年廿九，今年四大長老都話唔駛番去做節。
難得機會，我地兩公婆諗住慢慢揀外賣番去食。

呢日早收，決定去Elements行街，周圍行時見到「十里湘薈」都幾多人等外賣 （外賣自取85折都抵WOW）
反正未諗到食咩，就跟隊叫埋一份。

2個人叫3個餸，蔥爆牛肉、宮保蝦球同干鍋花菜，仲跟咗3個白飯，落完單去兜多個圈就拎得。

番到屋企我地習慣將外賣落鑊翻熱再換碟 (係麻煩咗，但熱D又好食D、換左個盒又衛生D！)
換碟後發覺都幾大碟！呢度正價係$500左右，以晚餐嘅價位唻講係合理。外賣自取有85折直頭算係抵！
食物質素好好，就算蔥爆牛肉同宮保蝦球翻熱後都唔會變鞋變韌！現場食的話應該不得了！

蔥爆牛肉份量睇落唔多但其實都算多，夾極都仲有，而且牛肉仲係好嫩，唔會鞋！ 特別欣賞宮保蝦球，雖然係6隻，但1隻嘅size係超大！！仲要彈牙爽口同厚身！
炸皮好薄，唔會食到一口都係粉！宮保蝦球真心好好食！ 85折真係好抵！ 干鍋花菜其實係干鍋炒椰菜花同蓮藕片，菜炒得乾身，辣得唻又唔搶喉又唔會好油！鍾意食辣嘅一定要試！
總括唻講，真係幾好食，性價比好高！
我會再唻買外賣番屋企食！ 85折真係好抵！
開始掛住佢嘅宮保蝦球啦！

跟朋友到九龍灣傾嘢，接近晚飯時間，想搵飯食但德福商場比較多人，一search之下，搵到距離德福戲院腳程5分鐘的地方就動身出發。 發哥粥底海鮮火鍋隱身在工廈裏面，但裝修、環境都很乾淨，侍應們亦很有禮貌，坐得非常舒服。 剛坐下就每位送一款燉湯，今日飲嘅係花膠蟲草雞~落足料燉，滋陰補氣~ 另外仲有前菜、冰鎮鮑魚同焗青口， 有heart之作，海鮮新鮮好味道。 他們主打粥底火鍋，我哋點咗海鮮火鍋，另外按人頭計點8款食物，每位每款食物有三件左右，點菜時以為會唔夠飽，但錯啦，我哋食到8成時已經飽到飛起。 呢度嘅粥底火鍋同平時食嘅唔一樣，先用粥水打邊爐最後先加米落去煮。 食物分批上，好新鮮，海鮮份量亦比想像中多， 仲有我好想食嘅卜卜蜆。 先落海鮮，讓粥水更鮮甜。 奄仔蟹、蝦、卜卜蜆、魚、 蟶子、貴妃蚌分批落，每款都好鮮甜新鮮，唔會因為係工廈食堂就hea你。 喺散叫嘅食物當中，我哋一致贊同肥牛非常好味， 肉質嫩滑，真係牛有牛味，唔會係平時嗰啲雪到硬繃繃、勁多肥膏嘅肥牛。 食到大約八成，我哋已經好飽啦， 慢慢食伙計們亦冇催我哋。到最後加粥底嘅時候，仲主動提出落少啲米，以免我哋過飽。 我哋最後係慢慢坐下、睇下電視，清埋揸任飲嘅竹蔗茅根水先離開。 冇辦法，太飽喇，下次再有機會嚟九龍灣，一定會返嚟再食。

平日在尖沙咀lunch想搵間舒服又可以慢慢坐的餐廳真係有d難。 但估唔到美麗華地庫的Espresso Alchemy就係好選擇，cozy cafe的style，平日lunch time人不多，容易搵位。 lunch set選擇多， 點了The Alchemy All Day的All Day breakfast 滿滿的一碟，份量算多! 麵包怪的我很欣賞它的白咖啡朱古力多士~牛角包鬆軟度不錯~  跟餐還有南瓜湯跟咖啡。 它的咖啡是出名的，但今天不喝咖啡，試試它的朱古力，也是出名好飲的。朱古力也有拉花喲~~ 同行朋友點了黑松露蘑菇意粉，我們也點了煙三文魚沙律share吃~  舒舒服服嘆了一個lunch呢~

