我經常會出入日本沖繩同埋東京，係當地都會食呢一個飯，嗰日你都諗住食飯拉麵，但係店員極力推介我食你個飯，心裏面都覺得食拉麵有時都食到悶所以試吓，一試之下真係覺得佢隨時好過我係日本食，啲豬肉佢哋吵到啱啱好唔會過火，啲汁同埋洋蔥香味未放上枱已經聞到，講真佢哋啲豬肉唔係沖繩豬都整到咁好食算係咁啦，食落口認真覺得唔錯，仲要呢個set＄100都唔過，依家閑閑哋係香港食一個定食都要大約＄150 ,有蒸蛋有前菜仲有湯飲都算係咁啦，真係值得推介！

今日行過博多拉麵龍亭原本想試下佢地個新推出的A4和牛拉麵聽我朋友佢早兩日試左話超好味,但去到佢地己經賣完原來係限量的,本來諗住求其食番蟹黃拉麵就算,跟住聽到個店員話佢地開左間新居酒屋,我八掛問佢地係邊....原來超近就係隔離行入條大圍村都係幾步路,之後我同老婆加2個朋友立即轉移目標試新野,入到去第一感覺,覺得好有日本家庭式居酒屋feel,燈光比較暗,我覺得好適合一班人傾下計的好地方,之後店員比左份好鬼重的menu我們睇,發覺佢地個menu D野食比上一次我去銅鑼灣其中一間平好鬼多起碼平30-40%,仲有好多我無食過ka新食品(可能我比較大鄉里...),我見到有個菜叫(盆栽)係沙律黎,咪叫個試下,跟住叫左我最愛的三文魚幾客一齊食(佢地一客只有三片$28),之後問店員有乜好食,佢都幾有耐性推薦左叫我地食(粉紅玉子)(慢煮鵝肝西京漬)(仲有好多的串燒....)佢雞翼同牛舌真係超級好食!原本呢間野無平時食開ka鹽燒,但係佢地用(鹽麴)去取代,(鹽麴)聽店員講係佢地師傅自家製的,所以係面係食唔到的!
過左一陣先來過(盆栽)沙律...我老婆見到真係超級開心,因為個沙律真係勁靚囉,之後個店員叫我叫泥!
原來睇上去係泥個D係用分子料理方式用麵包整出來的,食落都唔錯,算係一個好睇好食加...好好影的菜,之後來左呢度我覺得真係要必試的(慢煮鵝肝西京漬)呢個鵝肝個師傅話要慢煮成4-5小時的!食落覺得入味!正!!,我地係度又食又傾食左成2個幾小時,走之前我想去洗手間,個店員叫我上2樓,我行過1樓發現原來有兩間房,其中一間好特別好日式的,不過要夠5-6方先可以訂房,真係成班人傾計一流!,而2樓係1層大房可以座大約15-20人...環境都算唔錯

呢間嘢我平時行過都好多人排隊，成日都想試下睇下係唔係真係咁好味，跟住我去左openrice度睇下食評，見到有好多人讚好好食，一見到有啲人話唔好食，不過望清楚原來話唔好食過啲，大部份都係一評人，所以都係決定去試一試！今日我大約排左十五分鐘隊，係我排隊途中，有一個女店員不斷向客人介紹店內拉麵，態度非常之好和有耐久，真係值得一讚！入到店內覺得呢間店非常仔細，大約有二十個座位，因為點比較細服務員一般會幫客人安排座位，我都乖乖等服務員幫我安排座位，坐低後發現菜單上有一款蟹拉麵我本人非常之喜歡食蟹所以我立即點了一個蟹拉麵食，這裏的出菜速度相當之快，我都是等了大約十分鐘就有了，麵一到覺得十分之香，因為當天沒有蟹腳，他們幫我安排了轉黑豚叉燒，黑豚叉燒他們是燒過才給客人的，所以真是賣相十足！麵來到的時候我發現上面有一個黃色的蟹粉，服務員叫我攪勻她才吃，蟹粉攪勻後整個麵變了金黃色，相當之華麗和誇張，我飲了一口湯，已經覺得有超級重的蟹味，想不到原來蟹粉加豬骨湯原來有這麼鮮的味道！之後我再吃叉燒他們製作得非常之好，因為整個叉燒的肥瘦分布相當之平均，有入口即溶的感覺！這個麵也有跟了一隻半熟的糖心蛋，這個蛋是我在香港吃過最好的糖心蛋，所以話如果不怕排隊的可以值得來這裡一試！

