食完buffet行完tst過cwb
8點開始行去搵野食
媽媽話想求其食碗麵
之後行行行!見到翠華
好多人-0-搭木台
媽媽叫左碗魚蛋麵 $25
我叫左碗香辣瑤柱炸醬撈麵 $23
翠華麵食最平之選!
其他果d都好貴....................

魚蛋麵
偷左媽媽粒魚蛋黎食
好彈牙有魚味

香辣瑤柱炸醬撈麵
好長既名字-0-
搵左好耐都唔覺有瑤柱既出現-0-
普通一碗炸醬麵!

難得14號唔洗番學又恨左食buffet好耐
知道雅苑座又有65折discount又有咁多好評
早一個禮拜去book位
但都book唔到窗邊位/_____________\
可見雅苑座真係好受歡迎好多人一早就去book!

12點去到!已經full左8成-0-
個個都已經係度尋覓美食!

冷盤：長腳蟹,,小龍蝦,,蝦,,蟹,,煙三文魚
長腳蟹好受歡迎refill過4次都有
但真係好鮮甜
至於小龍蝦呢!妹妹食左隻唔新鮮
但我食果d都冇問題放心!

刺身壽司：三文魚,,吞拿魚,,八爪魚,,*魚立*魚,,加州卷
果個chef幾好人
三文魚有d部分好肥美好食
其他就冇嘜特別啦-0-
唔為意食左件面頭有好多七味粉既加州卷-0-

熟食
中式點心方面冇我想食既蝦餃同馬拉糕
淨係試左小籠包同叉燒包
小籠包個皮唔太好同埋得好少肉汁係入面
不過叉燒包唔錯甜甜既叉燒汁

意粉方面叫左墨汁意粉
蝦肉蜆肉洋蔥蘑菇加埋忌廉
好好食d蝦好爽!係有dd洋蔥唔太熟攪到好辣xd

海南雞飯其實係我第1次食
原來油飯係咁既味
的確好有雞味xd
但d雞呢個人就認為冇嘜特別........

中湯西湯我冇飲到!
中湯係個好滋補既湯好似係d花膠咩湯
西湯係咩西蘭花茸湯
一聽個名就知中湯優勝好多xd
所以中湯好多人bup黎飲

1855beef同埋炒雜菜
beef唔錯幾有牛味xd
炒雜菜用左甜甜既豉油炒好味

沙律
有個位係有專人服務你!
雖然冇食!但見d材料都好新鮮
有一斤果醋同橄欖油撈
其餘有d沙律呢就係果汁機隔離!
泰式鳳爪好好味不過d鳳爪比人夾晒咁制
成個盆得番d蘿蔔絲果d-0-
怪味雞都唔係好怪姐

甜品
唔好見我好似嘜都冇食到咁
其實我個胃大部分都係甜品
朱古力噴泉d朱古力唔錯
菠蘿同蜜瓜超甜超好食!
所以我都冇加朱古力去食!
反而士多啤梨就唔太好食唔甜
tiramisu好重咖啡同酒味
芒果mousse cake幾滑
冰皮朱古力入面有d脆米又重朱古力味好味*v*
第一輪藍莓cheesecake係有藍莓係上面
之後果幾輪就已經冇lu!
藍莓cheesecake勁香芝士味好滑
不過食左咁多甜品個人認為最好食既
反而係第一輪果個朱古力蛋糕
係第一輪xd勁濃朱古力味超好食
但之後果輪我食果陣感覺到個蛋糕好多水
始終都係第一輪最好
所以我通常食buffet都係食甜品先

雪糕
haggan dazs!有幾種食法
可以用pancake包住,,用cone食或者就咁用個碗載黎食
pancake要排隊!選左就咁用個碗載住食
芒果雪菓好食*v*

餐飲要左凍檸檬茶
d茶好濃=)加左勁多糖漿-0-

收碟好快!快到有時有d野仲有少少未食晒
佢就已經眼明手快咁收左-0-

LUNCH
著校服喎當然要幫襯學生餐
五寶飯 + 紅豆冰
始終擺出黎果張相係靚過真果個賣相好多-0-
個賣相真係唔太得
唔吸引淨係黑卒卒
不過個豉油雞都幾好既!幾夠味!
D飯仲要係煲得幾爛-0-
味道整體上冇嘜特別
紅豆冰唔錯!d紅豆好淋!
如果唔係食學生餐!
個個餐都差唔多要成30幾蚊
所以並不推介大家去食-0-