忽視有metime，立即約朋友係銅鑼灣食個飯～ 臨時臨急要搵間好味道嘅餐廳食飯，幸好我地時間尚早，就即刻行開兩步去三川居酒屋！ 幸好６點左右去到，仲有位坐，差唔多７點就full house了~ 隱約聽到隔離枱講日文，偷睇佢點咗咩食飯，再參考參考～ 點嘅幾款食物，性價比都高！ 原板海膽刺身 賣相靚，價錢合理，海膽鮮甜！海膽充滿光澤，入口即溶，味道亦鮮甜！包著紫菜慢慢食，舒舒服服慢慢嘆，份量２個人都夠食！ 鰻魚牛油果加州反卷 雖是家常菜反卷，但味道不錯！ 反卷材料新鮮，有牛油果、濃香嘅鰻魚，仲鋪滿蟹籽，最特別係加咗少少鰻魚汁，味道更好！而且即點即卷，入口時仲暖暖的，有heart! 日式炸魷魚鬚 最惹味嘅一道菜，外層鬆脆，粉漿唔厚，魷魚鬚彈牙！ 用唻送啤酒非常夾！ 驚唔夠飽，所以一開始點咗泡菜豚肉鍋，又係另一個惹味之選。 最貼心嘅係，餐廳見我地前菜慢慢嘆，唔想我地食得太急，等我地食前菜食得7788再上呢個鍋。 上枱時熱辣辣，又多料。用料豐富，泡菜湯底微辣，好想叫多碗白飯食呀！

話說當我們見識過囝囝3秒爬上餐枱後，我們已極少去韓燒或打邊爐....
對於熱愛燒肉的我們，是懷念，更是難過呀！
而我們 終於等到官塘有韓燒親子餐廳呀！！就是我們一路以來的大愛：炑八韓烤親子餐廳！

它是我們2公婆以前常去的餐廳，食物質素有保證位置雖然不近APM，但地鐵站行過去約10-15分鐘左右，是能接受的距離！加上不論它的親子環境、食物質素及價錢，都值得走這一敞。

進餐區的環境以韓屋為設計主題，走進去有像在北村的感覺(要加點想像力啦HAHA)
左邊的是令大家大小也很開心的兒童遊樂專區，孩子可盡情放電，爸媽可放心烤肉！
兒童遊樂專區有波波池、小廚房、畫畫、積木。更可以免費借衫cosplay韓仔韓妹！


遊樂區是餐廳的一個專屬區域，有同事看守入口位幫每一位噴消毒噴噴，同一定要除鞋入！
場內都有保護設施，小朋友不怕撞親。囝囝已經懂得在遊樂室識朋友仔，媽媽跟他玩了一會，看他跟剛認識的朋友仔玩得很開心，
也知佢會守規矩，我就放心進進餐區烤肉啦！

香港親子餐廳愈來愈多，看安全環境、食物質素及價錢。

我們點的是炑八KID燒烤套餐 (3人餐)，炑八的性價比絕對是超值！點餐的話，一點也不貴，3人餐都不用$400，更送兒童小食，囝囝瘋狂玩完就靠bb零食來差差電，再入去玩過！另外也貼心的每檯提供兒童食物較剪、全新兒童濕紙巾、餐具、餐紙更可填顏色！
囝囝是超級不喜歡吃肉的小朋友，所以烤肉就只有我們兩公婆吃，囝囝就瘋狂食爐邊蛋、芝士粟米。3人餐最可愛的是有一個放小食的窩心摩天輪將熱門小食如烤牛肉紫菜包飯、安東雞翼、韓式炸雞、韓式炸餃子及鮮炸蕃薯條放在不同的車箱中，轉摩天輪來選食物，令囝囝也開心得吃了一口韓式炸雞。烤牛肉紫菜包飯走牛肉版也是他的HAHA
每款的味道都不錯～一次滿足所有吃小食的願望！

燒肉拼盤就有韓式LA骨牛扒、霜降牛小排、牛臉肉、炑八特選豬五花及梨汁雞肉，全部都很好吃！！
我最愛霜降牛小排，油花豐富，肉質嫩滑！
餐也包括各式野菜及沙律，伴著吃減輕油膩感。
主食選了Shake Shake愛心便當，小朋友最開心就是拿來Shake，然後又清埋，媽媽奸計得逞XDD。整體來說非常滿意，有得食有得玩，湊仔湊到攰的兩老(我指我們)，終於可以抖抖氣，
好好食番餐安樂茶飯 ❤

========================
炑八韓烤親子餐廳
地點: 九龍觀塘鴻圖道90號二樓
星期一至日開放，記住訂枱
❣注意：平日一至五，兒童遊樂專區5點後才開放

