一行五人訂左呢間餐廳慶生，個幾星期黎之前睇open rice 見到雖然係新餐廳（有new restaurant 個logo ），但已經有廿個like，好似不錯甘，但食完後，完全唔明點解佢值得「係兩星期內暴升多接近三十個讚」現在已經四十幾個！好啦！就當每人口味不一，都係講翻自己既親身經歷先！

星期六繁忙時間去到，七半坐到十點，都不滿座，約只有五成客！完全不用訂位。聽到侍應生講，十點半後可以飲野，可能d like係飲野客俾啦？

但餐廳格局完全無bar feel ，只有一小行對住街既位 ，有高凳，唔講我不會知呢度可以齋飲野。其他完全好平價西餐廳格局

重點！味道一般！令到我成年無動筆寫食評，都要評論一下！

講翻食物！叫左兩個套餐，小吃一口牛，一個豬肋骨配薯條

套餐有一個牛油果三文魚焗飯
一個龍蝦意粉
跟湯和沙律

睇到之前既食評，有個話焗飯值100分，我食完，r爆頭都唔明點解值100，完全就似普通三四十元新森林個d焗飯only

龍蝦意粉叫做ok d， 真係有啖啖肉！

一口芝士都不錯，作為小食份量ok，味道不錯既，一口牛，配蛋，係凍左d囉！

到左我最想講既豬肋骨，盛惠二百幾元，價錢合理既（如果係正常水準既話），見到第一眼覺得正囉！
味道方面，無一個朋友話好味！勁多肥膏！好好好「鞋」！下面既薯條少得黎，淋晒！

套餐配藍莓芝士蛋糕，
真係好「的色」囉！感覺係一個正常size 既cheese cake 切左一半上碟甘！（見圖）

要再加三十八元，才轉到心太軟，哇！望下個樣！令我想起⋯⋯⋯⋯點解可以整得甘樣衰？！

成餐飯唯一好既係d服務不錯下囉！

成餐飯九百左右，人均消費百幾蚊確實唔貴，
但我深信各位吃貨情願俾多少少，食好味d

試過幾次，次次都叫單併！個魚蛋係長洲個隻大大魚蛋，今次試埋佢隻獨家紫菜蟹柳卷

我本來叫既魚蛋麻辣四川粉，盛惠$37
我叫左雙併，加$8，蟹柳卷得兩小塊， 加$8得兩塊野

味道方面，夠麻！唔會得個辣字！所以呢點不錯下
辣叫左小辣！湯裡面既配菜都係芽菜為主

料唔夠，唔係好抵食，寧願食番譚仔

同朋友諗去邊食飯，意外揾到呢間餐廳，好有驚喜！如果鐘意音樂既朋友，極力推介你一試！但如果想同朋友傾下計，可以在非星期六的日子黎。因為音樂都幾大聲下，同朋友講野真係要嗌！今次同十世無見既朋友星期六來，太多野要講，食完餐飯，喉嚨嗌到有啲沙 訂左枱不用排隊等位，餐廳比較細，建議訂左位先黎！ 二人行叫左羊架同Risotto 羊架可以跟飯，意粉，薯菜(注：不是薯條，而是薯蓉) 我都以為係薯條，不過薯蓉味道都不錯下，彌補到我食唔到薯條既失望！ 羊架只係$88, 但有三大舊！份量十足之餘，羊架非常juicy ，味道不錯！

Risotto 就比較失色少少，我覺得飯冧左啲，同埋無乜味。

呢間餐廳價錢合，又有live band 欣賞，這個星期六非常完美！好期待下一次黎再次欣賞另一隊組合或揾到相類似既餐廳呀！大家有好介紹嗎？

食過幾次尖咀既BLT Burger, 今次行開銅鑼灣，朋友話想食漢堡，就黎銅鑼灣時代樓下呢間BLT

叫左兩個combo, 一個係BLT, 另一個係Australian steak 個餐會包薯條同埋一杯野飲，如果加$28,  可轉奶昔。於是我就點左Berry Me , 確實不錯下！大大舊雪糕係裡面，足料莓味，無淡某某

但係最期待既漢堡唔得呢 點唔得？簡單黎講，我覺得兩隻漢堡既味係完全一樣………甘已經好足夠解釋點解話唔好味。仲有就係話明要Medium 嫁嘛！點解全熟嫁？？！ 個餐轉左薯格，不用加錢！

仲有點好就係服務囉！除左一開始不停催人落單，其後都ok , 不停幫人加水。晏啲無人既關係，坐左好奈，都人理，仲會繼續加水！不錯！！ 下次想再食漢堡，都會試其他小店，不會再到BLT

今日要去港大上堂，但仲有時間，於是同同學食餐好既先！之前想試Tivo 好奈，今日終於有機會



兩個人叫左一個沙律，一個羊 1. Pear Salad 神速上菜，賣相確實不錯下！梨都好甜，雪過凍凍底更清新。可是，我同朋友都唔知下面有舊紅色野係乜………

2. 羊架 (細份) 叫左細份，但都有三舊喎，唔知大份有幾多舊呢 其實我覺得羊有啲鞋，所以我覺得一般般，再黎都唔會再試 薯條係另加既伴碟，份量就夠，但黑松露味不足，好像齋食緊原味薯條咋

呢度既環境不錯下！地方好大，但無happy hour優惠 每人叫杯cocktail，我個杯係Aqua Queen，味道一般, 像raspberry juice 但無乜味，好淡！ 其實定價都唔平，埋單$550

