雞腸夠鮮夠肥，輕輕一灼，點秘制黑醬油
軟滑爽脆，油潤肥美，
湯面有O的雞油，碗面油光閃閃，
啖湯都潤口帶咸鮮
冬菇隻隻都好厚肉，煮得好林滑
間野食左都好多次,每次都食得好滿意!
真係山長水遠都黎支持小店!

午餐選擇非常多，價錢中上綫
有個128SET 已經有好多選擇,
飯可選葱吞拿魚丼,滑蛋豬扒丼,親子丼等
小食有炸雞或唔記得係咩......
又有鲭魚或唔記得係咩......
再配前菜,烏冬,湯,茶碗蒸
真係128都幾抵食，你當每樣都係30-40，質素都係中上
咁既數量選擇再加埋質素，個價錢係值既前菜係冷意粉混沙律醬加蔬菜，未食過冷意粉當前菜，幾得意
茶碗蒸－通常都係碗底加左白果，但加白果我覺得有種苦澀味同茶碗蒸既上湯蛋味唔Match
呢度碗底係加左百合，微甜溶入口中，同上湯蛋好match
鲭魚....128o個次係ok，有次我黎單點鲭魚set，咸到我訓左係度。。。
南蠻炸雞－他他汁加炸雞，上檯係已經凍凍地，或者熱的話會把他他汁變做水同油，
個味就麻麻又酸又甜，係咕嚕肉就熱上。。。雞都幾滑
葱吞拿魚丼－呢個值得推介一下，隻生蛋汁加埋o的肥拖羅蓉,入口非常滑
滑得黎唔係O個種核凸口感，味道唔腥，其實我食Doraya 都覺得有O的腥同口感滑核凸
但呢度碗葱吞拿魚丼可以再幫襯！

一星期黎左三次食晏，
完全唔駛等位，咁既價錢同質素，比多o的人發掘，真係遲早爆場
食過豬扒，豬柳同可樂餅，
豬柳同可樂餅SET 都係50蚊，豬扒都88蚊,另加一
椰菜任添配沙律醬汁，幾好
呢度個炸皮非常鬆脆，完全唔『杉』口，整得好過丼吉添
可樂餅甜左少少，薯蓉味同口感都不足，太CREAMY

丼吉我覺得豬柳好食過豬扒
呢度就調返轉，豬扒好食過豬柳
豬柳係嚡O的，但50蚊有成個SET 加咁既質素都係抵既！
豬扒塊扒係似銀座梅林，每塊都係有一個位係肥膏，肉汁都好多
食落非常Juicy，淨計豬扒，呢度好食過丼吉 (但呢度未試蠔同蝦)
第三次去時，仲話賣晒，先搞到我食左豬柳同可樂餅

service 方面就麻麻，o的侍應都係好green，椰菜同茶都唔識自動波幫客人refil
第二次去時，唔知係落漏單定排位錯，
旁邊檯客遲過我入黎同落單，上菜都快過我，問完佢之後，都要等左成45分鐘
我同同事話：睇黎佢想午市新增個綠菜＋椰菜任食套餐。。。搵我地試下work 唔work
我地飲茶食菜都真係飽飽地。。。呢個套餐真係work
店家可以考慮下

湯底叫左椰子雞同四川麻辣
一開始四川麻辣個味唔夠勁，唔麻又唔辣，辣度仲弱過一般既胡椒豬肚
不過煲左一個鐘後真係又麻又辣，令到本先食緊既人覺得辣而停手
隔離檯個胡椒豬肚好香係咁飄過黎！下次要試一試
椰子雞就等左好耐，隻雞真係幾大隻夠足料，但湯底係清淡，不過越煲越甜，或者都係落得配料多

牛肉真係正，切蝴蝶雙飛，唔會太薄，厚度剛好
灼幾秒有牛脂香滑又有牛味，真係滿足！
o的墨丸、雲吞、水餃都好正！
墨丸有混入新鮮切粒墨魚，食落真係非一般，豐富好多，比人感覺無混粉
雲吞落得夠多蝦，蝦肉有o的爽口亦有o的林身，但都幾好
水餃o的木耳好爽！整出黎好新鮮，唔似放過夜～
o的水餃同雲吞皮都睇得出軟身，唔係擺好耐～係咪即整就唔知～

o的油炸鬼浸左一陣都幾脆@@ 到底點整架呢？　
佢又唔似係炸到死硬浸少少水變左脆既感覺
有隻魚肚包墨魚膠幾得意，但墨魚膠個比例真係足料過頭．．．

上烏冬、公仔麵有比個大勺真係唔錯~夠貼心方便！
員工夠笑容，無忙碌而黑面～
檯與檯之間空位夠！雖然多人去或者會坐逼少少，但夠位的

有水準～會再黎！

我好鐘意食盬味拉麵,因為有雞湯鮮味吊一吊真係好正
熱辣辣加少少香辛料胡椒, 咸鮮辣~

丸玉拉麵
話係白雞骨湯正宗拉麵......
我地食左佢個招牌拉麵,要唔辣
覺得湯底加辣應該係煲時加料煲,
如果係同一個湯底分辣同唔辣,加辣係後期加工都唔會好得去邊
試原味就ok~o的配菜真係好高分
尤其原隻糖心蛋! 我咬少少蛋白,再輕輕用筷子一夾,o的蛋黃真係湧出黎
o的蛋又有強烈蛋香同甜味~正！麵係幼麵~有少少硬度~ok~

