食得是肥 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2010-10-06
呢間小店開左冇幾日,前幾日上openrice都未有資料,仲諗住可以做第一個寫食評既人添... 門口派傳單既員工話新張期內減$5,本身又好炸炸野,見裝修都幾企理,望落乾淨,而且炸物即刻炸,起碼唔怕腸胃炎先。即管一試。 先讚:原味炸雞係真係即炸既,算幾脆口,而且唔油,證明有吸過油先交俾客,值得一讚。 後彈:坦白講,個人意見:正價$18炸雞(大:~5-6件),同區而然,會覺得貴左D...但減$5就一試無妨。而且味道普通,冇咩吸引力,同普通炸雞塊無咩分別... 如果唔係呢個價錢,我會當零食再幫襯,但正價$18真係貴左少少... 建議小店看看有咩辦法improve下...
評分: 味道 3 環境 3 服務 3 衛生 4 抵食 3
2010-08-15
本來想簡簡單單一餐,麥奀記聽得多,從未到訪。 心目中最好吃既雲吞麵係元朗老字號,佐敦都可以。 雲吞麵底: 梘水味重,立立地,唔夠爽。 同行話「可能有人鐘意食重梘水味呢」,都可能係,但於我就唔係。 湯底: 好似冇乜大地魚味,與上一位評價既食友一樣,胡椒味重得有點蹌口,不過不失。 雲吞: 屬一般貨色,已比麵質好,豬肉和蝦味略嫌不足。 結論: 冇預計到會這樣,走訪唔同老字號雲吞麵鋪都唔會話好失望,獨獨係呢間。 Come up到可能性:就係呢個鋪位係租,唔係自己擁有既。要交貴租時,就要降低質素,可惜可惜..... $30元一碗,可一試,但個人認為有少少辜負左「老字號」呢個招牌。 PS:期五晚飯時間,入面共只有兩台客,而同街其他食肆都滿了七八成。
評分: 味道 2 環境 3 服務 3 衛生 3 抵食 2
2010-08-12
愛辣一向都算係小眾人士,看看身邊朋友同事,每六個先大概有一個比較食得辣。 但呢間小店子,午市坐無虛席,初頭仲以為大家都開始鐘意食辣野,終於搵日外賣番公司食,原來都係空歡喜,質素同我想像差一截。 酸辣粉+口水雞午餐=$45(外賣自取價) 酸辣粉: 質地似烏冬(唔煙un),基本上係冇保寧醋味,一d都唔酸 (比較)可取之處: 份量都夠,冇咩辣油係面,又冇咩味精,食完唔太口渴。 口水雞: 雞味幾好,但唔好當係四川牌辣既口水雞。 結論: 全店食物係調到唔食得辣既人都食得。 如果唔食得辣既朋友,因味道淡,唔會好濃,而且價錢平(lunch),一試無妨。 如果係食得辣/想食正宗四川口味既朋友,都係去其他吧啦...(當滿江紅執笠之後,都係prefer過海去九龍吧) 雖然好近公司,但我就唔會番兜。(我係愛辣人士) (註:樓面得二人,lunch當然無得送外賣。)
評分: 味道 3 環境 3 服務 3 衛生 3 抵食 3
2010-05-04
上星期落大雨個日黎晚飯。 常常覺得旺角冇乜好粥吃,先達後面富記其實幾好,不過實在太麻甩,環境衛生又麻麻,最多外賣番屋企,。 次次行過勝利道都想試下才叔。 友人一聽到「才叔粥鋪」個名咁古舊,本來唔想黎,以為係d舊式粥店,話:「落雨濕席席好污糟」。但我記得行過才叔都幾企理乾淨,所以最後都黎試。 我地偏好食D好綿既粥(富記做到,但味精有D重手),才叔就唔算好綿,但都好吃,好似冇咩味精咁噃。 一碗生滾雞粥$25:生滾雞粥就普通啦,雞算多,但味道就一般 一碗瘦肉碎牛粥(唔記得$20定$25):反而瘦肉粥咸咸香香,好好味,而且好足料,食完都幾滿足。 一隻咸肉糭:幾好味,肥肉一小舊,食落軟綿綿,幾好。 一隻煎堆,牛利酥:油器就普普通通 想食粥時都會諗下才叔。
評分: 味道 4 環境 4 服務 3 衛生 4 抵食 4
|