好失望

汀汀烤活魚 (旺角)

汀汀啱啱開張時去食過一次，當時覺得味道較佐敦&紅墈淡，但勝在地方稍大，坐得也較舒服。於是相約朋友再去食。

半條不連尾麻辣烤鯇魚（中辣）：見唔到有辣椒浮係面，根本試唔出有辣同麻的感覺，於是叫服務員加辣，服務員個樣都幾唔耐煩咁。條魚D肉好霉，根本就唔新鮮，咁細一條魚，我哋三個人居然食唔晒！！淨返一半，係香港食D咁唔新鮮嘅魚都算係少有啦，真係要俾個強字俾呢間店。

1碟蒜泥白肉 ：肉好嚡，D蒜泥汁超級少

1碟酸菜：上到來即時後悔，係嗰種潮州無葉甜酸菜，呢個只可以怪自己當時無睇清楚個水牌，好多食過川菜嘅人都知，呢類邊爐一定要有葉嗰種酸菜先至啱。

1串烤韮菜：酸酸哋，朋友話好似落咗醋來烤咁樣，可能係佢呢間獨創啩，恕我不懂欣賞

嗌咗兩樣配菜，都係D素菜類，呢個就無得評論啦，淨可以話新鮮囉。

呢間店D嘢份量少，服務差，質素更差！居然用雪魚，唔係呢一下我都費事係度講。至於味道就見人見智，每個人嘅喜好都唔同，還定對於我來講就一般。總之以味道和質素仲有份量來計，同佐敦&紅墈呢兩間爭得太遠，價錢都貴少少。唯一就係個位坐得較舒服D。