心血來潮想食拉麵一搵就搵到間屋企附近🖤
小店一間 店舖既前身都系拉麵店
接近下午茶時間既午餐 不用等位
住喺附近都吳知距易左手 慚愧❗️
今次既主打系雞白湯加雞肉拉麵 新鮮感🆙
貼心位系客人一入嚟 店員就會比一壺凍水你✔️
窩心


🔸鹽雞白湯沾冷麵($80)
香濃既雞白湯 清清地幾好✔️ 比平常雞白湯顏色偏黃似清雞湯🤭 系濃味既 不過始終系配沾麵
我期望距既掛汁度會高一點 可做再濃厚一點🖤
吳知配熱麵既掛汁度會否高一點 下次可嘗試下
加左小麥既拉麵偏硬身 可以選擇麵質會更好
雞肉食落第一塊就鞋鞋地 之後2塊就好滑 - 就是錦爽雞腿肉 有驚喜✔️


🔹海老味噌湯拉麵($90)
食拉麵之前飲返幾啖湯先❗️
雞白湯做湯頭既湯底加上適量櫻花蝦同木耳系上面
有足夠既鮮味加咬口❤️味道豐富

溏心蛋亦做到流心既感覺 正👍🏻


🔸餃子($15/3)
雖然其貌不揚 但亦有驚喜 比到我🇯🇵既感覺

下次會嘗試黑松露濃湯

又黎大坑搵食 save低好耐終於去咗食 晏晝打去訂位 仲有6點喎 咁就順利成章去食 因為有落場時間 所以正正6點鐘開門 準時到達做第一個客 有玻璃窗可裝入去睇住廚師打麵粉 嘿 Sea Urchin Pasta($208) 黎得呢度 就系為左食距 當然亦都係要食handmade pasta✔️ 粗粗的手工意粉好掛汁 味道好香濃❤️ 亦都有少少海膽既鮮味✔️ 而海膽既份量都吳少架 我真系好鐘意食手工意粉呀 好鐘意距系啲硬身既麵 好有咬口呀 嘿 距直情厚到好似烏冬✔️ 不過都知道有啲人系吳好鐘意硬麵🖤 同埋距既汁系有少少甜 應該系有調配過既個汁 而我系Okay ge✔️仲有少少魚子醬點綴✔️ Lobster with XO sauce($248) XO醬炒烏冬既西方版演繹 比到驚喜我🖤 辣辣地既醬汁 但距無海膽個汁咁掛身 龍蝦肉爽口彈牙 都算大舊 份量Okay✔️ 對得住個價錢喔 Baked Hokkaido scallop with Mozzarella($108) 比想像中細份 不過帶子煮得剛剛好 好有鮮味 不會煮得過火或太老 仲有見到距啲拉絲芝士嘛🧀❤️wow 又正因為距細細份 啲芝士吳算好膩 下次Encore要試埋距既Pizza同risotto

假日午餐❤️ 久違的西貢 品嘗我們一家最愛的泰國野❤️ 更加想念泰國同泰國既美食 西貢食嘢最好就系方便泊車 今次帶埋婆婆去 又有埋輪椅 又落雨 啲職員都好有耐性幫我地 可惜天公不造美 落雨 所以坐左室內 浪費左室外既靚海景🖤 🔸泰式奶茶 泰式奶茶都係偏向甜既 不過呢杯出奇地多奶 所以都幾開正我鐘意個瓣 $48咁大杯先合理 🔹小食拼盤 有泰式雞卷 魚餅 蝦餅 素春卷 份量算足夠既 對得住個價錢✔️ 魚餅吳腥 但泰式香料味都算重手既 蝦餅夠爽口彈牙 點泰式辣醬 正👍🏻 素春卷 泰式雞卷味道香口 🔸冬陰公 有個爐系下面暖住 十分貼心 加分位✔️ 入面有菇同一隻開左邊既大蝦 湯底既椰香味都算重 對於我黎講吳算辣 我地幾個人都足夠❤️ 🔹泰式燒豬頸肉 一上枱 嘩 都幾大碟🤣 可以再燒多一陣 再香口啲 咬落去系好Juicy 可能燒多陣就會乾身 配埋距個汁好開胃✔️ 🔸蝦醬炒通菜 椰菜苗賣晒有點可惜 嗌返通菜 通菜食落很嫩 好少可無渣架✔️ 咸香蝦醬味濃 正✔️ 🔹泰式蝦醬炒飯 呢個飯都比我想像中更好味 一來系蝦醬啦 二來系用左櫻花蝦炒 好香 來裡隱藏左2粒大蝦 很爽的✔️ 撈埋肉鬆 蛋 同臘腸 正👍🏻 🔸沙嗲串燒牛/雞 ($38/2) 比想像中大串 燒得剛剛好✔️ 好彩無叫6串 如果吳系就浪費了 牛同雞都算嫩滑 吳韌 🔹芒果糯米飯 熱辣辣既糯米飯加上收熱溶化既椰汁 加埋甜既芒果真系好好味呀✔️有驚喜❤️ 用呢個甜品為呢餐劃上完美句號。 下次會為咗個海景同埋個平日既下午茶set再返黎❤️

