前排媽媽生日 特登book咗呢間係中環嘅餐廳同佢fine dining🥰 呢間餐廳之前嘅semi buffet好出名 今次食dinner水準都好好呀 我哋早一個星期訂枱 餐廳入面可以望到中環區同遠眺維港對岸風景 香港嘅夜景真係好靚😆 餐廳氛圍高雅浪漫 仲有個小露台影相添📷 Carpaccio di Ricciola $228 薄切油甘魚用咗橙汁去醃製 油甘魚魚脂香 食落去好滑身～ 橙味可以平衡到魚油嘅甘香 食落幾fresh🐟 係一個好嘅前菜 Fegato Grasso $388 香煎鵝肝同糖漬蘋果絕配 鵝肝上面再配上一啲松露碎 所以特別香～ 鵝肝入口即溶 同蘋果作出一個balance☺️ Aragosta $208 好有儀式感嘅龍蝦湯 龍蝦湯入邊配上甜蝦他他 幾得意🦞 店員會喺你面前倒入熱辣辣嘅龍蝦湯 聞到一陣陣嘅香味 龍蝦湯鮮味十足 又好濃郁🫶🏻 撈埋甜蝦他他一齊飲幾特別 一凍一熱 同埋可以增添成個湯嘅口感～ I Fusilloni alla Carbonara di Quaglia $298 比一般carbonara特別嘅係配上鵪鶉肉醬螺絲通心粉 我自己好鍾意螺絲通心粉 因為螺絲位置可以沾到更加多醬汁、芝士 每一啖充滿醬汁 夠creamy👍🏻 鵪鶉肉醬比較少有 第一、二啖會比較有肉臊味 但配埋醬汁一齊食就幾好味😝 Costata Kagoshima A4 with Asparagus 燒鹿兒島和牛肉眼扒 牛扒係按重量收費 所以店員問完你想幾多之後 攞切好嘅牛扒出嚟俾你睇一睇先至煮😗 我個塊約210g 5成熟 一拎出出嚟就聞到香噴噴嘅牛香味 牛扒上仲有靚靚壓紋🥩 一切開 就見到粉嫩嘅和牛 仲好juicy 食落牛脂味香濃 好軟嫩👍🏻 Tiramisu 最後 我哋決定以tiramisu 去完成我哋嘅意大利餐🍰 Tiramisu 好大個 兩個人食完都好飽🫢 tiramisu 質感滑身 但唔算太過流質個款 配上可可粉同底層嘅咖啡酒蛋糕 不錯👏🏻

Elements新開咗間拉麵店 仲要有鯛白湯拉麵🍜 作為拉麵lover就決定去試 餐廳比較開揚 位都算多 仲有卡位坐😗 濃厚鯛白湯拉麵 $138+35 掛湯嘅麵搭配濃郁濃厚嘅鯛魚湯，魚味香濃，加上魚肉為濃湯增加左一層口感。煙低溫叉燒有微焦香，加上煙燻味，而慢煮豬肩叉燒有一份嫩滑。溏心蛋亦好出色，冇任何過熟嘅蛋黃，整體配搭係一流！最後朋友仲飲曬啲湯🥰 另外再加多份「低溫叉燒」😆 A4和牛飯套餐（茶漬） $258 估唔到拉麵嘅和牛飯餐都咁正😝 A4和牛每塊燒至粉嫰，咬落仲好juicy同帶有牛脂味，的確係靚牛👍🏻 牛肉肉汁配上日本珍珠米 仲可以按指示加入唔同嘅配料自製茶漬飯🍚 茶湯好香 我都飲晒😌 炸蠔 $78 新鮮炸好，每隻都炸得好香脆，蠔肉配上沙律醬真係好正😝 西班牙豬肉餃子 $58 西班牙豬肉嘅煎餃，有濃郁嘅豬肉香，外面比一層外皮薄脆嘅餃皮鎖住多汁嘅餡肉😗，