嘩！好奈無寫食評！ 係時候出番山 弟弟牛一，唔想再食中菜同日本菜，於是擇韓食 去到金巴利街逐間擇，被呢間既"全日免加一"吸引左！ 餐廳超細！搭枱係必然的！
[IMG:6 ]
奉送既小食數量少左啲喎！隔離枱一個人黎食又一盤，我們有三條友，呢碟野完全係唔夠分，

上菜速度都幾快下！ 1. 烤雞肉 份量幾大碟下！味道不錯添 一點都唔un又唔鞋，食完想試埋牛，但好彩無叫，因為三個人叫四樣野，原來已經飽到上心口

2. 香辣年糕 人多實唔夠分，年糕好煙in ， 好惹味，唔係喪辣個隻 裡面仲有腐皮同肉，滾埋年糕一齊食，口感更佳 (阿媽起碼講左幾次食唔落，但係佢仲可以逐條逐條係度清晒啲年糕)
3. 炸醬面 炸醬面係我每次食韓食(非韓燒)時，都會叫既。可是今次呢個非常失望 我弟弟以前未試過，食左一啖就唔食， 成碗係我和老媽子清 (主要係我) 平時我有得獨食當然開心，呢次就……………… 碗野無乜味甘，好淡某某
4. 韓式煎餅 味道不錯下，仲有好多舊下 香口，鬆脆，值得一試
三個人埋單$327, 算係甘！因為星期四又七點前到，都無乜人，不用等位！地方較擠迫，連放袋既空間都乜。如果大家不介意座位舒唔舒服，想速食一餐韓食，可以一試啊！

飲品一向唔會差得去邊，叫左杯廿蚊芋香珍珠奶茶少冰！正路！

但最慘係每一次去個女收銀員都係度禁電話。尋日同今日都去左買野飲，兩次都係度禁禁禁！有人企係度排隊都唔知。

每樣野都要同佢個兩次，例如：飲咩野，要印花，要袋(錢都拎埋出黎放在枱上) 完全唔俾反應你
之後買野個位阿生同樣遭遇，講買咩飲都要講兩次

阿姐！你老闆請你回來唔係叫你禁電話嫁！

Happy Friday 係尖咀覓食，之前係銅鑼灣試過呢間覺得唔錯，八點半去碰下運氣睇下有無位，前面得只有一張枱，但就等左半個鐘，不過星期五時分，又有朋友一齊吹下水係度等，感覺都好點！
排隊期間已經睇中個二人餐。有四款主菜擇，我地四個都擇左肉眼排。前菜有薯仔沙律同忌廉雜菌湯。前菜好正，薯仔好足份量，食完加埋碗湯都飽飽地唔係講笑！湯好濃味，值得推介。主菜肉眼排比較遜色，我叫medium rare，佢上枱個陣都叫得到佢係傳說中既medium rare嫁，但食落完全well done!!一點都無誇！份量係大，但無味呢！好像咬緊一舊烚肉咁....
我第一次食排食唔晒！套餐包茶或咖啡一杯，juice加$10
下次都係叫番一些米型意粉同燴飯好像穩陣點。今次食物方面一般，但勝在新店夠大夠寬敞，無限時食又唔多人食，唔洗排長籠，都覺得ok，如果下次搵唔到位會再黎！

雖然今天是星期一，但都沒有想過甘少人，這里不是經常等位的嗎？我們上去先看一下餐牌，站在門口的服務員很有耐心的講解和介紹食物，抵讃！
地方都算OK大，無限時！枱凳好有特色，好像去左班房甘！

我地兩個叫左一個海膽gnocci。其實gnocci我食過好多次，但佢中文叫乜呢？我都講唔出！亦形容唔到俾朋友聽，佢決定問職員。職員答佢係麵粉磋細左一粒粒既，我覺得呢個形容唔錯，但始終無個中文名俾佢。
呢道野喪咸！咸到我第二日都記得陣味！鐘意清淡點既人最好唔好叫，對於重口味既我黎講，當然接受到啦！第二道真係好特別，係炸雞egg benedict！正！食完會有人送上牙簽，同問你野食點樣！最後！係埋單前會送上兩片橙俾你，但不是普通兩片橙，而係煙煙un un，甜甜的，好像過年d糕點甘既口感 

終於可以試到little vegas
一直都知呢間野價廉物美，但係就要等好奈好奈好奈好奈。我唔係一個為左食唔等得既人，但為左呢間等兩個鐘就唔係好值
所以今日happy Friday 一收工就衝過黎，店方一定要齊人先俾入座，因為限時個半鐘食。佢一開始話二人枱仲有位，叫我等埋朋友先。點知等左五分鐘，佢對另一個客人講，二人枱淨番一張。我即刻話要左先，反正我朋友係樓下差唔多到，否則我甘早到唔係要我等兩個鐘呀化？好彩聽到佢話得番一張枱咋！
餐廳比想像中細好多，唔怪得要等甘奈！但佈置得都幾有特色。每張枱上都有一杯糖，任食！睇落好colorful好開心我地叫左一個豬肋骨配薯條
其實我覺得好一般！小食雞翼
雞翼有三隻味：玫瑰、檸檬、香蔥(原味)
係玫瑰味特別少少！我叫左strawberry rose smoothie！唔錯！一入口已經好重玫瑰味。不過重點係我朋友杯水果茶，哇！個size……. 應該係二人份量，但睇相睇唔出！之後先見到遠處兩個女仔share緊一杯！我朋友就不停喪飲飲晒！Overall黎講，其實呢間餐廳非常普通，服務唔錯，職員態度殷勤，但絕對係唔值得等兩個鐘。