一間行輕工業風的Cafe. 配有灰色水泥牆的裝潢 岩哂鐘意水泥風既我 平日去J cafe是最好不過 美美的fruit bomb 💣 端上枱有清新既果香 飲落就有咖啡既香👍🏻 配有dried fruit系上面 有別的咬口！ Dirty一貫的味道👍🏻 啡奶比例剛好！ 咸咸的薯條配搭黑松露醬 屬於松露fans的我 都夠滿足😁 蘋果批有滿滿嘅果肉 大滿足 有脆脆伴碟再溝雪糕食 很撘！ 不過雪糕可以溶慢少少嘛🤣🤣 that will be perfect😊 略嫌價格有點高 還是可以一試的！

早幾個月已經知悉開左系屯門 但係因為驚新開張會大排長龍所以遲遲都未去 事隔多個月 就去嘗試下 友人說過可以試下平日walk-in!就膽粗粗去試下 當日中午12點9去到 門口已經貼左FULL 心諗O M G 照開門入去問 之後距就話枱FULL左 要留電話等 要等bar枱 大概會1點至1點半call! 咁就係附近閒逛 到大約1點3就返返去(未收call) 之後就睇下menu食咩 之後距又真系1點半就打黎話有位 嗌左2個Set Lunch! 坐喺bar枱又幾chill既哈哈哈 可以望住水吧整野飲 首先黎既系餐包 分別有酸種同黑麥麵包再配自家製松露牛油 個人比較推薦黑麥麵包 撘配牛油食落好香好好味(本人喜好松露的) 再黎到沙律🥗 裡面有青瓜番茄仔脆麵包同水牛芝士 撘配青汁很撘 很fresh的味道好味 平時不喜沙律的我都食清左 再黎飲品有我最愛既Pina colada(無酒精) 距有分有/無酒精 自己喜愛吧 無酒精既我覺得不太甜既 之前系馬代飲完就愛上了 友人系Iced Tea正常吧 手工意粉有咬口 偏硬身 本人系喜愛硬麵 所以無問題 偏好淋麵既朋友可能就會麻麻地 而我就鐘意既 帶子煮得亦岩岩好 長通粉配番茄汁很配 很開胃 不過系當食完意粉先上枱 上菜時間有待改善 總括然而 算食到高質既手工意粉喔

而家外賣就是皇道 咁岩屋企樓下就有[齊柏林熱狗] 落去買個外賣快靚正 其實因為方便都食過幾次了 大大隻霓虹燈比您打卡 是晚叫左最愛既2款熱狗如圖下 每款熱狗可加$12轉套餐 套餐可選擇2款小食或罐裝飲品 今次我只加了一個套餐 因為都系屋企食 飲品就不了 所以我揀左2款小食 細薯條同牛油粟米杯 2款小食既份量就還好吧 對於我呢個牛油控 啲牛油絕對可以再加多啲 貪心既我已經系屋企加左 薯條配左酸酸甜甜既汁所以變相有脆有淋既 都幾惹味 會食吳停 芝味熱狗($38) 芝士控既我完全鐘意距到一個點 有三重熱溶芝士、粟米、蛋黃醬、法蘭克福腸 可能有人會覺得距有啲漏 但系我就覺得岩岩好 麵包好軟屬 配芝士很撘 腸仔煎到脆口 熱辣辣好好味 黎個橫切面比大家睇下 澳式風情熱狗($38) 有芝士煙肉菠蘿千島醬紐倫堡腸 mix埋後撘 就系貪距有菠蘿 甜甜的 味道清新 友人最愛♥️ 店內系Open Kitchen, 可望可見入面衞生情況 但係因為而家疫情 呼籲大家點完餐就系出面等 大家都做多啲啲 ————————— 就系想距既營業時間可以開晏少少 相比同地方既餐廳 夜晚10點關門太早了

心血來潮想食忌廉烏冬 二話不說撘車出去旺角就系為左食距 曾幾何時，呢度系要排隊 到而家，人系有既不過吳多 直入 座位可以自己選擇 落單系採用QR code自助落單 其實系方便左 同減少左人與人既接觸 而家疫情反覆 未嘗吳系一件好事 咖哩牛肉忌廉烏冬($78) 一上枱 就見到白色濃濃既忌廉系面前 對於忌廉控既我 絕對心心眼 不過可能下面就已經系熱既咖哩湯底 所以其實啲忌廉好快就溶哂 就系因為啲忌廉溶晒所以個湯底變得好滑 (即系變得好肥好肥) 略嫌牛肉鞋口 麻麻地 不過牛肉不是重點吧 味噌蟹蓋配紫菜飯團($58) 啲蟹羔surprise咁既好食估吳到 上面仲有少小蟹肉 驚喜 韓國餐廳有日式既味道 牛油峰蜜單骨雞翼($65) 吳知點解蒜味勁重 蓋過左牛油味 有蒜就配埋芝麻 味道好復雜 變相同蜜糖味有啲吳夾 所以我都無再唧檸檬落去 不過單骨又系幾方便 其實而家好多餐廳都大推單骨 做多少少 就有加分位！ 吳知系咪疫情關係少左staff 距地好似做踢哂腳咁 不過都系好事黎 代表有生意嘛 今次無試到吉列牛 有機會下次再試