新年食乜好？食撈起！朋友新年要飛 所以我哋提早食個開年飯先🥰 去咗銅鑼灣利舞臺莆田 有好多圓形卡位同大枱 相對闊落幾好坐 啲店員都好有禮貌 仲要係米芝連餐廳🤫 新春如意2人套餐 $998 鴻運發財鮑魚撈起 「撈起撈起，風生水起」 💕最正係店員會搵你一齊撈起 佢一邊撈 一邊講祝賀語 有氣氛又好意頭👍🏻👍🏻👍🏻 呢款撈起有好多配料 有鮑魚 柚子 蘿蔔絲等等 再配特製酸甜醬汁 酸酸甜甜 開胃又好食 盤滿缽滿鮑魚大蝦盆菜 估唔到2個人都可以食到盆菜 仲要咁高質🥺 盆菜足料 有鮑魚 大蝦 海參 髮菜 花菇 瑤柱 蟶乾 福州魚丸 仲有炸芋等 鮑魚海參炆得好腍同入味🫶🏻 魚丸幾得意 入邊有餡🤓 蟶乾就好有莆田特色 夠鮮又特別 黑松露炒帶子 黑松露味香同帶子好夾 帶子炒得啱啱好 唔會太老😆 另外仲有啲西蘭花作陪襯 西蘭花食落都好爽甜 媽祖平安麵 平安麵寓意平安健康長壽 麵條長長幼幼 咬落有少少煙韌 配上各種餸料 比如蝦、紫菜、炸豆腐條、花生、蟶乾 係傳統福建麵線😙 蟲草花魚鏢蟹肉羹 羹入面有好多魚鏢蟹肉 啖啖都食到餸🤩 可以略加少少醋 味道會更帶鮮味 桂圓銀耳湯配莆田紅團 未食甜品已經幾飽🤭 桂圓銀耳湯好好味 銀耳好滑 湯水夠甜又唔會過膩😍 莆田紅團 紅紅火火 代表團圓 入面包咗豆蓉 鹹鹹哋嘅 *會員食新春套餐可以滿$1000減$100，如此類推👍🏻

我老友就近生日 決定去呢間係蘭桂坊嘅日本餐廳食 brunch buffet🤤 餐廳位於高層 落地玻璃可以睇到成個中環區 更可遠眺海港城 相信magical moment 嚟更正🌇 餐廳以和風紅噹噹為主色🇯🇵 WEEKEND SEMI-BUFFET BRUNCH $588 呢個brunch可以分為7部分 主食同甜品各為一份 其他食物就係buffet～ Appetisers 炙燒A4宮崎和牛/天使香辣三文魚他他/生蠔/泡菜醬八爪魚沙律/日本海雲/黃金魷魚 一嚟就有六道前菜 每一道都以sake杯呈上 份量適中又精致💫 我最鍾意當中嘅炙燒A4和牛同三文魚他他 A4和牛油脂豐富 食落好軟滑🤓 三文魚他他幾得意 他他入面有一啲天婦羅脆脆 增強口感 又軟又脆🐟 Sashimi 蝦/帶子/油甘魚/三文魚/廚師推介 個人最鍾意油甘魚 油脂感十足 而且師傅仲切得幾厚身🤤另外佢仲俾咗三文魚腩 幾肥美 而每一塊帶子中間都夾住一塊檸檬 所以帶子食落清甜又帶有微微檸檬清香味 Hero Sushi Rolls A4宮崎和牛舞茸卷/自幔卷/磯の雪昆布炸大蝦卷/鰻魚板壓壽司/墨西哥卷 五款sushi roll各有特色🍙 當中嘅墨西哥卷印象較深刻 墨西哥卷食落辣辣哋 原來佢中間有墨西哥辣椒 好惹味~配Cream Cheese可中和辣味🫑 Robatayaki Grill 特級和牛牛小排串/豬頸肉串/河鰻魚串/免治雞肉棒 特級和牛牛小排串-每粒牛小排都係大大粒 仲幾肥美 燒完之後油脂感十足🙂 豬頸肉串-每舊豬頸肉都幾大件 而且仲帶有微微炭燒味 入口即溶☺️ 免治雞肉棒-呢個雞肉棒都幾大條 而且仲好足料 Tempura 紫蘇葉炸蝦/炸蟹鉗/炸南瓜餅 估唔到連天婦羅都有 雖然同平時嘅天婦羅材料有少少唔同 紫蘇葉炸蝦都幾得意🦐 佢係有一隻隻嘅蝦 紫蘇葉包住 熱辣辣 係略炸衣可更薄😆 Hot Dish A4宮崎和牛西冷陶板燒 Kyoto Joe招牌菜之一 和牛油脂分布平均 好肥美🤤 一咬落去成口牛脂味 陶板燒可按自己喜好控制生熟程度～ 銀鱈魚西京燒 西京燒都幾好味 整體燒汁唔會太甜 銀鱈魚質感略為彈牙 唔會煮到太冧 西京燒汁同銀鱈魚油香味好夾😜 另外仲有一份龍蝦湯磯煮鮑魚 Dessert 甜品有幾清甜既西瓜 哈密瓜 同火龍果 食到咁飽食返粒幾juicy既生果都幾爽😋 另外甜品仲有啲日式甜品 - 香蕉蛋糕 紅豆芝麻糯米滋 同埋黃豆粉蕨餅😆

