話說要發掘下中西區既美食, 搵搵下就比我俾到呢間餅舖.

見人人LIKE 紅豆綠茶蛋糕, 當然係要試呢個~

媽媽係附近跳舞, 於是就叫佢買番黎~

個盒都好靚, 計設得甚有心思. 不過無映到相...

買左2件紅豆綠茶蛋糕, 1個檸檬TART同1個藍莓TART.睇食評D相以為咁既SIZE, 見到, 原來比我想像中細得多.... $30一個, 真係要試真D!

一開始食D綠茶卷就已經不得了! 拎起唔會黏手, 食落去唔駛咬就咁嗒已經會慢慢融化, 口裡面充滿住好香好濃既綠茶味. 而裡面既綠茶CREAM溫度稍為凍D, 令到口感食落去好特別, 當外層融緊既時候, 你就會FEEL到裡面凍凍地既但又唔漏既綠茶CREAM. 甜度適中, 做呢D卷卷應該用左好多時間.

然後食埋裡面既蛋糕. 綠茶加埋紅豆味超OK~ 鬆軟,同埋濕度唔係話太濕或者超乾. 另外你唔會覺得要特別咬D紅豆, 好似紅豆同個香濃綠茶蛋糕已經融為一體咁. 仲有講埋D 蛋糕既綠茶CREAM, 因為只係佔個蛋糕一小部份, 所以唔會話太多太creamy'濟'左

簡寫既話: OISHI!之後就試LEMON TART. $28

聞唔係好聞到檸檬既味, 但係原來食落口感係咁豐富~ 佢唔似芝士餅咁實既豐富感, 佢係滑SAI SAI然後係你口度溶左, 幾乎好似液體咁落左喉嚨. 個質感真係幾過癮, 可以講係蛋撻再硬少少既感覺. 食落一開始有D酸, 以為酸得濟. 但嗒嗒下先FEEL到LEMON既香同甜味散番出黎.

而個曲奇皮就無咩特別, 不過做得幾薄就真.

最後就係藍莓TART. $28

對比之下真係比下去, 因為實情係無咩內容, 得藍莓同個TART, 藍莓用料OK, 唔酸, 仲爽. 但係28唔值.

總括黎講, 最正當然係紅豆綠豆~ LEMON TART都其實同佢有得揮!

再試其他呀要!!!!!

南記~我細細個就聽過佢個名, 睇下佢D招牌麵~ 仲有D新野~

中學成日食午飯都食~ 好耐無食過, 趁今晚無住家飯食, 黎左呢黎食~

中環夜晚都咁多人食快餐? 好誇張.

叫左個以前黎到必食既墨丸春卷河!

而家都係$21 JA! 以前好似係$16? 唔記得...

唔~ 佢湯底D味同以前無咩點變! 好懷念以前既日子!

墨丸春卷都係咁既樣. 春卷無細條到, 咬落去都係咁既質感, 墨丸都係幾彈下!

咁食好滿足! 但如果大碗D會開心D!

與好耐無見既朋友girls talk, 尖咀大家都方便, 就揀左呢間食評都OK既charlie brown cafe.

去到, 原來係行一層上去既~ 感覺不俗.

因為同朋友吹水, 唔係好留意環境, 不過去廁所見到一幅lucy馬賽克牆~ 絶對係有心思既設計.

同朋友3人share 3 款cake~ 要左薑汁芝士餅, 軟心朱古力同豆腐芝士蛋糕(lucy light). 自己就點左杏仁鮮奶咖啡.講下D cake, 印象最深刻係軟心朱古力. 嘩! 佢個味做得濃, 又有唔同layer, 最底係朱古力味蛋糕底, 中間係紅莓味既JELLY狀物體, 上層係朱古力mousse. 食既時候感受到佢唔同layer質感之餘, 仲食到佢唔同既味道. 雙重朱古力質感係口裡面徘徊既時候, 紅莓既甜酸味就慢慢湧上黎. 呢個配搭令到個cake唔會太漏, 又有新鮮感, 絶對值得一試!之後講豆腐芝士蛋糕, 成舊都係mousse質感, 加埋塊餅底, 一嗒就feel到豆腐既味道, 幾滑又唔係好甜, 諗番係以前ok既豆腐雪糕隻味. 反而芝士味就唔係好食到. 不過豆腐呢隻味真係唔錯. 仲有薑汁芝士餅, 薑汁味係OK~ 幾特別, 呢舊就濃D芝士味. 仲有個餅底. 但係唔知係咪太濃太漏, 食呢舊好快'劑'左, 同埋佢個質感好實, 比平時既cheese cake實好多, 一啖食落去就覺得太多唔駛再食第二啖. 但係鐘意薑汁味既人仕都多可試下.講埋杯杏仁鮮奶咖啡, 見到拉花當然即刻映相, 味道其實又無咩杏仁味, 所以下次可以叫其它.