果日有事去銅鑼灣
搭mtr番屋企之前見到das gute
就醒起依間麵包鋪係openrice有好多好評
買左個 綠茶紅豆忌廉包!的確幾貴咁就9蚊!
肚餓!唔洗1分鐘就食晒
開頭第一啖食果陣未食到d餡
就食到好淡既綠茶味!我覺得可以濃少少
之後繼續食!入面d cream好滑又唔係好甜
加埋紅豆好好味!個飽實實地再加個餡淋淋地
質感唔錯我諗如果個飽熱既話會好好食
事關個飽係唔熱-0-

標題基本上可以總結今餐

韓式雜錦飯
40大元諗番其實好唔值-0-
味道好淡要落好多豉油
好熱好熱大家小心-0-
有少少飯焦幾好食

吉列豬扒拉麵餐
媽媽食!45大元!
豬扒很好D皮唔厚!
入面有少少粉紅好淋幾好食

上海粗炒+酸辣湯
姨媽食!好似大約30蚊!
上海粗炒個豉油我個人唔太鍾意
酸辣湯辣味唔夠酸就酸啦!

有日同媽行megabox
想食甜品但得依間!
咁都去食啦!
媽叫左個芝麻糊+湯丸
我就叫左個楊枝金露
嘩...............sip牙la都唔夠
好細碗!仲好似貴過滿記
味道又冇嘜特別
唔覺有咩勝人之處
正好似樓下幾位食家咁講
d waiter and waitress呆呆滯滯唔知想點
如果megabox有許留山
我實去許留山\___________/
blacklist依間!一定唔會再係度食

話說有日好晏先起身
但又未肚餓帶埋書落去溫
去果陣差唔多到下午茶時間
估唔到依度既下午茶又幾旺場
溫左1個鐘書全程冇人理哈哈好!
之後去買野食!好多junk food-0-
結果叫左個公司3文治+可樂
蕃茄生菜ok新鮮
其他當然冇嘜特別-0-
食埋再溫多陣書就走人!
(我發現溫書千祈唔好係度溫-0-
下午茶係咁叫number果d嘈死人哈哈哈)
見到周圍既人都食炸雞脾
感覺超肥==

好耐冇黎過food court食野!!
望左好耐pepper lunch但好貴結果冇食到xd
去左隔離食梨花園
叫左個海鮮石頭飯
淨叫40蚊個都幾貴其實-0-
加杯野飲or湯要40幾50蚊咁我緊係唔制啦!!

的確好熱米講笑-0-食果陣唔小心係咁辣到隻手
其實我以為係辣結果唔覺辣-0-
話就話係海鮮飯!但我啖啖都淨係食到蠔豉
雖然整體來說個味道都叫ok
但我唔會再試架啦
我唔想再食蠔豉!食驚左-0-

已經係一個月前既事............
之前自己黎食過一次
覺得可以再黎就放左學叫埋妹去食
嘩都幾多人喎!好多學生放完學去食

上次自己食左個幻彩明珠
今次我就食summer
妹就食幻彩明珠
summer選左朱古力同芒果味雪糕
朱古力好好食有d朱古力碎粒係入面
建議快d食左個雪糕!好快溶
幻彩明珠仍然都係咁好食又抵喎!
好多唔同既生果呀涼粉呀黑珍珠
同埋果d好煙韌類似湯丸果d(抱歉唔記得左叫咩名-0-)
其實可以好飽-0-
本來想叫多個甜品-0-但最後都係就此罷休
下次再黎啦xd

基本上每個禮拜都去名舫飲一次茶
一向依間酒樓服務都冇嘜
d人當睇你唔到懶得做
我地都慣晒

媽出左街唔煮飯
今日夜晚同爸妹3個食自己去依度食晚飯

3個人叫4人套餐
任選河鮮一條
任選燒味一碟
任選湯羹或小菜三碟
當然係佢指定既菜式啦-0-
星期一至五依個餐價值168
但星期六星期日公眾假期就218-0-
感覺上加多左50蚊有少少唔抵食既感覺

荷葉古法蒸烏頭
咦ok喎有d冬菇呀肉絲呀個汁幾惹味

白切雞一碟
um................依碟冇嘜特別

玉蘭炒蝦球
d芥蘭幾嫩!d蝦球都幾爽但略咸左丁丁

蓮藕枝竹豬手煲
蓮藕枝竹幾入味但豬手好似得d骨咁冇嘜肉

魚湯粉絲雜菜煲
ok啦!

爸另外飲左2枝啤酒!都幾貴

有甜品紅豆沙喎*0*不過麻麻啦
見到人地有西瓜食/"\唔知係米冇晒

但感覺上已經比lunch果陣好好多-0-
依間咁既酒樓夜晚茶位8蚊位真係幾唔抵