好耐冇出旺角，咁啱一家三口約咗朋友出旺角食飯，梗係要去食甜品，話曬旺角都係甜品嘅兵家之地。 去咗前排畀朋友洗版嘅 粒粒果甜品， 先呢個打卡呃like甜品 香芒之戀。 芒果smoothie加士多啤梨同黑珍珠， 一杯甜品試哂三個味道，賣相靚又好味。 老公同朋友分別點咗水果星球同龍珠星球 龍珠星球應該係用蒟蒻粉加火龍果或提子，外型超好玩嘅甜品，龍珠粉絲必點。 不過淨食星球味道唔夠甜， 成個撈埋一齊食咪到更加好。 仔仔要咗個綠茶窩夫，即製窩夫熱辣辣，綠茶份量調教得好唔會苦。仔仔見到兩個雪糕球對眼發哂光，好彩喺我力阻後佢只係食咗半球。 最後我仲發牙痕叫多咗個雪梨蓮子燉桃膠，用料十足、味道清甜，凍食都好好味 ！喺呢個咁熱嘅天氣，食碗燉桃膠滋潤又透心涼。 食完甜品見到佢有瑞士雞翼，本來想叫埋，不過太飽啦，下次再嚟食！

這晚不知挑了哪條筋，特別相約好友去蘭桂芳食飯~ (但無心機去飲一杯)
在中環上班的朋友推介了Westwood Carvery說一向水準不錯，就選了它！


位於和安里的地鋪，地點易找！店面比較cozy，適合跟閨蜜們邊傾邊食～


Starters點了Steamed Fresh Mussels + Ciabatta bread


鮮甜大隻的青口，以濃厚的白酒忌廉汁來煮，非常美味。忌廉汁極Creamy，我不停用Ciabatta bread 沾著吃，吃到朋友要勸停 XD

Fried Calamari （脆炸魷魚）


邪惡到一個點！薄薄的酥脆炸漿配上彈牙的大魷魚，鬆脆程度係會一件接一件，停唔到口！


Main選了Chef’s recommendation的USDA Prime Rib Regular Cut



Prime Rib價錢合理，不到$400就吃到了。
Prime Rib難以在家自煮，所以每次見到而我老公不在我都會點～ (他較喜歡吃西冷~)
以slow cook處理，肉質軟腍亦不失juicy，牛味要慢慢細嚐，它不會是極濃牛味，但肉質是一流的，跟邊位的少少油脂一齊食更美味！

2道sides也是不能忽視的好吃~




Creamed Corn跟Creamed Spinach with Bacon是傳統美式伴碟但不是間間餐廳都好食!Creamed Corn煮得特別香甜，Creamed Spinach似是加了威士忌？啖啖微微酒香好好味～
Canadian Sea Urchin carbonara


Carbonara常吃，但用加拿大海膽配的倒是第一次吃到，賣相更是吸引！
加拿大海膽出名大隻之餘亦鮮甜，將海膽煮成醬汁加入蛋黃汁，每一啖意粉都掛上醬汁，對於我這海膽迷是滿滿的幸福感呀！
總括來說，整頓晚餐每道菜都好好味，會令你停不了口。是減肥人士的大敵XDDD

謝謝收看~請多多指教喲~
~~~~~~~~~~~~~~~~~~~~~~~~~~~
歡迎邀請合作試用及出席活動
★朱迪☆
~~~~~~~~~~~~~~~~~~~~~~~~~~~~




更多的平台~ ^^★Blogspot★The Ztyle★Beauty Life★Beauty Exchange★She Blog★U Blog★靚太Club★Elle Blog★WeShare★Salad Blog★

話說(可憐的)老公生日，因兩母子輪流中手足口，都無機會好好咁準備(其實只係訂枱)。 生日當晚，原想在家煮海鮮餐，老公話唔好太辛苦，出去食啦! 突然醒起魔膳廚房，即用app book，仲要book到！ 之前已經食過一次，餐牌的性價比很高。這次也沒有令我們失望。只是那個毫不驚喜的沙律吧，繼續毫不驚喜。anyway，叫2個main course已滿指定價錢免費享用，所以就超愛吃粟米的仔仔就狂食了！ 今次點的分別是「三色芝士醬燒豬肋骨配薯角」，忘記影相的「香煎帶子黑松露雜菌意大利飯」，還有兒童餐。 「三色芝士醬燒豬肋骨配薯角」是比邪惡更邪惡的RIB! 平常食開的燒豬肋骨已是heavy的朋友，這個加了三色芝士醬更是final boss級heavy!! XDD 但味道是很好很惹味的，會令人引不住一吃再吃。所以，叫多幾個朋友一起來分享肥胖吧！！ 香煎帶子黑松露雜菌意大利飯一上枱就香氣四溢，相都影唔切就被KO了！ 煎香的帶子依然嫩滑、黑松露的份量拿得準。真心推介！