整體ｏｋ～　再去可以試其他款既ＣＡＫＥ同咖啡～～～～

不過越晏就越多人,有ｄ嘈.

去完石澳, 出番黎筲箕灣, search一search, 就search到呢間甜品舖口碑唔錯.

於是就行左一條大街黎到.

一入門口俾塊野撞親, 塊野係用黎'禁'住門口防冷氣走.

星期日六點幾無咩人, 坐低就叫左招牌杏汁蛋白. 等既同時就睇下個牆, 好多人留COMMENT, 咩文都有D咁.

等左十分鐘度就來左. 一見到個樣我覺得好奇怪, 因為個面好唔平滑, 原來D蛋白係好散既蛋白, 一條條的.

唔, 我覺得整體SO SO.

自己雖然鐘意杏汁, 但佢呢個配搭D蛋白算少, 杏汁D味普通, 唔係特別令人印象深刻. 所以我覺得$28呢個價錢唔值.

一試無妨, 下次試其他野.

本來有d驚又俾食評'厄'左, 但係黎得呢頭真係點都試下, 一次又好, 有下次當然最好!

於是晏周5點幾黎到. 看似少客, 可能未到食糖水時間. 見到大家都讚湯圓, 當然試呢樣. 但又見到自己like既杏仁糊, 所以就叫左杏仁糊加湯圓.

一路等既時候, 有幾個客人黎左, 有d叫外賣, 有d就食得快快咁又走左.

都真係幾多人幫襯~

等左差唔多十幾分鐘就有啦. 聞落去, ok香, 有杏仁既味道, 飲落去唔係好甜, 甜度適中, 杏仁味出度, 個人覺得ok~

到重頭氣湯圓, 試左芝麻先. 皮唔厚, 厚度岩岩好唔會薄到漏餡, 咬落去煙韌唔會好粉.一咬, D芝麻就係個口度流出來, 流到成隻匙都係. 聞到D芝麻香, 未食已經覺得好濃D味.

食落去, 嘩, 不得了! 好正, 芝麻既香同濃味係我個口度徘徊, 甜味岩岩好. 簡直係無得頂!

之後再試花生, 餡亦都係好充足, 有一粒粒既花生仔, 食落有口感, D味都好濃, 白芝麻既香同花生混得岩岩好.

但係成碗杏仁糊個人認為太多, 下次可以淨叫5粒湯圓.

下次黎呢頭都要食!

經過北角, 見咁多食評都讚, 所以想試下呢間.

原來係D攤檔後面, 行左成條街先識鑽番入去.

大熱天時, 黎到呢到, 無冷氣有風扇, 夠地道~

叫左凍豆花同兩隻鍋貼.

睇完食評可能期望過高, 咬落隻鍋貼度, 底個邊好硬, 唔係脆, 上面就好多粉, 好漿住, 好似食緊成舊麵粉咁...

裡面舊肉無話特別鮮或者好味, 所以整體真係無咩驚喜.

到食凍豆花, 唔夠凍, 可能熱得濟所以覺得零舍唔夠凍...

只能說普通...唔係想像中滑同有豆味, 豆花一碗.

講左咁耐，終於黎試下~

唔識叫，跟前面叫單腸，又跟前面去左右邊以為係度拿，但其實係出面拿包.....

因為要趕番工，番到公司先食，

好驚佢凍左唔好食，番到去係廿幾分鐘後，好在仲暧既~

個包其實普通， 無話烘到點。

條腸又唔係外脆內軟熟， 只係一條普通既腸。

但加埋D醬落去就完全唔同SAI。

鐘意個包同腸同D醬加埋咬落去既質感，好正，

最正係D汁， 酸酸地但唔係太酸，加埋條腸既少少咸味，夾得天衣無縫。

唔知如果夾多一條腸會係點呢？