前排約咗個馬鞍山嘅朋友 佢介紹咗我食呢一間泰菜嘅泰式火鍋🇹🇭 平時食開港式台式火鍋啦 都係第一次食泰式火鍋嘅 感覺都幾唔錯🤓 千色隔離嘅一間泰國菜 有卡位坐 幾舒服 店員有禮貌😌 泰式火鍋 $198 一入舖頭呢已經聞到好香 原來係椰子雞湯味嘅火鍋😍 所以我就係決定揀 原個椰青椰子雞湯湯底👍🏻 我哋忍唔住先飲一啖 椰子湯清甜好味道🥥 呢一個火鍋嘅配料都唔少 包括海鮮肉類同埋蔬菜 仲有泰國米粉添 豐富😋 -海鮮類有花蛤同蝦 花蛤幾甜 蝦同椰子湯都好夾🥰 -肉類有一啲肉丸、雞肉 啲魚丸大大粒又彈牙🤤 -蔬菜有泰菜常見嘅粟米芯、通菜、蕃茄等 放喺椰子湯到慢慢煮 可以吸晒啲湯汁👍🏻 -我一邊打邊爐 一邊飲啲湯 啲湯夠熱又好飲 而且唔會太肥膩 估唔到泰式火鍋咁好💫 追加！任飲泰式檸檬茶 $38/位 好濃香錫蘭味 可以見到茶底好深色 好強嘅茶味🥰 而佢本身已經加左檸檬汁 唔使自己再篤咁🍋 酸甜度啱啱好 火鍋熱辣辣 飲凍檸茶夠晒爽 泰式咖喱軟殼蟹 $118 上菜時已經聞到好香既咖哩味 咖哩帶有微辣 食落有少少似港式咖哩 另外佢既軟殼蟹每隻都大大隻 好吸引 咬落去仲脆脆地 而且仲啖啖肉添😋 香烤油酥餅 $48 兩大塊油酥餅 我哋擺咗陣先食 估唔到仲keep到好酥脆👍🏻 可以食到一層層酥嘅口感 點咖喱一齊食正👏🏻 雞油飯 $18

將軍澳popcorn終於開咗牛大人 新一年當然要對自己好啲 決定食返餐靚火鍋先🥰 將軍澳牛大人地方都寬敞 自助區都乾淨同光猛 職員態度好👏🏻 澳洲極上和牛餐 $328牛大人紅燒牛骨鍋
好似食緊台灣紅燒牛肉麵咁 味道濃厚 微微帶辣 同牛肉好襯👍🏻


澳洲M9和牛牛丸
M9和牛牛丸跟餐每人送2粒 和牛味好濃好香 咬落去仲會爆汁 質地又唔會太硬 我好鍾意食🥰


SRF美國黑牛後腿肉
和牛餐嘅限定 黑牛後腿肉就比較似赤身 冇咁多油脂 質地軟嫩 唔會鞋口😉黑松露海鮮漿
期間限定 好似黑松露墨魚滑咁 咬落爽口彈牙 仲好似有啲墨魚粒咁 黒松露味後期滲出 都幾香👍🏻


澳洲和牛M5牛肩卷
呢個餐先有嘅和牛牛肩卷！牛肩卷為薄切 牛味濃同油脂分布平均 唔會有太肥膩膩嘅感覺😋 食完一塊又一塊 掂埋醬料又另一番風味～鴨血
台式火鍋必叫 鴨血本身醃過 自帶花椒八角味 質感滑嫩 唔會一夾就散🫶🏻


台中仙草凍
次次都會揀呢個 一嚟特別啲 二嚟仙草可以下下火咁自助區有好多配料 例如蔬菜、丸類、麵⋯⋯ 加萵筍同蘿蔔慢慢煮 可以吸晒湯底精華 入晒味😋 我仲加咗台灣必食嘅王子麵 麵底唔會太多 作一個好結尾😚飲品有自家冷泡茶、汽水同熱飲 比如桂圓紅棗茶 照顧埋唔鍾意凍飲嘅朋友🥰 我揀咗大紅袍冷泡茶 味道都唔錯🫖 另外宜家like 社交平台就送杯牛大人嘅鴨屎香檸檬茶 估唔到牛大人都有😂 like完就有 我幾鍾意呢杯檸檬茶 唔會太過甜膩膩 少少酸味可以醒胃啲添💕

