過黎屯門，路經一間小店，見佢好四正。又是屯門友有推薦，小小餓既情況下，就黎立食少少嘢。
這間店，除了主力賣壽司刺身，也有一些食材可以在這裡買到。例如是好平的三文魚頭。老闆說，常常一有就好快清空。
如果開PARTY，可以跟老闆講預算及人頭，他們可以設計特別開PARTY的套餐給客人，想不到服務貼心。
店面雖不大，但也五臟俱全，有個立食區。點了兩個手卷，刺身，醫下個肚。
三文魚刺身肥美，劍魚刺身也是厚切，比一般壽司店更為抵食。而北寄貝刺身，也處理得好。無雪味，也不會令到刺身水水的。這是值得一讚的地方。

而手卷新鮮整起，也十分好食。

有見及此，我就買埋外賣返屋企嘆。
點了一個軟殼蟹反卷。份量很足﹐一盒八件！
軟殼蟹香脆鬆軟，入面仲有其他配料，而且包得實淨，唔會一咬就散。
因為食過手卷好食，所以再安哥軟殼手卷比屋企人食。

而重點推薦是這個8吋浦燒鰻魚丼！份量十足！
眾使是外賣，但鰻魚凍咗少少也依然好味，如果堂食應該仲正！大大塊鰻魚勁正，而且還是厚肉。燒汁充足，啱是愛食一族。



佢既套餐湯係麵豉湯，但唔好睇少佢。絕非粉沖泡的麵豉湯，而係魚味濃郁的魚湯底麵豉湯，自家煲的！真想問老闆，有無得額外買這個湯回家？

以這個小店價錢，食到這個水準，認真抵食！

無諗過，唔堂食，外賣自取都一樣咁好。LUNCH TIME，唔夠時間堂食，就去咗段純貞買外賣返去。 選擇好多，唔食牛都一樣有好嘢食。 叫咗個招牌牛肉麵，加咗個炸雞。 喜歡外賣包裝，比發泡膠更環保。
外賣回公司，一樣咁好食。
湯頭夠濃，牛腩都夠晒淋。外賣返公司，麵都唔會糊咗，夠晒彈牙。 鹽酥雞夠味同炸，值得一試。 想不到，外賣回公司，同事無即時食，都話KEEP到炸雞既脆度。
這是意料不及的事情。
朋友叫的餐，都話水準夠。雞絲夠足料，估唔到同樣好味。 流心蛋更是一絕！
以後外賣又多一個選擇啦~

昨天元旦很過千色匯，發現有新餐廳開張。門面幾靚仔。有種小清新的異國風情。見價位唔錯，入去試試。 不要被門口呃咗，轉角入去，其實有好大空間，入面差唔多坐滿咗人。很喜歡這裡的裝潢。而且坐位都好闊落，幾舒服。 我去既時間有點尷尬，是五點多，在想食下午茶還是晚餐好？但因為好肚餓，不如等晚餐時段好了。但眼見場內大家食著下午茶餐，好吸引哦~ 有啲款式出面比較少見一啲。同埋下午茶餐的價位都好抵食。下次要黎試個下午茶先。


呢度既餐牌設計都好靚。用上TIFFANY BLUE的設計，簡約舒適。 菜式款式都好多，但可能還是新開，所以未有好優惠的套餐，期望之後會推出啦。
俾大家睇下幾頁餐牌的內容。 飲品方面，叫咗個「百香水果茶」HK$22。

呢個飲品老公話都值得一讚，不會淡味，好夠濃味，同時真係有生果係入面。唔錯！ 因為大肚我唔飲得凍嘢，另一杯叫咗蜂蜜柚子茶。HK16~ 比出面個啲會濃味啲足料好多。有啲誠意~ 
日式醬燒原條特大厚切鰻魚飯
HK$198 呢個絕對係同價位入面，我食過咁多餐廳最大條既鰻魚飯！如果細食的朋友，絕對可以兩個人食一條。
老公自己一個都食到2/3就覺得好飽了！ 叫得厚切，等我俾大家望下個橫切面。隨手一切都有咁厚！無呃人喎！如果可以加醬汁就更好啦~~ 

熔岩拉絲芝士焗魚柳飯
HK$88


如果愛食芝士同白汁的朋友，不要錯過這一款。佢當真拎成舊芝士係你面前熱溶拉絲俾你食！
當然拉完既芝士要快手溝一溝啦。 你睇幾大舊勁香濃既芝士。 呢一邊係白汁個邊，就咁都拉到絲了！ 魚柳外層香脆，增加了口感。芝士不會過咸，咸香適中。
而飯也焗得十分熱！小心辣親啊~~ 
如果飯底有埋炒飯就更好啦~ 