湯就真係失敗.....死咸無雞既鮮味......

埋單時,老闆問我意見.....佢話我可能食唔慣白雞骨湯......
行街成日都經過呢間店,真係無乜人......完全唔駛排隊
做拉麵~煲湯真係要加把勁
鳥華真係做到好似平時中式雞湯有膠質同雞湯鮮味,
呢度唔得sorry

建議轉賣糖心蛋,糖心茶葉蛋我覺得會大賣.....

單拖無野做，專程過海黎食呢碗麵！都算值得
隔離間酒店o的客人企晒出黎唔係排隊架，
我差o的以為佢地都係排隊.....想轉身走
前面有13個人~等左40分鐘就入得
入到去o的吧位有o的一蘭feel 考試拉麵
大家專心各食各，
我點左最後一碗青龍
豬骨湯＋菠菜汁，配料有蟹肉碎,蟹柳,露筍,半隻糖心蛋,叉燒同栗米,仲有少少魚子醬

食拉麵先講個湯！
豬骨湯+菠菜汁, 飲到豬骨湯味帶少少菠菜既青甜味
或者我係最後一個青龍,所以落晒佢所有剩餘既菠菜汁,好似落得多左,有o的益住豬骨湯味
但係咁樣飲唔到豬骨湯煲到有少少膠感既濃厚味
下次都係叫普通既~睇下佢豬骨湯得唔得
但都屬於高質既拉麵店 (只係睇大家咁高評分,緊係set 高個標準)

配料~糖心蛋唔夠流心,邊位真係熟到變左淡黃味, 有蛋香但唔強烈又唔甜
叉燒~做得好,有肥,食落口夠化
魚子醬齋食有o的咸, 配o的蟹肉碎就好正~咸香鮮

總括黎講, 高質素~
下次再黎試過豬骨湯真味

o岩o岩食完好時沙嗲，仲有人話唔夠飽。
知道呢度新開，又有咖央多，就黎試試！咖啡有淡奶同甜奶(煉奶)比你揀
上面深色o的係煉奶，下面淡色係淡奶
煉奶就唔駛加糖，淡奶就落單時幫你普通定少甜
我地叫左少甜都幾甜，仲甜過杯煉奶，新加坡人都係食開濃味。
都幾滑幾香，飲得杯落，個人鐘意甜奶。咖央多，都合格，但唔係出色，
多士面少脆，咖央有蛋香少椰香亦唔夠強，牛油見到形未溶，即係o岩o岩整！
如果多士可以再熱o的同脆o的，外脆內軟就正囉！豉油胡椒粉半熟蛋，
蛋白似凝未凝，蛋黃流心有蛋香，gd~