想試左好耐既一間甜品屋 當然要搵我既甜品buddy試食下 因為都開左一段時間 原以為熱潮會減低 點知就算平日都要等大約7個字到 其實又吳會等太耐既 吹吹下水好快就有位 因為晚餐都食得飽既關係同埋距個冰既分量都系大 所以我地2個人就叫左一個冰同soufflé配熱抹茶 TI RA MI SU $95 呢個系新產品 真系好好味呀呀呀呀呀 溫馨提示: 餐廳系比現金ONLY 同埋落完單之後會收左錢先 都方便既食完就走得 店員都貼心咁提醒我地要由上而下咁食 如果唔係就會"淋" 距上面既cream cheese真系好滑 好味 我勁鍾意又充滿咖啡味 味道好岩我 啲冰又好綿 入口即溶 再配埋咖啡醬真系正 一路食就發現入面原來仲有咖啡蛋糕 真係似系到食緊tiramisu咁大推 北海道芝士加朱古力soufflé 配抹茶 抹茶就不過不失 之不過食完甜野再飲距就開始有啲苦澀味 之後就無飲嚕 soufflé 比人感覺系一陣風咁入口即溶 相反呢度就系實既 好似蛋糕咁 芝士味似芝士蛋糕 朱古力味就似brownie 味道都算系好濃既 加返小小分 不過嚴格黎講就吳算系soufflé 系有啲失望既 如圖下 總括來說 冰冰系絕對可以返黎encore 仲可以試下其他味4⭐️絕對要比個冰冰 不過老實說soufflé 就沒有下次了

第一次探訪K11 musea當然要去打下卡 話題雪糕？ 梗系要試下傳聞要排長龍既一間鋪 點知平日晚上既時間是 沒 有 人 店内有2塊特色牆比大家打卡 "we are dreama, not a salted fish" 另一幅就系花草牆 我揀左四選二既($48)紐紋款(燕麥奶•白、火龍果•紅、呂宋芒•黃、竹炭椰子可可•黑) 黑紅系我既選擇 最吸睛之處應該系火龍果味 鮮艷既顏色已搶風頭 因為系純素軟雪糕所以無加奶同蛋以至果味十分濃郁 質感有少少似雪芭 距比平時既軟雪糕無咁易溶 入口又夠滑溜！ 足料上陣 食落好似有埋黑色粒粒火龍果籽添 至於黑色 顧名思義可可即系朱古力 椰子味既朱古力好清新 而因為距質感似雪芭 冰感似的 好似無咁漏咁 又有啖啖既椰子香 我幾鐘意 --------- 如果有下次的話應該會用燕麥奶配黑紅黃其中一款 因為黑紅2隻味其實都屬於濃 啲味有少少撞左 不太適宜合味 又或者單味咁食味道會更好

個名聽就聽得多 就系未的起心肝去試 突然有日諗吳到食咩 個腦就閃過呢間野 就擇日不如撞日即刻揸車去 餐廳位於屋邨商場地下 所以架車好自然就泊咗系屋邨停車場 諗住泊完車就開個google map下間餐廳系邊 邊知落到地下一轉個彎就見到 一見到黑板個quote就好開心 [i hope you always find the reason to smile] 餐廳絕對系走文青風 系平日既中午時分 嗯 大概系港人既早午餐時段 都keep住有人流 不過就不需要等位既 因為系open kitchen關系 廚房入面都見到十分忙碌 忙過不停 擺放材料整潔乾淨 一目了然 店內亦有一塊黑板寫today special既特飲同湯 方便餐廳更改 小册子menu 見距個signature多重芝士熱狗好吸引 同自選意粉可以揀咩都得 所以就試左 同埋飲埋距個是日特飲 多重浴芝士熱狗配薯角 個包好軟熟 系有驚喜既 估距吳到咁好食 系將距焗到有少少外脆内軟 而喜好芝士既我就當然就系幾多芝士對我黎講都系來者不拒既 好濃郁既芝士味 跟麵包同腸仔都很撘 薯角就炸得岩岩好！ 炸雞脾煎蛋意粉配黑椒汁 炸得金香可口既炸脾完全系我杯茶 入面仲好juicy 不會炸到乾爭爭 同埋而家已經好少地方有得食炸脾了 (脂肪爆棚)!!!!!! 自己食完都好有罪惡感 但係絕對系出色既 再配埋隻煎得岩岩好既太陽蛋 再加埋黑椒汁撈埋意粉食！正呀！ 不過以健康黎講 都不能經常食喔 蘋果汁 有粒粒橙既蘋果汁都不錯 吳太甜 不過啲粒粒橙我覺得可以再多啲 飲左幾啖就無了 可以不吝嗇多少少 ------------- 小鋪有咁既質素 價錢又合理 真系撐呀！