約朋友食飯，當然想揀返啲大件抵食、份量多、又美味的地方。同時，環境都好重要！而呢間Westwood Carvery就好啱我哋啦～ 頭盤點咗呢個Fried Calamari。炸得勁鬆化，而且好彈牙，火喉控制得好好。而個醬，更加係畫龍點睛既地方，個汁好吸引、好惹味。作為頭盤，好開胃～ Steamed Fresh Mussels 係我每次必食之選！個青口雖然唔係太大隻，但就厚肉。個忌廉汁又係夠好味！唔會太油，又唔會咸，好好味～ 配埋麵包條點汁，仲正！ Slow Roasted Beef Short Rib
最愛食牛的我，很喜歡這個勁惹味而牛味濃郁。仲好有咬口。絕對係愛牛人仕首選～ Canadian Sea Urchin Carbonara 
朋友當中，有海膽迷，佢哋一試呢個Carbonara，就勁愛。海膽味濃，同時仲份量好足！因為份量大，唔好以為兩個人食得晒，一定要成班人Share啊～～

媽咪住港島，所以成日都會去銅鑼灣區打等。無意中搵到呢間「尚港味」，都係跟Openrice搵食搵到。見新開無耐，走黎試下。 很欣賞呢間店的心思，就連Openrice Account都講明係糖街入口會易搵啲。所以唔使點搵路就搵到黎。想不到這裡的裝修都高檔得多，位夠闊，坐得好舒服！
同店員一傾之下，先知係益新集團既新店，咁就一定有水準啦～～點了個七小碟前菜拼盤，貪佢乜都有，可以一次過試勻晒！ 當中不乏講得出有名的菜！有滷水蛋、雞絲粉皮等等。 見到有買一送一優惠，所以點了個荔枝冰跟龍眼冰，用的是梳打去沖，特別Fresh冰涼及舒服入喉。 呢度既Lunch Set當然要食燒味午餐！HK＄78就已經經包咗自選燒味、靚湯、仲可以揀飯、豌豆麵、四川豌豆麵，仲有糖水送添！
今次揀咗個燒鵝拼叉燒皇，都係呢度皇牌，當然唔可以錯過！

我就無揀飯，反而揀咗呢度既自家靚湯底既豌豆麵，就係鐘意佢夠特別，要試一試！呢度燒味水準真係一流！個燒鵝肥瘦適中，肉質十分嫩滑！ 而個叉燒皇必定要試！蜜味香濃，肉質鬆化而嫩滑非常，入口有種即溶的感覺！ 而個豌豆麵湯清甜而不會有味精，飲完成碗都唔會渴。個麵質幼細，很特別的麵條。 媽咪就點咗安格斯牛蕎麥麵，佢話佢未試過咁既配答喎。看得出安格斯牛份量好足！而且薄片得很，入口嫩滑。 個蕎麥麵夠晒彈牙，媽咪好鐘意食呢～～ 而每個午餐都有靚湯，今次係粉葛湯呢～～很好飲，很足料！ 甜品方面，有這一個南瓜露，也是出面少有。很喜歡其清甜而很舒服，飲完一碗不夠喉呢～～

很愛食鹽水雞，基本上一見到香港邊度有，都會走去試、走去食。 無意中行過D2 Place二期，就見到呢間阿土伯好多人食、好多人排隊。咁我當然唔執輸走去試。
佢既套餐都幾實惠，一人份都好多選擇。仲有餸可以揀，全都是我喜歡的餸！ 一人餐可以任揀五個菜（餸），啱晒啦～～ 我就揀咗胸加脾的一人餐，配菜有雞脾菇、芭樂、菠蘿即係鳳梨、雞翼尖等。另外因為未食早午餐，所以加咗個麵。 呢度既調味都有好幾款，我食返原味古早，仲有辣度都有幾款，我就食最少的辣度。呢度既雞肉好滑溜，而且一啲都唔肥，可以食到啖啖肉，而且雞肉味都好濃郁呢～～ 配菜方面，都好重手，五款配菜，滿足到心多多既香港人。而個辣度也是剛剛好，夠晒惹味呢～～  不要小看一人餐，加埋個麵份量真係好多，好飽架！ 當中配菜有埋芭樂，就更具台灣風味！絕對唔會就香港口味而無咗台灣味架。 平時唔太食胸既我，都會食埋，因為啲雞肉真係好好食。個鳳梨甜甜酸酸，食得出的新鮮！ 聽店員講，每日食材都堅持係新鮮開店前整，絕對唔馬虎架！ 另一大愛係茉香珍珠！在香港極難飲到茉香味咁濃的「原茶葉」沖泡的珍珠奶茶。呢一杯，絕對飲得出同一般既唔同。
後尾我仲黎買過兩三次半隻雞返去加餸添。食上癮！＾＾

