難得到大澳遊玩怎可以不試試大澳名物大澳炭燒雞蛋仔。

即叫即做，一攞上手熱辣辣的，吃下去皮很脆很薄，入面剛剛熟軟綿綿的。

一到步店內已經非常多人，有些是因看了報導慕名而來有些則是附近工作或居住的街坊。
好不容易才找到座位，這裏的裝修與一般茶餐廳無異。

來到這裏常然要試一試奶茶，點了雪菜肉絲炆米加凍奶茶。

先來的是凍奶茶，奶味十分濃但並沒有蓋過茶味，茶亦沒有那種苦味。

但雪菜肉絲炆米吃落就很甜，米粉很碎。

奶茶了得，得其他食物有待改善。

今天是星期一加上已經book了枱不需要等可以就坐了。
看了餐牌選了鮮魷通菜，姜蔥牛肉煲，生炒上肉排，蓮藕餅，鬼馬牛肉加上已預訂的八寶鴨和冬瓜盅應差不多了。
等齊人就上菜了，這裏的上菜速度真是快得驚人，由叫上菜到全部的菜到齊才不到15分鐘。

冬瓜盅(需預訂)︰份量十足，六人吃每人可吃到三碗左右。材料有火鴨、帶子、鮮蝦等。味道清甜，有淡淡的冬瓜香。
八寶鴨(需預訂)︰先把蓮子、栗子、咸蛋黃等餡料放入鴨內再以上湯炆至糜爛。只要用匙羹便可輕易劏開。鴨肉一點都不硬但吃落就有一點干。餡料十分入味。
鮮魷通菜︰鮮魷爽口，蝦醬味濃。
生炒上肉排︰看上來與咕嚕肉相差無幾。吃落粒粒都是骨，味道與咕嚕肉一樣。
姜蔥牛肉煲︰牛肉太咸，只有吃牛肉的感覺但沒有牛肉味也吃不到蔥香。
鬼馬牛肉︰油炸鬼+馬蹄+牛肉。如姜蔥牛肉煲般牛肉太咸，但馬蹄得甜。
蓮藕餅︰十分香口，吃到一粒粒的蓮藕粒口感豐富。
雖然這裏的侍應都是比較年長，但服務依然很好，一見我地想再由冬瓜盅取湯都主動上前協助，吃完的菜很快己有人來收碟。

見唔少雜誌，報紙都介紹過呢間嘢就同friend去試下。
一去到就見到唔少人係度排緊隊。
雖然間嘢入面都有唔少職員係度做野，但由買飛到攞到杯薯條都要等差唔多三個字。
今次試既係肉醬+芝士薯條($33，+$5[無限氣水])，一攞到好熱，聞落好香芝士味。
食落好香口，加埋少少煙肉粒味道十分不錯。

食到咁上下，D芝士開始凝結，食到杯底D"痴"滿芝士既薯條就有點咸。

份量不太多，三十幾蚊真係有D貴，行過不妨一試。

同老豆個日行過見間鋪入面都幾多人就去試下。
行入去已經覺得D枱放得太密，一坐低好窄，不太舒服。
見佢既二人套餐唔太啱食，就叫兩個面餐試下。
我丫爸就食担担豬排面($35)，一見到D太多花生醬，睇到就唔開胃，不太好食。
我就食"九菜"水餃面($32)，個水餃"九菜"味都幾香，但個湯就淡到好似水咁。
小籠包($2X/4隻)，都叫有D湯汁，不太差。
鍋貼($22/4隻)，都是以"九菜"作主要成份，幾香"九菜"味，都叫過得去吧。

PS:六點後要加一。

星期六同朋友一齊嚟興祝生日,去到大全街都重要少少時間去搵間鋪,因為間野幾隠蔽下.
入到去,第一個感覺就係似茶樓,因為好吵.燈光好暗下.
間鋪唔係好大,大約有十張枱到,如果要去食就一定要book枱,唔係都唔知等到幾時(因入到去見D空枱會部都已經俾人book晒).
睇menu都幾辛苦因為燈光太暗.
落完單就試下杯水(因為見佢為JAR都係薄荷葉),嘩!!!! 一飲落去好似牙"糕"咁,真恐怖
等左個零字到D食物開始上枱

七味辣炸雞亦: 因為我唔食辣所以冇食到,聽D friend 講一d都唔辣,但就幾香口下
炸魚薯條: D炸魚同薯條都好"翠",好好食
肉醬焗薯皮肉醬好夠味,食得出真係焗過,好好食
黑松露菌芝士夾心比薩*: 之士味超濃,因我不太喜歡之士所以覺得嘛嘛,鐘意之士既朋友必試
金船長至尊比薩*:同pizza hut 食既差唔多係個餅底唔夠薄"翠"
焗葡汁雞皇飯*雞焗得好香,但D飯就"爛"左少少
車仔意粉(墨魚意粉+之士汁+煙三文魚)*:味道不錯,份量很少,一個人食都未必夠
心太軟︰個人唔係太鐘意黑朱古力，所以覺得嘛嘛(呢個甜品要等成半個鐘)
蘋果批︰好香蘋味，好好食
泡芙︰D cream 好滑好香，好食

