miniblueblue 等級1 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-07-23
夜晚買糖水,食得多芒果撈,想潤d食番個雙皮奶。太耐無食,以前$20頭嘅雙皮奶今日已經$29,薑汁就多一蚊要$30。番到屋企,急不及待立刻開黎食,點知得半碗滿😣打開食,個雙皮奶有d水汪汪。基本上食兩啖就食完。個薑汁撞奶就好少少,份量有7成左右。薑汁味比較淡。之後我行過佢佐敦分店,見佢雪櫃d燉奶碗碗都有6-7成以上。下次響太子都係買其他糖水。
評分: 味道 2 環境 3 服務 3 衛生 3 抵食 3
2014-07-23
聽就聽得多,朋友今日請食九記。店舗細細得6張枱。下午4點幾到,剛剛有枱客走,所以唔係等太耐。原來只有牛腩+咖喱牛筋,牛肚、魚蛋之類都無。如果唔食牛叫左3個麵3杯凍飲。凍飲$20!無得話跟餐平d。牛腩麵成$40一碗,好細碗,份量似「迷你下午茶餐」嘅份量。牛腩瘦到無得再瘦😖味道方面... 好一般。我朋友話食得出係用新鮮牛腩,但味道咁... 浪費哂。見客人8成係遊客,我諗呢到變咗係「到此一遊」嘅景點而已。
評分: 味道 1 環境 2 服務 3 衛生 3 抵食 3
2012-07-21
下午3點幾o向大角咀買外賣, 見到間甜品店幾靚咪試下. Order左凍杏汁雪蛤膏和 凍橄汁雪蛤膏. 每碗$43(8pm前有discount). 我等成10分鐘都未整好, 又無客, 兩碗凍糖水無理由咁耐.... 望下張單先發現佢入左"熱"比我, 當然第一時間叫佢改. 再等左8分鐘都係未有... 見佢包左個"橄皇," 我話我order雪蛤膏喎!!!! 又再等... 終於等到. 已經等到好激氣, 咪9秒9立刻走. 番到屋企一心諗住食雪蛤膏, 1) 橄汁雪蛤膏: 完全無橄汁! 無拿拿有西米. 成碗糖水重傑到漿糊, 半布甸狀! 2) 杏汁雪蛤膏: 有杏仁味. d蓮子一係就未熟透, 個心重白白哋. 一係就唔林. 又係傑到漿糊咁. 最後, 雪蛤膏呢??? 搵黎搵去只係搵到一舊舊似橄汁糕嘅野. 一粒雪蛤膏都無, 收$43????? 點解釋個甜品叫XX雪蛤膏??? 係咪應該去消委會到投訴? 永無下次!
評分: 味道 1 環境 3 服務 1 衛生 3 抵食 1
|