚吧。）