今日下午外出工作,完成工作後都不多己經2點半,所以要立即買野醫下個肚,去到咁遠費時坐唔耐,去左呢間新開的新斗記買外賣
返公司食,唔知係唔係新開關系d員工都幾有禮貌,我買左一籠奶王包+咸水角,大約半個鐘返到公司立即開餐,一開盒己經比女同
事偷左1個包+1咸水角奶王包就算過左成半個鍾d皮都無話變形入水,個麵包皮仲好軟,個黃都重熱,新斗記整呢d包都算幾出色!而咸水角炸到出面好趣,內面又唔會太熟,D料甜甜地十分之開謂

個日夜晚7:00到己經開始有少少人排緊隊,,我地等左大約10分鐘就有座,入到去睇完menu準備叫人落單,叫左幾個都無人應,
個個好似遊魂咁,之後我叫左個鹽味拉麵試試,等左15分鐘上菜啦,個拉麵表面睇唔覺好味,但食落好重口味,鹽味好濃好香,
(不過如果慣左食豬骨拉麵的可能會覺得好咸),講真呢d用味精煮出黎的拉麵唔係個個都岩食,不過我都幾like,另外個麵件叉燒
真係比較遜色地方佢唔係用札的方式來整的,所以我覺得肥瘦不平衡,麵方面粗幼我覺得都幾適中都算配搭得幾好

星期日下午去左元朗探朋友,探完之後朋友知我鍾意食麵帶我去左呢間(好到底麵家)佢話呢間雲吞麵叫我一定要試!
入到去己覺得呢間野開左好耐,因為佢d裝修比較舊式,但我超級鍾意!
我叫左雲吞麵試,等幾分鐘己經有了,佢地用個碗比一般麵店為細,一般d鋪頭用大碗,有時見到湯多過麵或者d湯浸過晒
d麵都會令我唔太想食個麵,個呢間用細碗剛好倒轉,淨係到己經想食!,麵身比較硬身,唔會太(林)有口感,正!!
雲吞細細粒包得緊好有咬口,亦都覺得好正宗連個湯都好飲,正!

係咁多甜品鋪中,呢一間算幾特別,特別在佢地d甜品一係就好食,一係就難食,無中間的
我之前食個一個心太軟,可以講我食過最差的心太軟,佢裡內d朱古力一d都唔流,而且份量少,仲要過甜.....
我之前都有想過唔再黎,結果都係比多一次機會佢
今次我叫左個法式焗蛋(熱)呢個就真係似樣啦!一黎到己經超香,外表給引人,上面的蕉糖加埋蛋好好食,
d蛋食落好滑,呢個就值90分啦,下一次再試第2樣希望唔好令我失望

呢間野讓我食過一次後,當第時一諗起沾麵就想起佢,佢都算幾洗我腦
個日去到都係等左大約15分鐘,當我入左去大約10幾分鐘店員己經話無得排隊,d麵己賣晒,我都算好彩
我叫左個白伝沾麵食,10分鐘己經有得食啦,個湯黎到時好似無乜香味,但當我夾了個麵點去個湯再放入口到食個時,
覺得好香!同埋有d咸(不過食得沾麵都知沾麵個湯正常都係幾咸的),不過我個人覺得如果個麵粗多少少比較好,另外
個叉燒好肥美幾好食,隻蛋整得好流心,正! ,
另外隱家有個好特別地方就係佢地個紫菜上面有佢地個名同埋個麵d配料放得好整齊好靚!

個日"查"車去到又又又見人排隊,好彩都只係排左大約20分鐘,呢間錯個裝修幾特別唔錯
我叫左個豚骨拉面食,上菜算快大約8分鐘己經有個拉麵好香呀!肚餓的我當然立即食啖先啦
個湯算幾濃有豬骨味,叉燒唔錯幾肥美,麵身夠硬,仲有間野都幾多配料加落個麵度

好耐之前己經幫親過一次,之前都算有d服務,現在d服裝態度差之外,衛生,食物出品都差左好多,
係落單時己經叫左成3,4次先有人理,落單時黑口黑面,個地下又好似好耐無掃過咁衛生差,
今日我叫左豬骨濃湯豚肉手打烏冬,同埋燒雞翼,等左成20分鐘先到個鳥冬,好彩個鳥冬唔太差
都算滑,個豬骨湯比較咸同無乜味,d豬肉都幾滑同幾肥美算唔錯,雞翼就燒得比較"濃",同埋唔夠野味