之前有一次, 幾個朋友渣車出去食晚飯, 黎黎去去都唔知去邊食好, 最後泊左車喺油麻地.

有個朋友話見到一間粥火煱, 就係黎間好功夫.

去左一段時間, 食品價目都唔係記得好清楚, 不過埋單個個食得飽, 每人大約夾40至50蚊左右.

粥底幾好, 食到咁上下仲可以加, 野食算唔錯, 不過其實都係放落去個粥道生滾, 幾特別.
另外我地都叫左碟炸兩, 碟炸兩唔算熱, 但係條油炸鬼就脆既, 有少少古怪, 但係都過關啦.

食到最後, 我地都有一人一碗粥咁食, 個粥因為滾過好多料, 都幾好味, 不過如果要咁食, 大家記得用公筷

黎間野最差係比較迫, 環境唔係咁好. 野食同價錢算合格.

生日, 屋企人請食飯. 老豆媽子話去東江雞.

其實以前都聽人講好多次, 成日話黎道啲雞好食. 咁屋企人請我緊係無所謂話去邊啦. 不過真係好耐無去過黎間野.

去到, 可能好多都一家大細去食, 所以食飯時間比較耐, 等位等左一陣, 廿分鍾左右啦.
坐抵左, 大至上上菜都上得幾快, 唔洗等好耐.

最快黎既係炒菜, 正常味道, 唔會好差.
氣玉緊係隻雞啦, 沙薑雞一隻, 肉質口感比起其他廳餐真係好啲, 味道岩岩好又夠熱. 果然係招牌菜
不過如果比起隻雞, 其他小菜真係幾一般.

如果食雞, 嚟道會係好既選擇. 一家大細都唔錯.

五個人, 埋單大約400蚊. 價錢都幾合理. 不過就無乜驚喜.

由於我住乎近, 所以一日三餐都試過去黎道.
見到之前兩個食評都唔係咁好, 我覺得自己都要俾少少意見.

茶/ 啡/ 紅豆冰同包類食品真係無得頂, 茶餐廳嚟講, 我比好高分.
碟頭飯大碟, 一定夠食. 小菜其他地方一樣啦, 建議叫多碟炒粉面飯.

早餐, 一般茶餐廳式早餐, 最近送埋茸容多士加凍飲, 大約$28, 算合理.
午餐, 人比較多, 有時一兩個人食要搭台, 超大碟, 大約$40.
晚餐, 有時要等叫位, 十點後去就唔洗等. 小菜算OK, 炒粉面飯就超抵食, 湯就唔錯, 起碼好過啲細餐廳. 每位$43 - $100 左右啦.
宵夜, 有粥有面, 好似話兩點幾無得炒粉面, 但係3點後就可以叫早餐, 我多數去食個豬扒包加熱飲, $27蚊, 無得頂.

有時去到好多人, 服務真係好普通, 但係宵夜去到, 同啲人傾計比下意見, 佢地又慢慢真係有改善. 可能始終我去得比較多, 覺得好多野都幾唔錯. 野食唔會唔入得口, 價錢唔算唔合理, 服務都絕對可以接受.
最緊要係比完意見佢地真係有改善, 絕對有誠意!