bennie155142 等級1 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2020-12-08
見呢間burger舖都開咗一陣,趁而家wfh就買個lunch 嚟試下。一入去嘅時候聞到好香嘅burger味,但拎到返屋企試咗第一啖之後就好失望🥶 《川式麻辣醬堡套餐: 配薯條+生果盒》 Burger: 自己本身好鍾意食辣野,本身對呢一個麻辣X漢堡包嘅配搭都幾大期望,但食咗第一啖就知賴嘢😫以為係醬汁出事?nonono! 係塊牛啊!從來未食過一個burger入面嘅牛係咁乾...🥲食曬成個包,所有汁都來自個sauce同蕃茄,成塊牛一滴汁都冇...冇諗過一個60幾蚊嘅burger仲乾過金拱門嘅包😰 薯條: 粗薯條,普通,唔香口亦冇乜調味。冇薯條嗰種食完一條想再不斷食嘅感覺。不過可能因為我係拎返屋企食,所以影響咗薯條嘅質感。 生果盒: 入面所有生果都好唔新鮮...🤢啲提子好似係超級市場就快過期特價買返嚟嘅質素...後悔自己懶健康唔揀汽水而揀咗生果盒🤣 真心建議店主用心搞返好個食物質素,最首要改進嘅一定係舊牛(認真舊牛真係唔合格🙅🏻♀️)。作為一間賣burger嘅餐廳,如果連最靈魂嘅食材都做唔好,真係唔會令人再返嚟幫襯。生果個方面,如果冇budget入靚生果不如索性唔好要,俾多d錢去買d高質嘅牛肉會仲好。唯一值得一讚嘅係包裝方面算係幾用心,但要練下點樣包burger因為包得有啲亂😅 評分: 味道 2 環境 4 服務 4 衛生 4 抵食 3
2020-10-11
午餐外賣自取燒汁牛肉飯定食 沙律:冇切過咁滯 手撕原塊生菜再pat啲汁上去 小食:疑似螺肉+粉絲 咸到一個點😑 食咗一啖唔想再食 配菜:揀左厚燒玉子 除白飯以外最正常嘅dish 牛肉:汁略鹹 牛肉片「鞋」又厚 厚得黎仲要韌...係要比啲力去咬開嘅嗰種靭 甜品:一粒啫喱....寧願佢唔好比 平多一蚊仲好 見大部份嘅食評都係話佢啲壽司刺身ok 可能熟食呢方面唔係佢哋嘅專長啦 但食完呢個set之後都冇興趣再試佢其他嘢啦 呢個午餐定食盛惠$75 大家自己衡量抵唔抵食啦
評分: 味道 3 環境 3 服務 3 衛生 3 抵食 2
2019-06-11
好耐冇寫食評 但呢間體驗極級差 唔寫一寫啖氣真係呑唔落 呢間野100%絕對係買like買人氣 無論食物,服務態度同cp值都係本年度最差 沒有之一 食物方面,饅魚飯腥到不得了 雞串外層超硬,蛋卷一夾就散 燒茄子極鹹又多核,求其一間旺角街邊檔嘅燒茄子都好食過佢好多 火焰串燒放火既時候又勁求其 差d就燒到我塊臉 仲要一食就食得出串野本身已經係凍 因為剩係得表面岩岩比火燒完嘅地方係熱 服務方面,待應態度係有史以黎最差。 我絕對冇誇大,一百分係滿分嘅話, 我會比負五千分! 由用餐中途要加水,到埋單走人水都冇加滴 講左幾次要加水,佢埋黎同你講:「我知你地要加水,我轉頭比你。」之後一個華麗轉身就細細聲講:「加水加水,成日剩係識得要加水。」 我個下聽到真係O ❌左,以為自己聽錯。 佢仲細細聲鬧左隔離檯d野,但我聽得唔太清楚, 類似又係話成日都要佢去收碟之類。 總之,呢間野係好❌貴得黎又史詩級難食。配埋佢「劉華咁優質嘅服務態度」,個人誠意推介比想食飯食到背脊骨落同埋貼錢買伏食嘅朋友們。 最後想同肥🍉侍應講:👆🏻你👵🏻呀!
評分: 味道 1 環境 1 服務 1 衛生 1 抵食 1
2012-08-11
我個日係同D FRIEND一齊去食,一開始係被佢88蚊好似好抵咁(後尾先知要加一), 咁就3條友傻更更入左去受罪 一開始我地仲好HIGH好期待,但興奮既心情已經比個黑人憎既服務員破壞晒 我地寫好張點餐紙叫佢過黎收,佢用好唔耐既語氣叫我地等等.. 咁我地等左一陣佢都冇理過我地..咁我咪好心行過去令張紙比佢囉!! 點知佢竟然黑曬面同我講"咪叫左你等等囉!!" 哇大佬!!我好心令比你你竟然黑我面!! 個陣諗住算啦,開心D食埋D甜品佢,我估唔到甜品先至係最令我失望既野!!! 3種CHEESECAKE黎齊,望上去好好食,一食落口冇CHEESE味! 而個芒果班戟,個皮唔知點解怪怪地,入面得一舊CREAM加2舊芒果仔咁就算 而個木糠布甸算係最OK,第一次叫既時候覺得終於有樣野係好食,我地落多次單, 叫番黎個木糠布甸係硬到我地3個用最大力先可以吉得入 堅係唔知個2舊野究竟擺左係雪櫃幾耐... 另外我地仲叫左個焦糖燉蛋,我想講我食出黎既只係得蛋味,完全食緊水蛋咁既FEEL!! 我唔知係我地3個既期待太高定係放題既QUALITY差過散叫,我只係知道我從來未試過食甜品就黎食到想嘔(呢個唔係我誇大) 完全覺得我食既野完全唔值98蚊!!! 我成篇文冇相係我已經冇MOOD去影相 BUT佢都教識我平野冇好野,我要多謝佢 呢間野同明將有得揮,我死都唔會再食第2次!!!!!!!!!!!!!!!!!!
評分: 味道 1 環境 2 服務 1 衛生 2 抵食 1
|