服務好好，加水超快，會教埋你食pizza

*可以加$20 upgrade 做餐(包湯,包及熱飲)，加$40(包湯,包及特飲)

成日經過見到蔡生都去過,因平時太多人而有試過
今日(星期日)經過竟然唔算多人,一去到已經有位.
一入到去坐左成兩個幾字先有人嚟同我地開茶,張點心紙唔算好多野食(比其他茶樓既點心數目為少),之後問佢有冇蘿白丸(想試好耐),點知佢話冇,有點失望.

乳味牛栢叶:一睇賣相同平時食開既姜蔥牛栢叶一樣,食落都幾"好咬口"(比出面一般茶樓做得更差)
客家茶果: "微"豆味好香,好好食
素粉卷:個粉皮好有咬口,D素亦都夠味,十分不錯
竹笙素腸粉:同普通茶樓差唔多,味道一般
時菜牛肉炒河:牛肉味不足,D河粉真係炒過,幾好食
之後就埋單走人,平均一人$70 在天水圍已經很貴了.

之後就買左隻鹽焗雞($108)返屋企.
晚飯食既時候發覺得雞肉比較諗(個人比較喜歡),D肉好入味唔點其他調味都好好食,點沙姜食就有另一種風味(一樣咁好食),而且隻雞都好大隻,好多肉食.不時四個人食白切雞(同隻鹽焗雞size差不多)一餐最多半隻,今次兩個人都差唔多可以食晒隻雞.

*D菜名可能與實際有些許偏差.

星期五晚與朋友慕名而來, 八點零鐘鋪內不算擁迫,等了數分鐘便有位了
因第一次嚟,所以想睇下個menu先落單,點知個伙計已經企左係隔離問我地食D乜,其實睇嚟都冇用因為佢全日都係得三個餐,最後我地所有人都叫左常餐.
落完單都唔知有冇一分鐘個叉燒通粉已經到左,食落同普通茶餐廳的差不多.
之後個炒蛋,火腿同多士都, 一食塊火腿是凍的,個炒蛋既蛋味都幾濃但就咸左D, 因為個日喉嚨痛所以個多士冇烘到,所以食唔出有乜特別.
食完野就寫野飲,熱奶茶唔係好夠熱,奶味同茶都幾濃,算是合格
個人認為$28(凍飲+$2,杯野唔係大熱飲好多) 唔算太抵.
由入去到走都只不過係十五分鐘.

伙計服務就真係....... 佢會企係你隔離不斷吹你落單
最搞笑係佢唔當你係客, 我地一行五人寫野飲個時,個伙計竟然話你叫先,之後到你,...... =_=|| 有種返左小學既感覺

環境與普通茶餐廳差不多,只是座位比較迫,等位時間比較長.
次次嚟都係食粟米魚塊(煙肉汁), 呢度既魚同出面做法一樣都係上粉去炸,但佢粉既厚度岩岩好,唔會好似大部份茶餐廰咁D粉厚到好似食緊炸粉而唔係魚. 而且的魚好夠味的,加埋個汁真係完美.
聽聞D燒味亦相當不錯,下次再去一定要試下.
服務就可以接受(茶餐廳JA)

阿媽放假，同佢出元朗行下。
搵緊食乜嘢下午茶之際就咁啱見到呢間嘢，見佢門口裝修得好靚就走入去試下。
因為嗰日係閒日(星期四，約兩點三)唔算好多人等位，等左三個零字就有位，一上到去話個裝修真係幾華麗。
埋位坐低等左成個字都冇人埋嚟開茶(可能今日係閒日掛)。
之後睇下點心紙有乜食，都算幾多，除左平時係茶樓冇既嘢之外重有泰式甜品、日式壽司、京滬美食。
等左約三個字D嘢嚟啦。
首先係鳳爪排骨飯(係下午茶特價個menu上面，$9.8)，好細碗，見到其他人嗰D好大碗，原來係點心紙上有另一個鳳爪排骨飯(大點，$14)，但係份量絶對唔止兩倍。
XO醬炒腸粉($25)，好正，好夠味，係多油左少少姐。
小籠包，皮薄，咬落去重有肉汁流出嚟好正。
窩貼，煎得唔係好夠，但入面一樣有好多汁，相當不錯。
菜肉生煎包，咬落好多汁好好食。
元貝香茜餃及山竹牛肉球都十分出色。