*約了女友去大本型逛逛,去了另一翼MALL,沒太多選擇,選了食'富田'*
這時6:30左右,客仔不太多,尚早或許是閒日,好快入坐,想坐卡位被拒絕
女友已不是太爽,坐了食堂中央靠近廚房添,中途給侍應撞櫈幾次
叫了幾款壽司~海膽, 飯好一般,壽司好細件,海膽無味
三文魚, 唔鮮甜,又切到太薄
炙燒左口魚, 又燶黑又係切到薄一薄,其中一件魚仲只得小半片定粒

女侍應給回應"灸燒是這樣"便走開了.. 從未食過這樣刻薄既餐廳  
點了一人一個晚餐~
吉列豬扒飯,兩份SET跟螺肉小碟,餐飲另加$5要凍檸茶X2
一看,哇!豬扒是炸的,居然仍是薄如紙,是公司慳既問題 還是此店師父刀功如一
豬扒, 薄,味道沒什特別,得個脆字
飯, 大碗,但豬扒薄而細件,根本不夠送飯,只靠燒汁伴飯也吃不晒..
女友點既地獄湯海鮮烏冬,石鍋上,熱辣辣,看來較好
見她沒有說什麼,只說下次去別府食,應該都可以,若然難食她一定直說..
檸茶夠凍,大杯,味普通貨
今餐洗左兩百幾都未飽,去了木子食埋dessert,大家先happy番!!本人提供相關對比照片分別所在

*再來幫趁,食個TEA,隨意點上招牌雲吞麵跟凍奶茶*
不是太多客,客仔較愛走到對面店ITAMOMO,而我喜歡茶記FEEL 
{原因今次我知一二}
先來凍奶茶 茶味唔夠,糖水多過奶味,今次沖得比上次差 唔OK
招牌雲吞麵 賣相唔差 有少少蔥花放面
湯底 一般, 麵質 尚算彈牙,可以更好 
雲吞 有五大粒,可惜一入口感到皮厚又硬,雪耐了,蝦肉又唔新鮮,肉餡又不足 敗筆
"什麼叫招牌" 招牌要拆了
吃了一半放棄了,心裡想這裡拿手的不是招牌雲吞麵?咖哩?還是牛腩??可惡
算了,拿起手上既帳單看看$28一碗麵(轉餐加飲品+4,要凍既再+2)=$34?!
好味的話$28不是問題,轉餐飲又古怪,唔簡易寫(熱+$4,凍+$6),超麻煩..
一個唔平又極難食既下午茶,居然給我遇上了,倒楣..

*TEA TIME無心水食什麼,隨意點上丁麵配奶脆朱,餐飲跟凍奶茶*
先來凍奶茶 茶削了點,但味道糖奶比例OK, 算好飲
丁麵 彈牙,肉丁份量剛好 好滿意
奶脆朱 微熱,包身脆口內鬆軟,奶就偏少 算可以
總算沒有來錯,可以再光顧

*約了女友在荃灣睇戲,係附近搵到間較新既食店,叫冰室看來似餐廳多點*
坐下來送上兩杯水同餐具,女友卻發現水杯口有污漬,刀也是 即時要更換..
點左兩份SET,同樣要白湯,是晚為粟米忌廉湯,可惡 味道超咸 怪..
跟來餐包,是蒜蓉多士,多士唔熱既,食一口硬實實,不知放了多時??差劣(大家咬一口放棄)
前菜這樣,心裡想主菜會是如何?女友面色又如何..(都要做定功課,陣間去搵間正既甜品店補鑊)
我ORDER朱排焗飯,份量大,蕃茄味甜多過酸,吃著都可以,而朱排太淋無咩味道..麻麻
女友點選大蝦意粉賣相不錯,意粉算彈牙,味道可以,大蝦是雪蝦但爽口..這裡就加點分
凍奶茶OK,是西式沖法,無茶味略淡口,凍檸茶,無檸香得甜味..
連加一計$160
試一次便算

