稻香超級漁港 (沙田)

對稻香印象都幾好, 但今次真的扣晒分, 星期四諗住都多人食晚飯, 所以訂定位, 我哋5大1小(4歲)7點到達, 當時都未見滿座, 坐下10分鐘已9成滿, 椅背對椅背好近, 我媽話好似有$28條蒸魚, 睇紙冇, 問伙計話冇, 只有每位半隻燒乳鴿, 我媽話其他稻香有, 伙計再話冇.
後來我哋點咗瑤柱冬茸羮, 波羅咕嚕肉(得兩舊波羅), 孖寶: 蝦蟹肉炒西芹, 茄子炆班煵, 3隻燒乳鴒-送(4歲小童收到茶錢所以有半隻, 但d乳鴿好bb囉), 最激氣就係叫飯, 第一次同伙計講要4個白飯, 5分鐘都未到, 問另一位伙計, 佢話張咭冇寫到, 我哋張咭下面甜品欄寫4畫咩意思, 佢話落4個甜品囉, 我話唔係呀, 飯都未嚟食咩甜品呀, 個伙計再落單, 大大小小十張枱得一個侍應, 我哋飲完羮d碗又唔收, 為有疊高, 其他枱都一樣.
又過5分鐘, d餸都凍晒, 叫個侍應, 佢好似聽唔到咁, 又過2分鐘, 找到另一個侍應問, 再過2分鐘, 終於d飯煮好喇, d飯好煮得好爛, 我哋快快食完結帳走人.
**唔夠侍應就請人啦.

糖絲甜品屋 (屯門)

糖水好食咗好多, 芝麻糊最多人食, 湯丸都好好味, 夠晒大粒, 不過2月1號起加晒價, E個地方$13一碗芝麻糊就貴咗D囉.

松屋日本料理 (尖沙咀)

2月17日(星期日)我哋一行四人6點幾就到, 地方比以前大, 環境都OK, 侍應都幾多, 服務態度都OK, 刺身好新鮮, 串燒好好食, 特別係羊架同牛舌, 十分好味, 天婦羅都好食, 老闆重過來SALE紙上冇嘅食品, 重送咗一瓶清酒同一張六折咭(寫住六折優惠同有正嘢送)俾我哋, 十分有善, 飲品都有10款選擇, 芝麻雪糕最好味, 水準重保持好好.

珊瑚堡 (屯門)

9月26日(星期三), 我哋一家三口諗住去MX打邊爐點知冇位, 咪去咗珊瑚堡食, 我哋都食過幾次, 但今次食得好唔開心, 問侍應攞張BB椅都要問幾次先有攞到, 叫侍應落單, 整喺見D侍應好似好忙, 行來行去, 原來落單只得兩個侍應, 落單果個侍應一D禮貌都冇, 請問又冇, 多謝又冇, 只講咗句鬆皮面要加10蚊, 就走開. 我哋都知鬆皮湯要等10至15分鐘, 但個湯剛剛到, 主菜就跟住到, 都唔知食得邊樣好, 重有唔知廚師係咪趕時間收工, 個鬆皮面好似焗得唔夠, 主菜都未食就問我哋飲咩餐茶, 好似要趕人走咁, 個個侍應都面黑黑, 食得真係好唔開心呀.

聚豪閣 (葵芳)

9月23日(星期日), 我媽媽生日擺咗兩圍, 訂咗個套餐$2988全包宴, 菜式都OK, 但個翅就好鹽, 我哋叫位經理嚟試試, 佢就拎咗一碗入去廚房俾大廚試, 其他都OK, 重好大碟, 後來經理重送咗兩個生果盤, 都算係咁.