群芳 (路氹城)

2016年除夕去左澳門倒數，搵黎搵去見呢間咁多評語都應該唔差，又有生蠔又有長腳蟹，咁就book左去食喇，除夕收費兩個人計埋加一大約$1100蚊，但係質素就我覺得值係只值一半~

先講啲長腳蟹同生蠔丫海鮮盤，見到啲人連排都無排，食buffet黎講係比較少見，因為一啲都唔新鮮~ 係無味得黎陣味好怪~ 失望！

再講肉類，有烤牛豬火雞羊肉咁，只有得牛好味，但估佢唔到八點半開波，九點半就無哂牛囉~ 無 Refill 嘅！失望

面包，沙律，就正常選擇，無乜特別

中菜入面，例如菜得一款，魚得一款，另有一條烤三文魚，味道差又肉酸，食左啲豬手呢個不錯夠入味

湯飯，有個龍蝦湯飯可以食，呢個我覺得好味，唯一有鮮味既食物，我排左兩次食。

甜品賣相太差，無食~ 同行朋友有食不過都係三個字評價，唔好食。

生果有四款，想食下西瓜啫，西瓜都無 refill 架唔好意思，食到十點咋喎！轉左出提子，啲提子係好多粒爛都照放出黎~ 無眼睇了

最後有一個人人都派既所謂龍蝦包，入面有一小件龍蝦件，呢件Ok，係有鮮味同好味，跟住有啲無味蝦夾埋一齊~

成晚食左少少野，行第二轉已經無乜選擇，首先少選擇，二來難食，三來無refill，如果佢價錢唔係呢個我唔會專登出個食評黎咁講群芳，唔係話佢好貴，或者想俾少少錢食好多好野，而係呢間野真係唔值一個人五百幾蚊~

建議佢唔好呃人啦~ 啲海鮮如果唔想俾好野個客不如執左個海鮮吧，你整好啲餸仲好啦~

亞利咖喱屋 (西灣)

澳門朋友介紹, 果然無介紹錯! 不錯! 有美景有美食~

食前同食後都係西環影左好多相, 望住個觀景塔, 幾浪漫..

先order了

- 蝸牛湯, 第一次食蝸牛, 好似有點殘忍, 但朋友介紹要必點...
- 牛油椰菜, 好好味, 所以叫左2碟
- 沙癲魚, 好味, 又容易食, 怕骨ge我都照食~
- 咖喱炒蟹, 個殼超超超硬.. 食到牙都痛, 好彩都好味ge, 如果隻蟹冇咁硬就100分了!

建議4人以前先黎呢度食, 2人就不太浪漫了

老三火鍋 (長沙灣)

之前已訂枱, 14人, 分左4ROUND落ORDER, 第1張單等左好耐都未黎, 原來漏左單~ 但都好快上到~

叫左2個湯底, 1個係鴨, 1個係健康什菌菇 (因為有素食者在場)~
先講講個鴨湯先, 的而且確好似煲湯咁好飲, 我地係咁飲飲飲~

個健康什菌菇湯就正正常常啦~

最主要係我覺得食材方便唔算好味, 亦唔抵食, 所以食一次就OK啦~
唔會再食多次~

靚煲皇 (大角咀)

是日慶祝朋友生日, 共10位
由於會自己帶紅酒同蛋糕, 因為呢度冇收其他費用所以就黎呢間啦~

食物質素非常.......一般, 沒有任何一款令你覺得新鮮好味的食材, 其中

"響呤" 好似自己屋企打邊爐買果d一盒盒咁, 一d都唔脆口

"牛肉" 本人不吃牛肉, 但眼見佢塊塊牛肉都切到鬼死咁薄, 仲自稱入口即溶, 朋友話 薄到食落無感覺~ 總係覺得唔抵

''湯底" 豬骨煲, 個煲好細好淺, 好似都放唔到d乜落去, 味道正常LOR

其他食物都係一般啦.. 相信自己屋企打邊爐都好味過佢

仲有我一坐低時反轉D碗筷黎睇~ eee 有隻蚊呢埋左係入面, 仲要個碗唔乾淨的

除開每位HKD$220 太貴了~

生記粥麵 (油麻地)

是日一個人去食, 一入店鋪, 明明有好多單丁位, 佢都唔俾坐, 話要排隊喎, 又唔派飛~
我係第一個等, 我等左5分鐘入鋪, 咁諗住單丁位唔俾坐應該我對面唔會有人坐啦, 即係唔駛搭枱, 但實情我坐定左, 又成班男人坐入黎, 咁做咩要我企係門口等5分鐘呢?!


算吧~ 我話咁我轉個位吧..我轉左去個女仔枱坐正佢對面..
開始落order, 瘦肉! 無~~~ 魚片! 無~~~ 之後仲要係咁迫我問我要唔要一碗有蛋ge, 頭先整多左, 我話唔要, 佢再問, 唔要, 佢再問, 想點啫?! 之後叫人又唔理人, 係咁話等等先等等先~ 隔離枱個個人碗粥食完個小食都未黎... 咁ge服務態度真係......超低分!!

我平時都係求求其其坐低食野快食快閃~

我真係第一次嬲嬲地走人吖~ 浪費我排隊果五分鐘!!