鐵板燒好似有四五種SET，應該由480 至 1280左右
最貴都係材料靚O的~日本和牛、特大帆立貝等~
本人對和牛麻麻，其實油脂豐腴再加幾條筋就會令和牛變成香口膠
頭一兩咬真係香口，再咬兩下係feel到比強勁油脂蓋住既少少牛味，
最後體積減少八成既香口膠～吐......
都係鐘意有咬勁有牛味既牛@@
越咬越有牛味，o的筋唔會加埋o的油軟到咬唔開，可以照吞～
肉味油香加咬感真係feel到有隻威猛無比強而有力既鬥牛係口入面撞緊！正！前菜：
賣相擺碟雖然對比壽司就平平無奇，但優雅
涼拌菠菜、豆腐－清爽、調味一流濃淡適中
汁煮飽魚－軟熟有咬勁，慢慢滲出飽魚味
（有個好開始）壽司：
左右鵝肝－溫身，鵝油未凝，香口，好
和牛－薄切，燒過入口即溶，有油香有肉味，第一次食和牛壽司！正！刺身三點：
分咩魚我比較弱，之後有問過鐵板燒師傅，但佢無睇到我食，所以話唔到我知@@
應該係獅魚、池魚同唔知咩魚
都新鮮爽口，唔會驚為天人煮物：
洋蔥牛油銀鱈魚
UM....咁樣煮都係唔滑, 未見出色但都係好
洋蔥焗過，但時間適中，爽口入味香甜
師傅話個汁可以煮一O的其他餸都好食～淡味，但爽口新鮮，技術好，無煮過火，嫩滑！
落海鹽＋ 胡椒更勾出個鮮味就無人知，因為已經煮左。
呢個做法我都好接受中途有沙律同鐵板雜菜！
清一清之前既油膩，幾好既餐單排列，
平時鐵板燒o的炒菜都好油！
一來師傳落得多油，
二來鐵板清洗唔乾淨，有之前餸菜既油，
就更有油味更扣分，
呢度就無疑問地合格，
進場時，見到塊鐵板都唔似一般店既黑～和牛：
師傳細心切割邊位脂肪炒香脆，留和牛脂肪做炒飯
雖然油脂多，但過火都會老，再比個讚師傅既功夫。
叫左龍力sake
師傳放係鐵板邊位溫住，仲會睇杯幫我地斟！服務酒店級！
不過我鐘意飲時溫口更順口甘味。倒入杯冷了反而唔好，都係自己黎啦！其實食一個set 都飽到唔識郁......
但師傅話個鵝肝都有名=.= 我緊係唔會帶住遺憾咁走啦！
雖然唔知幾多錢，但反正50%off 緊係叫埋啦！
我以為師傅叫兩份，
原來呢度係一份既份量，多到你估唔到～
以為睇單應該都要500或以上～
但結果係300再半價！抵食！
未煎鵝肝上面白色糊狀物係木薯定山芋，
本來係揀木薯或法包！
師傅見我地個樣咁猶豫驚一失足成千古恨，
為免我地跳崖自盡，送埋法包比我地XD
木薯餅外脆內軟又煙韌，Good try！
師傳話鵝肝係要慢火煎先會再脆內軟，最後再大火就脆面，
個汗係鵝油＋燒汁整成接近燶既焦糖～考功夫之作！

完美的一晚~難怪笑面比率奇高，果然事出必有因！

３點半開始，門口都有O的人等緊入場，
入到去都有9成坐人，tea buffet 真係唔預Walk-in 客，
最鐘意係tea buffet 比既錢唔多，
但可試試水平同有閒情試各種雜食，唔駛淨食海鮮！
有興趣請訂位！不過黎得呢O的地方都會訂位

首要都係巡視業務，沙律吧：三四種菜蕃茄仔等係偏少選擇

日式吧：魚生有三四種八瓜魚、劍魚腩、三文魚等刺身睇落幾新鮮，
食落都唔錯，但三文魚唔夠肥
另外有蕎麥麵同幾種壽司，都係麻麻，蕎麥麵煮耐左林左O的！
壽司舊飯起晒角。。。部壓壽司飯機真係衰過O的連鎖壽司店.....

熟食區：選擇少，得八盤。。。 牛肉醬螺絲粉，我覺得ＯＫ，友人覺得林左
蔬菜既炸春卷或其他類別都頗咸。。。
蜂巢餃子，幾脆幾咸幾香口～唔錯～賣相外觀非常好！
不過O的醋勁左O的，有O的(嗱)喉
有蒸點心，o的澄皮都蒸到林，餡偏咸，但食落有幾種蔬菜有口感，不過唔建議食haha

麵檔：有丸有菜，麵有四種，食左粗麵，湯有清湯同豬骨，
都OK啦～不過不失

特色檔：即制印度烤餅＋兩種咖喱豆醬，無試過，不過賣相吸引甜品檔：重點所在.....我都試左八成， Cheese cake, tiramisu味道對板！都好食
其餘有o的中式甜點, 都係各式酥餅包蓮蓉豆蓉，勁膩，但味道唔錯
有個小碗形白式面應該係蛋奶紅豆，呢個正！少甜夠香～
另外有朱古力泡芺同幾種由士多啤梨＋吉士配幾種西式餅皮，都係咁啦～
雪糕有十幾種味唔知係咪自制，好過Dreyer's 差過haagen dazs 少少 都幾正～
有自助toppings 增加趣味！有芒果糯米飯～芒果幾甜～椰汁糯米飯太甜同蒸糯米飯唔夠透有o的硬！
切生果O個位應該係我既某位朋友.....
無論係中國蘋果定日本富士蘋果,都係用二刀流
呢種二刀流唔係兩把刀,係對目標淨係切兩刀
O的生果大舊到放唔到入口......經自己加工後,生果係甜既~幾好食！

最後，食物無放牌，所以無名
收碟唔夠快，或者係我坐角位難睇到，
吸引到我既食物款式唔多，真係試過下就轉食甜品了！
熱盤食完會轉o的花款。如果出煎魚，真係唔好食，好咸，熟到過火位，唔係用唔滑黎形容，係鞋。。