成日去銅鑼灣蒲 但竟然從未發覺銅鑼灣二期有間咖啡店依度數埋都係得6個位 主要俾人take away多本身唔算係超級咖啡迷 但平時都會飲下既
店員好nice 好有耐性介紹唔同既咖啡
最後我點左一杯regular既Signature creamy cafe latte好靚呀個天鵝拉花 D奶泡都真係幾厚
味道幾好 飲落都幾滑 但個溫度就冇平時飲果d咁熱
問左店員 原來係專登既 話唔想"辣"到客人口 都幾細心~

係呢度我搵返初戀的味道：記得中學時期，會同男同學買甜品外賣返課室。一行入甜品堂，這裡以學校為主題，無論桌子或椅子，都和我中學年代的一樣。

有趣的是那個餐牌，佢封面係中學的校簿。當我翻開第一頁，舊有甜密的回憶又係我腦海出現了～我點了個心太軟，不太甜，外面感覺冷的，入面係熱熱D的朱古力。好似男人的外表cool，內裡熱情。朱古力略帶苦澀，但雲尼拿雪糕嘅甜味卻中和了呢個苦味，味道唔錯。勾起我好多回憶！

酸辣粉食店愈開愈多，已經到了有點泛濫嘅地步。
見到呢間川味美食，因見其裝修簡陋，餐牌上嘅食物價錢又極便宜，整體感覺又有點「大陸」，本來興趣不大。不過見到係食紅薯粉，仲有寬粉同幼粉選擇，好似幾特別，所以就入去試下。有湯粉同撈粉選擇，紅薯粉有分粗粉同幼粉，粗粉係好似粉皮咁寬寬的但比粉皮厚，而幼粉就同米線差唔多粗幼，但係就孿孿曲曲嘅。除咗薯粉，仲有米線、河粉同拉麵可以選擇，配料方面，都係同普通粉麵店嘅選擇差唔多，冇乜特別。我要咗碗酸辣炸醬紅薯粗粉（小辣），配紫菜同腩肉。
唔使等好耐就已經有得食，而且係大大碗。如果唔加配料，唔洗廿蚊就已經可以飽肚，抵食呢點絕對係無庸置疑。
配料有炸醬、芫茜、蔥花、酸菜同生菜，都幾豐富。炸醬就鹹左少少。先試一啖湯，有D嘅芫茜香味，酸辣度適中。薯粉係透明同滑滑的，咬落去都幾煙韌，口感幾特別。紫菜份量好多，腩肉就較少，切到薄薄地。炸醬都係鹹左少少。
紅薯粗粉好快就令人食得好飽，兩款餸埋單都只係廿幾蚊，加埋支豆漿解辣都只係加五蚊，但真係比我想像之中好味好多，哈哈！

平時係THE ONE行街，甚少留意到AN﹣TICO

相比其他餐廳，餐廳門口唔算特別起眼

直至今次有FRIEND提出，先有機會一試。



一入門口，發現環境出奇寬敞同大＠＠

由於我地有成8個人，所以一早訂位，

到步後侍應姐姐就已經好快安置好我地

對西餐冇咩特別要求既我，所以點餐都交由“食家”全權負責 XP



我地點左個PIZZA，意大利飯，意粉同埋D餐前小食咁！！

D野食都算快到同抵食！！！而水準亦出奇好食！！

首先上枱嘅係個麵包同黑色既醋，感覺酸酸地，幾開胃！！

如果個包係暖暖地，應該會好食好多！！之後就食炸磨菇，凱撤沙律，特色雞翼，海鮮拼盤！！

最鐘意係炸磨菇，外型除左好似孖寶兄弟粒草菇電爆左個頭之外 ＝P

外面顏色好金黃，一食落口真係好脆好香口，入面O既汁仲飛晒出黎 XP

點埋佢個千島汁，簡直正！！

短短既10幾分鐘有講有笑咁，就已經快速清左兩碟～～～主菜就有意大利飯，自家製意粉，SPICY肉醬PIZZA！！

意粉煙靭，幾好咬口！！而D汁亦岩岩好，唔會太溜～～

而SPICY肉醬PIZZA簡直大讚！！

平時較少食SPICY FOOD，但呢個味道就非常鍾意！！

一咬入口，有淡淡香辣味，但又就唔會蓋過肉醬既蕃茄味 XP



環境輕鬆舒服，全場有多張大枱，而顧客以大班年輕人為多，每枱有講有笑！！

笑得大聲D亦唔怕騷擾人，唔使就住就住！！！GOOD～～



總括黎講，價錢合理，食物亦較大碟，但上菜速度略快，早知搵張大d 既台喇!



