聖誕節同朋友睇戲食飯行街直落
行到攰又口渴就想飲兩啖暖野薄荷朱古力（熱）
味道較甜
薄荷味好重
要等到杯朱古力冇咁甜先試到朱古力味落單後都唔系等好耐
握著杯熱飲行街
今個聖誕系咁喇

放學去選購聖誕禮物
經過西九唔想上八樓
直接在二樓就餐

今次終於唔再系牛扒
就清清淡淡食個面算啦吉列豬扒米線
吉列豬扒新鮮炸出來
都算ok
清湯有啲太鹹雞扒墨魚丸米線
雞扒釀得好入味
墨魚丸冇點處理過直接煮有陣冰箱味
整體都okay最後買單價錢都合理
但系張單好奇怪地唔系寫間鋪頭名系屏山老地方先啱

本來惗住去火山石食烏冬
點知去到東主有喜休息一日
見到隔離冇咩人又有烏冬食
於是就近過隔離

熱辣辣石鍋烏冬
都唔系等好耐
整體食物都不俗
石鍋雞扒飯
飯焦好正
略嫌太多油
跟餐有送餐飲
服務很體貼系日同學聚會順便慶祝生日
帶埋蛋糕去要收翻五十蚊切餅費
貴咗少少

系日陸運會剛剛完咗
好攰又想食Pizza
就近來咗大角咀PHD

食到一半發現冇影相Pizza除左啲青椒我唔鐘意食之外
整體都okay
手拉薄餅即場製作
夠新鮮
味道都還可
堂食普通批較平時其他pizza店小好多葡汁雞皇飯
最強推介！

之前都有叫過PHD外賣
Pizza一般
但系同學都對啲飯讚不絕口
咖喱飯雞皇飯都不俗
唯獨拿破崙海鮮味道極怪
初嘗需三思芝士卷
芝士味不重
不太新鮮
炸得不夠鬆脆

在PHD堂食或外賣自取都可以七五折
今次兩個人就一個pizza再加個飯加個小食都系平均每人四十幾
真系好抵
但系多啲選擇就好

系日到元朗一遊
參觀完天水圍全港二大葛圖書館之後
搭761P 到大棠路落車
當然就系為咗食B仔涼粉喇

我哋四個人share一份B仔涼粉
原來一份要$67好貴
涼粉在下面
上面全部系生果
有椰果，荔枝，龍眼，哈密瓜，西瓜，大樹菠蘿，木瓜，奇異果，菠蘿，蜜桃，香蕉，海底椰，香瓜
應該冇漏
除左蜜桃系罐頭，菠蘿香蕉好酸之外
生果大致ok同埋佢會附送花奶
涼粉爽口相信都系自家制

價錢雖然偏貴但系絕對系誠意之作
值得一試

一場來到點都要試下章魚小丸子
聽同學推介得多
今次就真系第一次來食

小丸子($12）有六粒
有分辣味同埋唔辣
加咗沙拉醬同埋紫菜
新鮮熱辣
即場製作
足料又好味

窩夫($8）一底
加牛奶花生醬
略嫌有些甜
外皮脆內裏香軟

總括而言值得一試

系日lunch time路過西九龍
突然想食韓食
便揾到這間Full House
浪漫滿屋令我回想起追韓劇
想當年可是非常紅啊
就連首主題曲而家都依然歷歷在目

雖然系lunch time去到
但系人都唔系好多
落咗order之後都等咗好耐先有得食set①
炒年糕+紫菜包飯（$35）

炒年糕
口感同外面一般食肆相比較韌口
都比較辣
同椰菜一齊炒而唔系泡菜
有半隻蛋
不太入味
整體都算ok

紫菜包飯
配料不算少
大致都ok
現場即包即有
夠新鮮

路過太子
見行街行到有啲攰
就地揾到間甜品店入去“歎世界”

甜品選擇來來去去都系呢幾樣
叫咗件 芒果雙圓
雙圓系指芋圓同埋薯圓賣相真的非常倒胃口吧
有芒果肉
不太酸
有沙冰（？？）
很是奇怪
芋圓同埋薯圓數埋唔夠六粒
太少之餘
咬勁也不太足
絕對不是誠意之作
加上椰汁都只是得個香味
味道也偏向太甜
有點失望本來系想食芋圓結果得幾粒
最後買單就要$25

系日要到旺角整手機
順便去女人街食野
經過門口見食物又平又幾吸引就要咗 炸雞拉麵 同埋 金菇牛肉卷拉麵
點完餐之後就覺得不太良好
價錢太平令我覺得有伏
套餐+$7有壽司同埋汽水汽水系一支支
飲一啖就覺汽水唔夠氣
細心一看汽水樽身頗舊
相信系回收舊樽循環再用
這樣一來汽水就肯定機器倒出來的
難怪唔夠氣隨套餐附送的壽司選擇了 加州卷
壽司分量頗多
size都較大
入口時都比較尷尬
味道都只是一般拉麵與配料分開呈上
拉麵為豬骨湯底
有豬骨湯渣但系相信都有加其他調味料
拉麵比較彈牙
整體清淡，不俗但系配料就稍為遜色
炸雞不太新鮮
翻炸再翻炸
外皮很硬
多次翻炸令雞肉肉汁盡失
失敗之作
好失望

金菇牛肉卷偏鹹
兩者都較入味
還可而已

總括而言
價錢合理 
服務還可
食物方面還待多加心思
比如味道拿捏得要更仔細

系日難得假日又想食點心
就近行入西九龍揾野食

星期日價格都普遍較貴
兩個人飲茶都冇叫太多野
所以一共叫咗五樣點心A）奶黃流沙包
呢個系我每次必點
老豆教落
流沙包食到爆汁就最正
今次雖然有少少流沙
但系味道好一般
包就未夠鬆軟B）叉燒腸
叉燒唔系好出味
同埋蒸得太熟喇
腸粉拉皮唔夠滑
豉油俾得多又鹹

之後仲有食其他野
趕時間冇影相

C）鮮竹牛肉球
比較真材實料
冇溝麵粉
但都系略嫌冇咩牛肉鮮味
同埋墊底的腐皮好似擺太耐
太皺皮唔夠細滑吸唔夠啲肉汁

D）辣汁鳳爪
鳳爪有入味
但系調味汁好稠
鹹咗少少

E）糯米雞
弊筆之一
同行的友人食一啖就已經話難食
確實
糯米雞材料不太多
比較干身
食幾啖就已經覺得好膩
剩低葛都唔知點解決
因為真系飲幾啖茶都KO唔到
叫嗮救命

總括而然
不太合理的價格
水準較差的酒樓
兩個字：失望