Qee 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2020-07-03
見到呢排咁多人收藏呢間食店,仔細一睇原來餐牌上嘅菜式有半價,而且仲有避風塘炒蟹!立即book位試一試。 平日嘅7pm去到去已經爆場,強烈建議一定要訂位先好去,如果唔係喺門口有排等。 點左一客避風塘炒蟹、XO醬炒白鱔(有配蜜糖豆)、炒魚翅同兩碗白粥($12@),除咗炒魚翅味道比較一般之外,其餘兩道菜都好好味!蟹多肉好鮮甜,白鱔肉質又彈牙,推薦大家試下。 不過杯青檸梳打冇乜味⋯好似齋梳打水咁⋯大家可以試吓叫其他嘢飲。 推介美食: 避風塘香辣蟹
評分: 味道 4 環境 4 服務 3 衛生 3 抵食 5
2013-05-25
第一次Lunch time時間幫襯, 見到門口貼左下午茶餐同午餐的Menu 唔知道係新設定係我之前行過沒留意呢? 完全唔需要等位, 男友叫左上海粗炒, 我就食上海排骨菜飯 菜飯套餐$45包凍飲及2個生煎包, 旺角黎講有質素的午餐算好經濟呢! 生煎包一直由舊店幫襯開每次都有點, 舊肉無咩肥肉, 又多湯汁, 生煎的底又唔會過硬 但最估唔到原來個排骨先最好味....外面有層甜甜地的汁, 唔似出面快餐店d咁多油! 上海粗炒都睇得出比其他店有心, 起碼唔係得d肉碎, 菜同肉條的量係fair的 平時食開夜晚只有車仔麵形式的米線食, 如果夜晚都有keep呢幾款野食就good la! 題外話/補充資料: 店主用左好大位置做廚房及內部位置, 所以好少位jar, 但都唔算坐得迫, 每台之間仲有空位推介美食: 生煎包,小籠包,上海排骨菜飯
評分: 味道 5 環境 5 服務 5 衛生 5 抵食 5
2013-05-14
用餐時間入座前講明得1.5小時,坐好後點了豬扒及魚扒套餐,再加個炸海鮮藍,頭盤來了溫泉蛋及焗芝士帶子(定青口?因吾係我食無咩印象),味道吾錯,好食。 頭盤碟快速被收起後餐湯及包送到,揀了雜菌湯,比起一年前情人節食的那次差多了,可能全部打碎熔曬啦…好似一pat pat感覺的湯。 豬扒及魚扒到後食左三份一就放棄了,豬肉是太硬,魚有部入透透地似未熟曬。 由於女待應係傾計其間多次打亂我地黎收碟,無隱下埋單走人。離開後先發現無上甜品比我地…
評分: 味道 1 環境 4 服務 2 衛生 3 抵食 1
2012-09-12
同男友共叫左2野主食加1個小食 本身想叫竹筒飯, 但叫到台面既食具咁DIRTY....都直覺覺得佢個竹筒唔方乾淨.... 唸住保守D叫個魯肉飯, 點知最快黎到....一食落口, 一陣苦味....... 連阿X麵線既快食魯肉飯都好過佢多多聲 完全食唔落..... 男友叫的牛肉片麵....唔算難食, 因為係完係無味的, 根本食完都分唔到係咩野味 小食-皮蛋豆腐......唔洗估啦..... 皮蛋果陣味完全cover曬所有野.......... 未食完就埋單, 去左SOGO樓下買小食醫肚了!
評分: 味道 1 環境 1 服務 1 衛生 1 抵食 1
2012-09-12
呢一世人食過最難食既一餐, 超級難食, 十級難忘 07年幫襯佢到依家12年, 越食越貴唔在講, 越黎越難食就真係要講下 今日去到, 9點幾3個人一齊食餐晚飯 環境暗到MENU都睇唔到, 又嘈, D餐具又唔乾淨 叫WAITER永遠要舉到隻手軟曬先會有人理你 有D直頭直行直過當見唔到我隻手 叫完野食....我叫左個三文魚扒+薯仔沙律 男友叫左個日式豬扒蛋包飯 友人叫左個燒羊架 我果個薯仔沙律變左硬過樹皮的薯條 日式豬扒蛋包飯變左係蛋汁溝飯.....超難食.... 朋友的羊架要半熟, 黎左全熟....仲硬過石頭..... 呢餐之後以後都唔會再去! 以佢平均$120一個餐既價錢我相信係旺角區一把好野食
評分: 味道 1 環境 1 服務 1 衛生 1 抵食 1
|