呢間小店開左冇幾日，前幾日上openrice都未有資料，仲諗住可以做第一個寫食評既人添...

門口派傳單既員工話新張期內減$5，本身又好炸炸野，見裝修都幾企理，望落乾淨，而且炸物即刻炸，起碼唔怕腸胃炎先。即管一試。

先讚：原味炸雞係真係即炸既，算幾脆口，而且唔油，證明有吸過油先交俾客，值得一讚。

後彈：坦白講，個人意見：正價$18炸雞(大：~5-6件)，同區而然，會覺得貴左D...但減$5就一試無妨。而且味道普通，冇咩吸引力，同普通炸雞塊無咩分別...
如果唔係呢個價錢，我會當零食再幫襯，但正價$18真係貴左少少...

建議小店看看有咩辦法improve下...

本來想簡簡單單一餐，麥奀記聽得多，從未到訪。
心目中最好吃既雲吞麵係元朗老字號，佐敦都可以。

雲吞麵底：
梘水味重，立立地，唔夠爽。
同行話「可能有人鐘意食重梘水味呢」，都可能係，但於我就唔係。

湯底：
好似冇乜大地魚味，與上一位評價既食友一樣，胡椒味重得有點蹌口，不過不失。

雲吞：
屬一般貨色，已比麵質好，豬肉和蝦味略嫌不足。

結論：
冇預計到會這樣，走訪唔同老字號雲吞麵鋪都唔會話好失望，獨獨係呢間。
Come up到可能性：就係呢個鋪位係租，唔係自己擁有既。要交貴租時，就要降低質素，可惜可惜.....
$30元一碗，可一試，但個人認為有少少辜負左「老字號」呢個招牌。

PS：期五晚飯時間，入面共只有兩台客，而同街其他食肆都滿了七八成。

愛辣一向都算係小眾人士，看看身邊朋友同事，每六個先大概有一個比較食得辣。

但呢間小店子，午市坐無虛席，初頭仲以為大家都開始鐘意食辣野，終於搵日外賣番公司食，原來都係空歡喜，質素同我想像差一截。

酸辣粉+口水雞午餐＝$45（外賣自取價）

酸辣粉：
質地似烏冬（唔煙un），基本上係冇保寧醋味，一d都唔酸
（比較）可取之處：
份量都夠，冇咩辣油係面，又冇咩味精，食完唔太口渴。

口水雞：
雞味幾好，但唔好當係四川牌辣既口水雞。

結論：
全店食物係調到唔食得辣既人都食得。
如果唔食得辣既朋友，因味道淡，唔會好濃，而且價錢平（lunch），一試無妨。
如果係食得辣／想食正宗四川口味既朋友，都係去其他吧啦...（當滿江紅執笠之後，都係prefer過海去九龍吧）

雖然好近公司，但我就唔會番兜。（我係愛辣人士）
（註：樓面得二人，lunch當然無得送外賣。）

上星期落大雨個日黎晚飯。

常常覺得旺角冇乜好粥吃，先達後面富記其實幾好，不過實在太麻甩，環境衛生又麻麻，最多外賣番屋企，。

次次行過勝利道都想試下才叔。
友人一聽到「才叔粥鋪」個名咁古舊，本來唔想黎，以為係d舊式粥店，話：「落雨濕席席好污糟」。但我記得行過才叔都幾企理乾淨，所以最後都黎試。

我地偏好食D好綿既粥（富記做到，但味精有D重手），才叔就唔算好綿，但都好吃，好似冇咩味精咁噃。

一碗生滾雞粥$25：生滾雞粥就普通啦，雞算多，但味道就一般
一碗瘦肉碎牛粥（唔記得$20定$25）：反而瘦肉粥咸咸香香，好好味，而且好足料，食完都幾滿足。
一隻咸肉糭：幾好味，肥肉一小舊，食落軟綿綿，幾好。
一隻煎堆，牛利酥：油器就普普通通

想食粥時都會諗下才叔。

兩人，吃左烤牛湯檬，牛肉比較un，檬粉比較少，湯冇咩味。
同咖哩雞撈檬（我成日覺得咖哩撈檬係非常古怪既），好唔ok，d咖哩冇咩得d色水。

價錢頗貴，冇套餐供應，加飲品要散叫，一碗湯檬近$40，加飲品要$50多元
而且食物質素麻麻，同區還有不少選擇，所以不會回頭定了。

成日都會外買番屋企慢慢食，
不過間鋪紅左之後份量小左DD，可接受既；
最衰呢D食物冇咩益，次次食完都非常口渴。
為健康著想，小食多滋味

P.S　魚蛋唔好食！

天天從火車站返家都唔知有間咁既麵檔。

係花園街兩側，俾攤檔遮住。

外賣個胡椒豬肚麵$21。
麵幾好味，滑嘟嘟，湯幾濃香。
份量比較小，下次再食要加多樣野先夠。

價錢便宜，都幾抵食。
吃罷後冇感覺到好口渴，幾好。

服務ok既，應該係家庭式經營，個老闆娘幾有禮貌，但僅限於多謝同拜拜，仲有d overwhelming 。不過年紀大些少個位老人家就串串地咁，少少惡。都可接受既。
食物，我同媽媽兩個人去食。
佢食牛丸喇沙 （大概$40），我叫左一碗招牌蝦麵（$45），我確實…食完係唔夠飽既。
不過我媽胃口細，食完岩岩好。
我都知星馬食物份量偏小，而味道都係一般，唔突出：油麵底加2塊蝦2塊肉骨2塊豆卜左右。
係太子區，at this price，加咁既質素，我就會expect多d囉。
希望店主方面改善下啦，調低個價，或提昇質素，俾多d誠意自然吸引到客人
問我，我就應該唔會番轉頭喇。
總括而言：份量小，價錢略貴，唔太抵食，同區有更多選擇。
如果想試星馬食物，都不妨一試，但唔好有太大expectation

舊年暑假又係成日食，貪佢又平又好味，又好似幾健康咁。

依家明顯份量小左，價錢貴左，而最重要係：味精多左好多好多．．．

一向最好味係：墨魚卷攦粉，蘿蔔糕（以往經常買一細底回家食）

但最近幾個月，分別試左五，六次，每次都食既時候，心底裡都會嘆聲「唉」，因為依家真係，超級、非常、極之多味精。

自問對味精唔太敏感，但都可以一路食一路「渴喉」，尤其係蘿蔔糕！
雖然佢仲係軟綿綿幾好食，但實在多得過份，難以入口了...

不值一試喇......好可惜。

住係附近，真係成日食，一個星期起碼1-2次，主要食韮菜餃。

水準一向都好穩定，但呢輪好似個湯底有時會稀左d；d韮菜餃韮菜又少左d，變得冇咁香；仲有排連附送既辣椒包都少左！不過大部份時候都唔會咁既。

成日食因為方便又健康，冇味精（應該），次次連湯都飲埋。
我估主要街坊多，其實係太子站行過黎都好快，不過就要特登黎囉，一定好味過弼街間八方雲集。

（PS，煎餃係好香好好味，但我見佢用好多油，仲係大火用植物油煎，有反式脂肪呀！
所以自己通常買生餃回家自己煎！）