估唔到北角街頭有間咁高質嘅omakase🥹師傅好nice 同我哋有傾有講 仲請我同朋友飲sake👏🏻 餐廳環境舒適 生日週年慶祝一定啱晒～ 宏 18品 $1580 — 刺身 — 秋刀魚 秋冬係秋刀魚當造季節 用嚟做當日嘅第一道菜就啱晒啦 仲有樹葉造型🥰 秋刀魚來自北海道 油脂豐富 師傅更特別喺刺身豉油加咗薑蔥 fusion得嚟又夾 香箱蟹 蟹蓋入面除咗有香箱蟹肉 仲撈咗蟹籽蟹膏 好鮮甜🦀 師傅仲加入蟹醋啫喱 榮螺 打卡一流！師傅即席燒榮螺 佢仲熄燈點火 令效果更佳😍 榮螺清甜 仲有榮螺湯汁飲 銀鱈魚白子 又一個秋冬之造 銀鱈魚白子🤍 經過炭燒 令白子有陣炭香同外脆 內裏更creamy👍🏻 岩手縣生蠔 生蠔多肉鮮甜🦪 鍾意日本蠔特別鮮 另外仲梅酒啫喱配埋 北海道鮟鱇魚肝 鮟鱇魚肝配上小米麵豉同紫鮮花 鮟鱇魚肝滑身 小米麵豉同紫鮮花提鮮 令味道層次豐富👍🏻 — 主食 — 立鱗燒 呢道菜好靚 魚鱗燒至企身 配上金黃色嘅鳳尾魚汁 香口又有金鯛魚嘅嫩滑 清酒蒸鮑魚伴肝醬壽司飯 鮑魚厚肉清甜 唔會韌～ 肝醬又鮮又咸 同鮑魚好😊 茶碗蒸 茶碗蒸以魚為主 有別於平時用雞肉做材料🐟 茶碗蒸上放咗三文魚籽 特別有鮮味 — 壽司 — 真鯛 來自淡路島嘅真鯛 經過火炙 魚油滲出 更香😛 真鯛魚肉軟身 池魚 我好鍾意嘅池魚🥰 池魚又厚又肥美 活北寄貝 師傅為活北寄貝切花 配上酸柑汁 同北寄貝好夾😙 北寄貝厚肉同好甜 牡丹蝦 牡丹蝦上加上由蝦殼磨成嘅粒粒 用盡全隻牡丹蝦 令蝦味更濃更突出 鰤魚 係魚鮫位 質感好爽身又無筋 野生大拖羅 野生大拖羅特別肥美 油脂感一流 更入口即化😋 加埋雪片鹽更滋味 海膽 到最後一道 creamy uni😘 海膽同紫菜食好正 江戶前玉子燒 — 甜品 — 估唔到有咁多甜品😛 有4款唔同嘅甜品 包括牛奶布甸、橙啫喱果凍、栗子蛋糕、靜岡蜜瓜🍈 師傅更會即場準備 令客人更多體驗～ 橙啫喱果凍好得意 栗子蛋糕好好味 有栗子粒粒 蛋糕布甸果凍都係師傅自家製 高水準之作

係由韓國嚟嘅過江龍 - KYUNG YANG炸豬排飯🐷 聽講係韓國80間分店，高人氣店～自己第一次試韓式吉列豬扒，一試同平時啲吉豬有乜分別先😆 餐廳係中環SOHO區，平想像中大間，除咗bar枱，仲有啲卡位啱一班人食。 特級吉列豬扒定食 $198 人氣之選！其實特級吉列豬扒包括咗豬扒同豬面肉，炸衣薄薄的，豬扒食落juicy同軟嫩，同脆卜卜炸衣成對比，幾好食😚 我之後再配上松露鹽同wasabi, 可以加強豬肉香味同減膩～ 鹹蝦醬都幾好😗 另外仲有任食嘅韓式冷麵、鵪鶉蛋白飯、沙律，冷麵以泡菜為主味，酸酸辣辣，幾開胃👍🏻 鵪鶉蛋白飯細細碗，用豬扒送飯一流，我都refill咗3碗🙈 芝士吉列豬柳定食 $198 呢款定食有2款吉列豬，包括芝士豬扒同吉列豬柳，一次可以試晒2隻豬🤓 所有定食都係有齊冷麵、鵪鶉蛋白飯、沙律、前菜同各款調味料，用嚟配吉列豬幾好🥰 芝士吉列豬扒入面有流心芝士漿，一定要趁熱食，芝士可以拉出絲，幾香咖🧀 另外仲有吉列豬柳炸衣薄脆，入面仲有啲粉紅色半熟感，唔會硬嘅👏🏻