赤柱總有一個特別的魔力，你不會經常來，但每次來都能為自己差差電！ 這日一家三口跟朋友來到Classified食lunch，食物水準尚算KEEP到！(4年前生仔前來過一次，之後都無再去赤柱了～) 香辣肉丸意粉 惹味之選，肉丸JUICY，意粉硬度適中，穩陣之選。 草飼西冷牛扒配薯條 牛是Classified的強項，點steak是必然之選！ 肉質嫩滑、juicy、肉汁鎖得好，不會令人失望。 地中海蕃茄焗蛋 試新嘢，感覺是蕃茄炒蛋焗版，唔難食亦唔算特別好味，下次可以SKIP。 還有Classified Burger 漢堡非常juicy，麵包焗得脆身，很好味！ 食物是不錯的，但不會再來了。 服務明顯比４年前來時差了。 因我在戒凍飲及甜飲，所以叫了幾杯清水，感覺侍應眼神不太友善。 另外就是，我們有小童同行，叫的食物要盡量配合他，食物要分開幾次叫，因不知道哪一款啱吃，結果點的除了薯條他也不喜歡... 待我們進餐後才知道原來有兒童餐供應，另外再點給兒子才不會餓壞它。 對於沒有主動建議兒童餐這點，我是很在意的，因去每一間美式餐廳，都一定會主動告之。 Overall, the lunch tastes good, but I won’t come back again. The service standard was worse than 4 years ago when I first came here. The waitress wasn’t that nice when I didn’t order drink, instead I was asked to have some water as I am quitting of iced drink. And another thing that I really care was they didn’t provide kid menu proactively which we had to order the food one by one to see which one my son would eat. This upset me as when I went to every American style restaurant, they will actively provide the kid meal to us.

同老公終於將搬屋呢個大工程搞得8899， 一定要好好慰勞下。難得可以掉低個仔 ，梗係去食燒肉放題啦!
選了對我們最就腳，位於銅鑼灣的【尚鮮日式燒肉漁市場】，搬屋這麼辛苦，我們賞自己吃超邪惡的【至尊和牛放題宴】，價錢是$398 一位，價錢算合理的!



限定和牛放題，任食A4鹿兒島同A4宮崎黑毛和牛，總共有8款牛肉～


另外還有刺身、壽司、各式小食，非常多的選擇!

選食和牛放題中會送上一盤海鮮，有我最期待嘅甲羅燒、虎蝦、生蠔、帶子同鮑魚。



食海鮮我沒有特別的程序，就選自己喜愛的吃先~甲羅燒燒的方法很簡單，先將蛋撈好燒到差不多乾身就可以了。很好味喲~~~~








虎蝦、生蠔、帶子及鮑魚都是新鮮，燒起上嚟特別鮮甜!






之後就開始食和牛啦!!
自己食和牛最喜愛的方法就是燒，逼啲油出嚟之餘，又可以食到又香又嫩的肉。


共有八款和牛，都是A4鹿兒島同A4宮崎黑毛和牛，包括一口黑毛和牛、和牛頸脊、和牛板翼、和牛嫩肩肉、和牛脊肉、和牛三角、和牛背峯和和牛腿～






第一round當然就是每款都點少少來試味~ 每一款牛也很不錯，很新鮮，切的份量剛好 不會令燒的時候很難掌握。和牛油花紋路靚，肉質柔軟。我跟老公一致認為油花偏重的牛脊肉、牛頸脊及一口和牛都是最好味的! 食和牛，都是比較邪惡的、油份較重的比較好味呀! 每吃一口都是幸福(肥)的感覺呀!








再來就是刺身，刺身跟燒肉我們是間著吃，刺身也很新鮮，我們也點了兩rounds呀~~


吃完燒海鮮、刺身、燒和牛後， 本身想叫其他小食但都差不多飽了，最後燒多一round和牛就完滿結束! 非常滿足呀!

尚鮮日式燒肉漁市場
地址: 銅鑼灣謝斐道496號金利文廣場3樓
電話: 21174267