一大班人，唔食中菜打邊爐去邊好？ 呢日同三五知己黎左mother of pizza食晚飯，平時經過禮頓道已經成日見到呢度門口好多人，店內播著強勁節拍的音樂。今日來到幸好朋友已一早定位先有位坐。 頭盆點了ham and cheese platter $498? 份量十足，鹹香亦夠，中間有細粒既mozzarella同番茄仔。 蒜蓉包 （5/5） 呢個所謂蒜蓉包其實已經係個pizza，上菜時都嚇一嚇，不過有大量芝士同蒜蓉，好香口，中間新鮮既蕃茄醬好開胃中和返芝士既漏，令人可以一吃再吃。 叫了兩個雙口味的pizza，有傳統的magherita (3.5/5), mushroom and salami (4.5/5), Parma Ham (4/5), salami/pepperoni (4/5) 呢度既pizza係即叫即做，用窯燒，有炭香味，雖然kytaly個批底好食啲，但呢度性價比高好多，而且本人都係鍾意食啲有料既pizza。 最後一提，呢度無切餅費，事先同店員講好就OK，服務亦好貼心，可以再黎。

呢日同朋友黎到大埔搵食，之前想試好耐但次次都好長龍，今日見到唔算太多人就即刻黎食。 店子細細，鋪頭只有3-4張枱，老闆娘好好人好快就幫忙落單，叫了菜乾豬骨粥，紫米砵仔糕，同招牌牛肉腸粉加蛋。 菜乾豬骨粥看得出是熬了很久的粥，唔算太棉但好入味。紫米砵仔糕比較「杰」身，剛剛蒸好熱辣辣好足料。另外店內仲有鹹味砵仔糕不過已經好飽無試。 講返牛肉腸粉加蛋先，腸粉好滑好香，配上店舖自家製豉油一秒就掃晒，雖然等左4個字。

這裡是荔枝角朋友們常約的地方，不是程班長便一定是這裡。 呢日假日剛好有要事，來到荔枝角D2 Place附近，大部分工廈裡的餐廳週日都唔開門，所以就黎到Americano。 平常很愛來這裡食fish and chips，雖然魚柳是急凍的，但味道很不錯，是我和朋友們的comfort food，工作一有壓力便會過黎食。 今日午餐時段，叫了個Americano Breakfast，份量十足，味道唔差，比附近也是吃all day breakfast的地方好吃多。 套餐加15蚊有是日餐湯，今日是南瓜湯。 另外也叫了fish and chips，平時黎會散叫，今日變做set lunch $95 時份量小了，魚肉也沒有那麼大塊。

餐廳說他們是世界上最好的pizza，也不算是吧。 週末晚上，跟朋友來到中環吃晚飯，好懷念以前在義大利🇮🇹吃到的pizza，所以就來到Kytaly，一切都很隨興，我們沒有訂位就來了，一開始侍應說要等大概一個半小時，但我跟朋友都很累，所以便留在餐廳先喝杯飲料，大概半個小時便有位了。 現在算是冷天氣，座位是半露天，涼風吹過挺舒服的。 prociutto salad味道不過不失，餐廳油醋汁玻璃瓶口太小了，一直倒出來的都是油，最後侍應看我們手忙腳亂的便出手幫忙。3/5 忘記了這個Pizza的名字，這是比較貴的magherita pizza option, 餡料是比較流質的的番茄醬，mozzarella同basil醬。餐廳Pizza現烤現做，批底挺好吃的，就是餡料比較沒有驚喜。這個價格未免有點兒overpriced 3/5 來到義大利餐廳怎麼可以不吃甜點，點了個tiramisu，算不錯。 4/5 整體來說不過不失，但是頂著世界上最好吃Pizza的光環卻是讓我挺失望的。

潮州菜一向都是我至愛，味道簡單得黎經常食都唔會悶。呢日約了好友來西環團年，等了大概20分鐘就有位子了，夥計們也還是那幾個，有回家的感覺😌 胡椒豬肚湯 暖胃又好味😋 滷水拼盤，鵝肝真係好好食，厚身又大塊。 食到最後已經好飽，叫咗個糖醋麵，傳統老牌潮州菜館必叫，面底脆身，點整都好食🤗

之前一路都好想食flippers，每次去到排隊都好唔爭氣😅，今日機緣巧合下去了又一城既flippers姊妹店，排了大概20分鐘就有位了。相比銅鑼灣店，呢度比較多枱，用餐時間1小時45分鐘，非常鬆動。 梳乎里strawberry pancake $119 4/5😍 味道尚算不錯，等了一會就來到了。個人還是比較喜歡幸福pancake多啲，不過個cream唔算好甜，不錯。 Chocolate Banana Pancake $119 4/5 店內另一個吸引眼球的普通（扁身）pancake，煎過的caramelised香蕉好好吃哦😋

