cassduzz 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2012-09-04
今日同朋友去食下午茶,見到有泰國野諗住試下啦, 點知入到去得幾個人,心諗唔係伏黎掛 我叫左香茅豬排金邊粉加檸茶,朋友要左海南雞金邊粉同奶茶(不過無影到佢個碟) 食落好開胃,D豬排好入味好香,金邊粉份量超多,一個女仔差D食唔曬 個湯底酸酸甜甜,超級開胃,D粉同蘑姑好入味,食食下仲有D通菜係底 D通菜又係好入味,由於本人同朋友對D酸酸甜甜既重口味野好有興趣 所以覺得特別好食,而且呢個TEA SET先36蚊,真係邊度搵=] 晏畫去間野都幾靜,見D員工同老闆娘都好似講泰文 佢地雖然唔會好熱情,但都唔係態度差,弋0覺唔錯,下次應該會去叫下D小食或者試下晚市=] 下午茶真係好抵,值得試 推介美食: 香茅豬排金邊粉
評分: 味道 5 環境 4 服務 3 衛生 3 抵食 5
2012-07-11
今日終於同屋企人去試左呢間店既豬排咖哩飯,芝士蛋包咖哩飯, 之前聽朋友講話呢間野既咖哩豬排飯好食,試完之後覺得都OK 佢D咖哩係甜甜地,一D都唔辣,而且D咖哩超多,成隻碟都係,拎黎撈飯係唔錯 D豬排都脆脆地 我有試屋企人叫既芝士蛋包咖哩飯,我覺得好普通,D蛋係幾滑,但撈咖哩又唔係話特別好食 不過就真係好抵食,咖哩豬排飯先係29蚊,芝士蛋包咖哩飯就27蚊,而且有學生證仲有汽水送 我去既時候係晏畫1點15分度,有超多學生係度等位,可能因為間店唔係好大,所以食完就要即刻走
評分: 味道 4 環境 4 服務 4 衛生 4 抵食 5
2012-07-11
上個禮拜同朋友去食DINNER,叫左個鰻魚飯,西班牙海鮮炒飯同九洲拉麵.. 個鰻魚飯好好食啊,好鮮味..呢個都低得推薦 至於個海鮮炒飯係有蕃茄汁,有D青口,蝦同魷魚,我自己覺得呢個都好好食,可以一試 不過個拉麵就認真麻麻地,可能食既時候比較淋身,而且個湯完全係味精..好咸.. 不過個日好肚餓,D野一放低就係咁食,所以無影到相 推介美食: 鰻魚飯,西班牙海鮮炒飯
評分: 味道 4 環境 3 服務 3 衛生 4 抵食 3
|