*見門外拉架SHOW有幾款下午茶推介,我選了C餐*
C餐係MINI海南雞飯+碗仔翅+奶茶紅豆冰(不用加$)
海南雞飯 只有三塊雞肉,都幾滑 可以 飯底係黃飯,幾香口 唔錯
碗仔翅 份量足,料又多,味道都OK
奶茶紅豆冰 紅豆好少,夠淋夠甜,偏偏奶茶好削兼苦,同紅豆唔夾 味道奇怪
(若果你只喜歡飲奶茶,極不推介'奶茶紅豆冰',剩飲凍奶茶味道較好)

*來到三點鬆,看了下午茶餐牌,簡單點了豬扒包跟凍奶茶(+$2)*
先來凍奶茶,色水明顯較淡,飲下確實淡某某,奶加水般,又多冰 不理想
心感不妙,四處望下,食客大多點"熱",莫非點選熱奶茶較正兼穩陣
豬扒包送來,相信差不到去邊,是這店既名物之一 否則無下次
包身暖,豬扒入口都鬆軟,配上千島醬及一片番茄都幾惹味
奈何豬扒得半塊仔

*女友今晚有約,自己安排晚飯去鋸個扒,點了九十幾蚊既鐵板餐,另加一*
先來了紅湯,足料,味夠濃而偏辣 我BUY
餐包跟一盒小牛油,包微溫且軟熟 可以
紐西蘭牛柳扒跟上,鐵板'支支聲響',香噴噴的擁上面上 好煙下
牛扒我點了七成熟,切開時八九成熟,兩件扒仔有一寸厚,肉質都算鬆軟,肉味就唔夠
配埋洋蔥汁味道反而較好
選跟薯菜,有幾條薯條,一片蕃茄及少量既雜豆,雖然唔係主角,但覺得太少喇
甜品我獨愛芒果雪糕,飲品凍檸茶 都可以

*初四既日子,家人都出國旅遊,而女友又要返工,剩低我一支公走到屯門V-CITY閒逛*
晚飯想食點意粉,pizza之類食品,係市中心商場左穿右插,眼睛終被這餐廳既美食廚窗吸引著..
時間8點鬆,店子不太多人,而我一人即刻搭檯可以入座,環境尚算光潔時尚
店子主打SELL意粉,pizza及抹茶,我選了一份$100/set(+10%)
任選一主食'意粉(half)+pizza(5選1)+湯及飲品(任選)'
先來湯,迷你切豆腐粒味噌湯,普通貨仔
跟上主菜'三文魚茄醬意粉',意粉份量剛好,麵條硬身而爽口(幾特別,合個人口味)
而蕃茄醬味道帶酸甜,幾開胃,嫌汁醬較少,但三文魚粒得4小口,不夠喉,吃掉後,碟上及嘴邊也沾滿油?!
pizza點了雞肉味,一件切開四塊,放入口熱烘烘鬆脆極,係用酥皮造成,好香牛油味,正(仲食到四圍酥皮碎)
飲品就選凍抹茶奶,有抹茶味,又夠牛奶既香滑(幾合口味)
有下次既,預情人節跟女友再來開餐,吃她最愛既酥皮及抹茶!!

*好耐無入西環,同友人午飯後走到'源記'食碗懷舊糖水*
先講地方,BUY佢有點懷舊FEEL,感覺OK
服務,麻麻地,伙計不太老是位阿哥,但寫兩碗糖水也問了兩次OH NO..
本人點了至愛既紅豆沙,友人點了合桃露,不用三分鐘已送來
味道如何?紅豆沙無果皮味,糖水好稀亦無原粒紅豆(是否變了沙?),糖味亦不足,似水般,差
合桃露比起來還好,質感比紅豆沙稠些,但合桃味少兼夾雜杏仁味道,奇怪非常,麻麻
價錢,偏貴,前者$19,後者$28,若果好食的,價格仍偏高,當然這裡消費'物非所值'
試一次就夠..回憶總是難忘的!!

*路過想食(熱)豆花$8,再加上兩隻鍋貼$6,一個豬肉包$4*
豆花 並非熱,係微暖,入口算滑但無豆腐香 麻麻
鍋貼 熱,皮較厚,入口較重麵粉味,肉餡反而幾香口 可以
豬肉包 外皮略脆身,煎得香口,肉質鬆軟 滿意