呢日約咗一個好耐冇見嘅朋友食晚飯，想食好少少，於是喺eatigo見到呢間之前一路收藏好耐嘅餐廳。兩個人半價後最後食咗$1100 ，以這個質素來說，非常抵食。 門口隱藏於電氣道與星街之間，寧靜嘅街道上帶有法式風情🇫🇷 是日法國生蠔特價36蚊隻，叫夠半打送兩杯prosecco 4/5 呢個真係好好好好食 牛肉他他配北海道海膽 4.5/5 呢道係langoustine ravioli，說真的，好似食緊鮮蝦雲吞配喇沙湯底。2.5/5

今日同朋友三個人約咗黎食飯，之前係Instagram見到已經覺得好靚😍於是就訂咗枱食下午。 12點到咗之後，上到樓一入門口已經影左好多相。個風格有啲似摩洛哥，好適合文青😛 12點幾都唔係好多人，好有空間感，適合傾計！ 香葉肉碎蛋飯 味道還可以，帶少少辣，喜歡惹味既朋友可以一試。4/5😋 套餐加$15就可以有黑松露薯條，大大兜抵食到震🤗性價比超高 5/5 黎都食泰國嘢又點可以冇泰式船面，豬皮好脆，浸湯食一流， 個人略嫌牛丸太多筋。3.5/5 食完野冇嘢做，呢度仲有好多board games玩，下次可以試下黎shisha，算係九龍區一個好選擇🤗

走過那繁華的街道，我獨自步上了德己立街，蘭桂坊的煙味和喧鬧喚醒了從金鐘夢遊般走過來的我。
說真的，近來香港的氛圍變成這樣，我哪有心情一嘗佳餚？
從年少時代視哥頓哥為偶像，閒時試試他的極速食譜。也享受看他罵人的快感，哈，變態嗎?
自從年頭聽聞Jamie Oliver跟男神要到港比拼後，我一直捕捉住他們的official website盼望能一睹其餐廳風采。早在還未開業前已經留好位置，想著和食友大吃特吃。等待朋友時和侍應聊天，也不是像其他食評說的只會講英文。送上了熱騰騰的麵包和加鹽牛油，雖然是中價餐廳，服務卻有fine dining的水準，我想是因為剛開業的班底都是從其他分店的過江龍吧。
用餐時間限2小時，可是朋友卻遲了45分鐘，心想吃了不久便要離場？ 速速點了幾道菜，打算以最短時間内吃光。
頭盤是sea bass carpaccio with avocado, horseradish, ginger $138，最愛carpaccio了，無論牛肉馬肉或是帶子我通通都愛。清爽的魚肉非常新鮮，伴隨著帶點點酸的調味，雖然我不知道原来辣根是這樣的味道，可是肥厚的牛油果醬配上鱸魚是完美配合，是我全晚最喜歡的一道菜。點了兩個主菜，一個是為了重溫一下英倫味而吃的經典Fish & Chips, crashed peas, hand-cut chips，另一道是招牌菜slow roasted Dingley Dell pork belly, spiced apple puree, apple relish.
Fish & Chips, crashed peas, hand-cut chips $208
Fish & Chips 可是我的最愛，送啤酒一流，可是它卻配上了我最討厭的青豆汁，可能我不懂欣賞吧，只顧著點Mayonnaise, 不過粗身薯角非常精彩，食完一條又一條。
slow roasted Dingley Dell pork belly, spiced apple puree, apple relish $198
這道燒腩仔果然是招牌菜，從未試過咁脆的Pork Belly，厚度足，配上蘋果漬，酸酸的減低腩肉的肥膩，可能是有點太脆的關係有點難切開，不過咬下去的那瞬間很是驚喜。Banana Sticky toffee pudding, Muscavado caramel, clotted cream $88
本來想吃點酸酸的Eton Mess，輕盈又經典，但朋友是香蕉熱迷，我稱她為Banana Girl，最後便點了這甜品。切下去一下，焦糖醬流到布甸上，天然蔗糖煮的焦糖汁不會太甜，放進口那剎那內心OS是：好幸福，雖然肚皮已被撐得滿滿的，但女人嘛，總是會在甜品環節表現得elastic的。最後，吃完已不知過了多少時間，店員也沒有催促我們交枱。總括而言，這裡以中位價錢能有fine dining的服務，算物超所值。
欸，我男神頭頂掛著的是十幾顆米芝蓮星，貴點也要賞面吧，同志們。