一年總要黎上幾次泰海鮮，全因呢度既海鮮種類多！而且好鬼食！ 今次成班人黎，就係為咗呢個長腳蟹！好鬼大隻，勁生猛！ 刺身，今次食既係「花竹蝦刺身」，貪佢平時比較少地方有得得。呢度大約係一斤一両。可以加湯即時灼黎食又得！新鮮的花竹蝦鮮甜而且肉厚。不用花太多其他煮法，單單乜都唔點都已經好好味。師父刀工好好，挑腸去筋，食起上黎更加爽口。 每次黎必食的䒬蓉粉絲蒸元貝。黎親食都係極大元貝呢！HK＄15一隻的加工費，其實唔算貴啊。 十分厚肉，不要貪心食太多隻，小心好快就食飽哦～～ 阿拉斯加蟹兩食！今次先黎食上清蒸阿拉斯加長腳蟹。隻隻蟹腳都十分粗壯！ 成樽汽水咁大支！誇張吧！ 一剪開，蟹香飛撲，蟹肉鮮甜，肉質厚實，啖啖肉的感覺好滿足啊～～ 另一食，就係花雕蛋白蒸阿拉斯加長腳蟹蓋。以上兩款加埋加工費等都係HK＄488，真係超～～～抵食！ 十分喜歡師父只是微微用上花雕酒去吊一吊味。將蟹的鮮味一下子逼晒出黎。加上十分滑溜的蛋白，火喉控制得好好啊！ 食過幾款清一點的海鮮，然後轉食濃味一點的。薑蔥鮑魚！起花的鮑魚十分吸引，雖說濃味，但十分適中，食完不會很口干。而且鮑魚爽口彈牙。惹味非常！
豉椒蟶子皇配煎米粉底，個米粉底大家記得要加啊！只係加六十蚊，但食法却有兩食的感覺。而且米粉底煎到卜卜脆，與豉椒汁一起食簡直是一絕啊！

蟶子皇可不是普通Size，成隻筷子咁張！足料得很！
最後一定要飲上個海鮮湯！都只不過係每位HK＄18！但個湯有足料瀨尿蝦、雜魚、沙白蜆，仲有足料蕃茄薯仔！單看上圖湯料就知很足！ 個湯係鮮甜味十足！飲埋先覺得滿足啊～～

其實我哋一圍十人，食的海鮮唔止咁少！假日黎食，海鮮係關財記購買。埋單四千左右！平均一人只係HK＄400咋！好鬼抵食！飽到行唔到咁滯！

海鮮仲使乜去鯉魚門，黎泰海鮮試下啦！

想不到，以女性主題的餐廳會是這麽美。全是用上粉紅色的裝潢，少女感十足。 不要以為是女生主義，一定餐桌就是細細的。其實也可以有大把人食的長枱。 枱與枱之間比較闊落，很舒服呢～ 先黎點一杯菠蘿特飲，很清新。 就連餐具，也同樣是很Pink Pink哦～ 另一杯特飲應該用上蝶豆花吧？感覺很特別，會變色呢～～ 我們點的是Bossy Royal Set。三百多元，用上三層架式的設計上碟。

會有兩款湯、兩款Appetizer、一個Main Course同埋包類。 蟹肉牛油果蘋果青瓜沙律

很的色，而且青蘋果很清新。 凱撒沙律配漬溏心蛋玻璃杯沙律，用上玻璃杯設計，在薄薄的面包上就有咗一半的漬溏心蛋，感覺很創新。
將薄面包搗碎，溝勻埋個溏心蛋即可。 揀了Girl's 分享盤，即係每款精品小食都會有一點點。 首先是白酒醬烤雞翼。再黎就是米紙卷、沙律、法式薯條等等。多多心既女土們，揀呢款就最啱，樣樣都可以食到一啲！ 最喜歡係個薯條，既有蕃薯條也有薯條哦！ Main Course方面，有著Pizza　小小的份量，啱晒女仔哦～～ Paster 方面，揀咗海膽忌廉蟹肉意粉。一上枱很香呢～～ 海膽色澤不錯，新鮮惹味！ 由於醬汁好夠，溝勻後食，更加令人回味！