好耐冇食放題 前排同朋友去咗山林道嘅一間新餐廳 係一間韓國餐廳 仲見到有韓國人幫襯🇰🇷 除咗有韓燒放題 平時都會有其他韓國菜套餐😆 3小時韓燒放題 $298 呢個價錢真係幾吸引 因為佢哋overall食物質素都高同好味👍🏻 另外仲包埋無酒精飲品任飲 有好多款韓國飲品～ 鍾意飲酒嘅可以加$88任飲米酒、啤酒、日本果酒添 真心抵🍻 食肉獸一定啱😍 我哋叫曬全部肉類 有五花腩、牛仔骨、羊架、豬大腸、牙帶魚、雞肉串燒、一口牛等～ 當中有啲特別鍾意同要encore🫶🏻 - 原件豬頸肉 豬頸肉勁好味💕 佢係原條長方形肉上 好厚身！將成件豬頸肉放喺爐上燒 因為個爐都好夠力 所以好快就將豬頸肉燒到七、八成熟😝 之後老闆娘仲幫我哋剪成一條條 等豬頸肉每面都燒到焦焦哋 特別香口～再加上佢本身用蜜糖醃製 外皮焦糖化後更脆👍🏻 - 醬醃牛仔骨 用上韓式醃料醃制 食落去有少少辣帶鹹 醬料唔會太重手 可以keep到牛肉味道😃 牛仔骨本身半肥瘦 所以食落特別滋味～ - 香草羊鞍 羊鞍大大隻又多汁🥩 香草醃得入味 將羊鞍放入爐上燒 轉幾圈就五成熟～ - 什菌 其實佢都有唔少蔬菜選擇 我自己就幾鍾意什菌 因為佢會吸晒啲肉汁 好香好邪惡💕 - 花生米酒 店主介紹我哋飲 幾啱我呢啲怕太重酒味嘅人🙊 因為佢有陣淡淡花生味 同米酒幾夾😜 我自己幾鍾意同平時都少見呢隻味～ 韓式小食 燒肉途中 我哋叫咗啲韓式小食🥰 一邊食一邊燒 因為餐廳用光波爐 所以我哋都冇特別經常反 可以放心等 餃子外皮好脆 餡料又足🫶🏻 *而家有生日優惠 如果係生日月去 平日4個人1人免費😆 五六日就6個人1人免費🤓 *記住預約留枱

超級邪惡芝士雞煲！ 我之前都有同朋友食過 個芝士雞煲真係好高質🧀 上星期又再約朋友去食 餐廳有別於平時嘅火鍋店 夜晚有時會有live band 啲位又闊落啲 同frd吹水啱晒👍🏻 黃金芝士雞煲 （小）$208 我最愛😍 黃金芝士雞煲有分大細size, 細size份量都好多，可以三、四個人再加配料食～ 有好多芝士醬汁，芝士汁濃厚又香😉 雞塊每面都沾上芝士汁，肉質仲幾滑，好正💕 紫薑流心皮蛋 $48 相信紫薑皮蛋同芝士雞煲都係一個好配搭～ 可能有朋友會擔心芝士汁太膩 但酸酸嘅紫薑就可以平衡到😆 鮮炸響鈴 （半份）$32 鍾意食響鈴嘅 必叫🥰 巨大化響鈴 一舊響鈴成個男人拳頭咁大😎 好脆 加入濃濃芝士汁 又多份芝味 手切箱降牛頸脊 $258 牛頸脊牛味重 配埋芝士湯都唔會被搶味🐮 脂肪比例好 食落唔會韌 哈哈蝦中寶 $68 蝦中寶唔係淨蝦滑 而係有好多隻原隻蝦包住蝦滑仲有卜卜脆蟹籽🦐 用料重本 所以食落彈牙又有口感 手打鮮墨丸 $48 鮮墨丸都好爽彈 新鮮🦑 蜂巢冰豆腐 $28 「索」湯一流 冰豆腐要慢慢解凍 之後放入火鍋 佢就會吸晒芝士湯 好多汁😝 稻庭烏冬 $28 叫一份有兩個烏冬 撈芝士汁湯底食 真係好好味🧀 娃娃菜 $28 竹蔗茅根(壼）$78 夠味 仲要成壺連埋啲粟米、蘿蔔咁上 好有誠意😃 另收醬料費 $18