今次唔記得帶相機，唯有用住部SAMSUNG先！

呢日一個人去金鳳吃tea,4-5點都已經坐滿哂人. 好彩俾我見到一個單人位, 叫凍奶茶同出名嘅雞批.

果然快手, 杯凍奶茶一叫就到,原來唔洗沖架!見個伙記個膠桶倒出來. 哈哈! 不過, 呢杯奶菜入口香滑,茶味濃郁, 係水準之作.件雞批就比較差啦! 一個賣HK8的雞批,牛油味就十足,可惜入口只有很少的雞肉和火腿粒, 傳統嘅白汁都欠缺, 實在有負盛名!

一直以來，大家樂嘅一哥豬扒飯都是陪住我成長的「美食」．又大件又飽肚，中午兩個女仔share就剛剛好．

一排冇吃，原來一哥豬扒飯已經慢慢變左質．由好juicy，好有肉味的豬扒，變成一塊只係得個樣嘅豬扒．

唔錯，個賣相仲係好漂亮．d蕃茄又真係又紅又juicy．但係d豬扒吃下去就成口渣．好似被唔係肉咁，我食左兩啖就唔敢吃，淨係吃炒飯．不過，d飯都唔得，以前都有d蛋粒，依家就好少．個飯又炒得求其．

一代街坊美食「一哥豬扒飯」就咁就．．．唉！

嚟五樓廚房吃咗幾年．記得第一年訂佢個Sunday Brunch要成年．今年等咗9個月就有位，真係快咗好多．可能同依家要係會員先至有得訂有關．

個人最鍾意吃係佢嘅黑毛豬，豬嘅肥膏剛剛好，個邊有少少焦，口感非常好．可惜呢道菜冇得任吃．朋友就揀左Prime Rib Eyes，炭燒味好重，仲有d韌，不是我杯茶．另外，佢個紅酒和牛利，好諗，肉汁又香，真係好好味！

佢嘅海鮮都好豐富，除左有青口外，大蝦都好大隻，非常新鮮！薄餅更加係我嘅至愛．

最後梗係甜品！拿破侖雖然依然非常好味，但係今年個size就小左很多，冇得盡興

總括而言，以三百幾蚊吃個Brunch雖然唔平，但係佢地真係比d quality嘅野你食，都OK 啦．不過，見佢地size越來越細，都唔知可以維持到幾耐

本來想去睇戲，但又買唔到飛，去左麵屋一平安試下．見佢裝修得幾OK，又試下d麵得唔得先．叫咗碗豬骨湯拉麵．不過，真係幾失望．個湯底好鹹，叉燒又無乜肥膏，仲要薄切，d麵都OK，不過不失，無乜特別．質素唔係太差，但係一碗收八十幾蚊，就真係唔OK.值得一讚係裝修，店前放左好多零食，都幾得意．另外，桌度有支蒜頭壓榨器，幾好玩，但係d蒜蓉汁就幾辣！

今次係第一出報告，心情特別興奮！

之前去咗Saizeriya Italian Restaurant 好多次，覺得佢好食又抵食．係將軍澳區嘅平價意大利首選．不過，每次去都要排好久隊，真係好多人．

今次２個人，吃咗以下幾樣菜：

牛肉PIZZA：雖然牛肉係幾林、幾多汁，料唔多，都OK啦！
辣味雞翼：我最鐘意食呢樣，熱辣辣，又辣辣地，好味！
薯角：今次比較林，有D失望！
Cabonara 意粉：個汁好好味，好creamy，比過d意粉都比較林！

最後，我哋加$8 無限添飲，仲可以選唔同飲品，真係抵～