整體黎講，份量不是太多，但女仔黎講就夠晒。而飲品方面都比較大杯，很適合女仔黎食飯傾偈。

因為週年紀念，總是覺得要食餐好既慶祝一下！左搵右搵，想搵間無咁嘈，食飯又有啲特式既菜式餐廳，最後揀咗銅鑼灣既呢間法式私房菜。 呢度環境一流，又唔嘈，而且地點都算易搵。 熱愛生蠔，所以見到買一送一，不能不食！先黎食咗一款Scottish Rock，HK$88一隻，口感滑溜，唔會太重海水味。再黎第二款，都係HK$88一雙，叫Krystal，法國蠔，稍作濃味少少，口感會爽一啲。最後是GilladeauHK$98 一隻，也是我的最愛。 話明週年，當然要飲下酒先滿足得到。 呢度單係前菜既包款，就有四五款。最為特別的，係佢既醬，有香草茄子醬，以及辣肉腸南瓜醬呢～～～ 有啲中東Feel的醬料，但又出奇好食！ 款款面包都好好食呢～～Starter方面，很喜歡呢個好精緻的阿拉斯加皇帝蟹腳沙律配椰菜花慕絲。單是個樣就覺得好鬼靚！佢既皇帝蟹腳拆肉起絲，份量足量到爆！食起上黎啖啖蟹肉好滿足！而個底係椰菜花做成的慕絲，口感都好滑溜。 法國煙鴨胸牛油果蕃茄沙律酥皮塔，想不到做到一層層的感覺，食起黎更有層次感。一定要塔配酥皮一齊食，先有驚人效果哦～ 湯方面，點了這個鑽石蜆配煙肉菠菜忌廉湯。想不到蜆都幾足，蜆肉味既鮮與菠菜忌廉混合又有意想不到的效果呢～ 香煎北海道刺身帶子配黃金荷蘭醬，呢道也令我覺得很特刟。面頭係好似蛋黃醬的感覺。而當中的刺身帶子好厚肉，只是略略微煎，外軟內滑。 香煎法式鵝肝芝麻蘋果沙律配紅莓黑醋汁

說到食法國菜又點可以無咗鵝肝？呢度既鵝肝絕對係份量十足！ 睇下厚切後，幾厚的鵝肝？！而且油而不笠，食起上黎配上醬汁，更不會覺得滯。 食主菜前，食返個火龍果雪芭清一清味蕾，很Fresh！ 主菜是這個香煎深海海螯蝦配西班牙辣肉腸蕃茄意大利飯。個蝦好大隻呢～～而且蝦的鮮甜都入晒去個意大利飯入面。每粒飯都有海鮮的鮮甜味。大蝦肉質爽口非常！ 焗法國鵪鶉釀忌廉燴野菌黑松露薯蓉配百里香燒汁

第一次食呢種菜式，想不到鵪鶉原來係肉質淡味一點。不愛食太油或濃味白肉的人，應該會喜歡這一款。 因為係週年紀念，甜品上黎前，會寫上祝福字句。店員仲會幫你影相留念，十分貼心呢～～

作為好既老婆，知道老公愛辣、又愛打邊爐，就當然要搵搵新意思俾佢試。知道呢度係四川麻辣鍋，出名九宮格打邊爐。但因為全辣，我會小命不保。所以都係叫個鴛鴦穩陣啲。喜歡呢度既鴛鴦鍋，好特別，唔會咁易滾滾下變咗兩溝！XDDD 小心唔辣個邊，唔好跌咗去麻辣個邊就得啦！

中間，係大骨滋補湯底，出面係麻辣大紅鍋。咁樣鴛鴦法，都係HK$38一位。 呢度好細心，食辣前俾咗啲糖水俾你潤一潤喉先，咁就保咗個胃，無咁易出事！稻田毛肚 HK$108

呢度既牛柏葉，用返黑色，證明無去過色素，咁先係食返原汁原味！夠晒份量，而且好鬼爽口！ 特別嘢，仲有呢個牛骨髓！先HK$58份，但大碟得很！第一次食，都幾過癮喎！ 呢度既手打丸，HK$118份，但全人手手工打。粒粒爽口彈牙。而且鮮味十足！ 魚方面，唔記得朋友叫呢碟係咩？但我覺得似平時煮餸食既X皮魚。估唔到用黎打邊爐又幾滑溜喎。 圖中所見，仲有好多正嘢！EG。極品鵝腸、大刀牛肝、鮮黃喉等等！都係出面比較少見而且呢度又質素好好既打邊爐食材！而個四川麻辣湯底，又辣得好有層次、麻同辣都做得好好！都好抵黎試架！