阿土伯鹽水雞 (觀塘)

去親台灣都會去夜市食鹽水雞😎，個種味道真係食幾多都唔會厭🤣，係香港🇭🇰有時都想過下口癮，會特登去葵廣食鹽水雞，今次就近近地去食阿土伯鹽水雞，發現水準差咗，而且份量都少咗🥸

❣️全隻雞餐 $150 +$8撈麵
今次揀左一隻雞嘅份量，發現真係少咗好多🥸，喺葵廣嗰間鹽水雞係會有2大盒嘅份量，而呢度係1大盒加1小盒，而且價錢唔平🤷🏻‍♀️，呢個餐可以揀6種配菜，今次就揀咗豬耳、玉米筍、甜不辣、百頁豆腐、鴨腎、杏鮑菇🤓，仲加錢要咗個撈麵，調味要咗原味，係有椒鹽味加少少辣味，都幾惹味😆，配料首推杏鮑菇、百頁豆腐同甜不辣，可以吸到較多味道，雞肉口感就較嚡，質素較之前差咗🫣


👅好味度：7.5（10分滿分）
無論味道定份量都比之前差咗，好懷念台灣風味嘅鹽水雞🤪 ，而且價錢較進取，葵廣另一牌子嘅鹽水雞較為食得過🤪

梅窩麻糬王 (北角)

近期周街開咗好多間賣麻糬波波嘅店舖🤓，呢間梅窩麻糬王就係其中一間，而且開咗好多間分店，呢日經過油麻地好景，竟然都開咗間，仲要唔使排隊🤪，咁梗係要買番兩袋啦，麻糬有原味、朱古力味、紫菜肉鬆味同雙重芝士味，除左原味$25/6粒，其他都係$35/6粒😆

❣️朱古力味麻糬波波$35/6粒
呢間麻糬波波嘅特色就係比起其他店舖做得更加煙煙韌韌，特別推介朱古力味，味道濃郁，好似食咗成排朱古力咁🍫

❣️雙重芝士味麻糬波波$35/6粒
芝士味香濃🧀，如果再焗返嚟食會更加好味，凍食芝士味冇咁出🤓


🏦是次消費總額 $70


👅好味度：8.5（10分滿分）
呢間麻糬王十分推介，首推朱古力味麻糬波波，其次芝士同紫菜肉鬆都好味，好景呢間梅窩麻糬王反而比較少人排隊，所以經過成日都會買到，有時新鮮出爐熱辣辣，$35仲可以揀2隻口味，推介👍🏻

KiKi麵店 (中環)

去台灣都會買Kiki麵帶返香港🤭，但如果係香港門市食都係第一次🤣，咁啱去完AIA嘉年華，就一於去試下😁，餐廳位置唔多，今次被安排坐Bar枱位，就有啲迫🥸

❣️KiKi全日套餐 $148
📍原湯紅燒牛肉麵 （微辣）
湯底尚算濃厚，紅燒牛肉夠腍夠入味😎，但略嫌麵底過腍🤨，破壞咗KiKi麵嘅口感🤷🏻‍♀️

📍煙燻無骨鳳爪
無骨鳳爪啖啖肉，但煙熏味欠缺🤔只有普通鹹鹹地嘅味道🥸

📍凍Kiki烤茶加芝士海鹽奶蓋 +$6
茶底好濃，但略嫌芝士海鹽奶蓋唔夠濃厚，有啲唔滿足😆

❣️KiKi全日套餐 $148
📍香蔥鵝油雞拌麵
香蔥配雞呢個組合冇得輸👍🏻，雞肉好嫩滑，但鵝油味唔突出，麵底都係有啲腍，但好過湯煮嘅🤷🏻‍♀️

📍涼拌皮蛋豆腐
冇咩特別，一般味道🤔


📍凍Kiki烤茶加芝士海鹽奶蓋 +$6
茶底好濃，但略嫌芝士海鹽奶蓋唔夠濃厚，有啲唔滿足😆


🏦是次消費總額 $308（人均消費 $154）


👅好味度：7.5（10分滿分）
餐廳主打KiKi麵，但反而配料有驚喜😆，KiKi麵都唔夠自己煮得好食🤭，破壞咗佢個招牌🤓

但馬屋 (葵芳)

新嘅一年㊗️大家身體健康 ❤️想事成，放假最好做咩，梗係打邊爐啦🤓，今次再去幫襯但馬屋，餐廳提供唔同款式嘅牛為主打，今次就揀咗午市90分鐘嘅放題😃

❣️日本產黑毛和牛放題套餐 $319加一


📍湯底
有5款湯底俾大家揀，今次就揀左甘露鍋，即係甜豉油湯底，味道甜過壽喜燒，初初食還可以，但會越食越甜😅

📍肉類
今次揀咗食貴少少嘅餐🤪，咁就可以試埋平過呢個餐嘅肉，呢個餐除左可以食日本🇯🇵黑毛和牛之外，仲可以食埋澳洲長期穀飼牛、嚴選牛肉同埋丹麥皇冠豚肉😎，特別要提每一次嚟到嘅牛質素都唔係好一樣，真係睇彩數🤣，日本黑毛和牛睇落去油脂分佈好平均，但食落反而牛味唔太重🤷🏻‍♀️，而澳洲榖飼牛嘅牛味反而好濃，豚肉都正常發揮，所以下次可以揀番個平餐食好啦🤪

📍自助Bar
有醬料、丸、菜、野飲、生果同雪糕任食，雪糕係Häagen-Dazs任你𢳂🤣，火鍋配料最特別係有紫蘿蔔、新鮮羽衣甘藍同埋花生芽🤓


🏦是次消費總額 $1403.6（人均消費 $350.9）
🍴須加一服務費


👅好味度：8（10分滿分）
牛肉質素唔差，不過每一次真係睇彩數，除非真係好想食日本🇯🇵牛，唔係嘅話揀番$219澳洲長期穀飼牛餐仲抵食啲😆

東源小食店 (長洲)

嚟到長洲，唔係唔食大魚蛋同芒果糯米糍呀🤓，半年冇嚟，原來物價貴到咁🤣，想當年我仲食緊$10一串大魚蛋🤪

❣️大魚蛋 $13
揀左燒汁同沙爹汁，魚蛋冇以前咁彈牙，兩隻汁竟然味道差唔多🥸，食真啲先分得出🤣🤣

❣️芒果糯米糍 $16
Size比之前係細隻咗，芒果算清甜，糯米皮仍然保持到咁薄😎，但望住日落食又確係奢侈啲😅


❣️貓山王榴槤糯米糍 $25
如果唔講，唔會覺得食緊貓山王榴槤，只係普通榴槤味道，呢個價錢有啲唔值🥸


🏦是次消費總額 $99


👅好味度：7.5（10分滿分）
嚟長洲食芒果糯米糍同大魚蛋，就好似去聽Twins演唱會咁，唔好預計個質素好好，只係食個回憶同風味啫🤣🤣