pandalikeseating 等級1 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-12-01
其實坊間興起的「譚仔熱」我真的不太明白為何可以持續這麼久。我不是說譚仔不好吃,但真的不夠突出。 最令體驗一間麵食店其功夫的一定是個湯底。好似我兩年前食過譚仔,個酸辣湯底真係太過清淡、淡而無味。酸味就只純粹得個酸字,絕對唔會吸引你食落去。而我當日係叫個豬腩肉米線,啲豬腩肉白雪雪,都係冇黎味道。至於米線就真係好普通一個米線=_=(我喺荃灣分店食既) 聽講譚仔個土匪雞翼好似好出名,所以我都有叫黎食(已經係幾年前,唔知宜家仲有冇賣)(我喺尖沙咀分店食既)。等待時間長不在話下,而且上枱之後發出陣陣怪味道,好像腋下的臭。食落又咸又重味,根本不知道有甚麼好吃。而且職員多之落單都落錯了 ,改了三次,最終來的東西都不是我原本叫的。 為求公平,我在雲桂香叫返同一款麵---「酸辣豬腩肉米線」,我選擇左小辣。 啲豬腩肉醃得好soft好入味,咬落都好有肉汁。最起碼最基本係啲似係有顏色的,代表醃製過。 一碗都麵溫度好緊要,如果等候時間過長會直接影響客人的食慾。我入到間鋪入面其實坐滿曬人,我開頭都係要搭枱。在咁多人的情況下,都可出菜出得咁快,五至七分鐘內就有得食,值得一讚。 個湯係濃的,應該有用到特別的材料淆製。 酸同辣都分別配合得好好,個湯的香味係聞到會食指大動的,唔會好似某啲餐廳個湯聞落一係太酸、一係太辣,十分剌鼻。 至於米線煮得剛剛好,唔會一夾就斷開曬。而且個米線係唔會冇味(出面有好多食肆得湯有味,麵冇味。),成碗酸辣豬腩肉米線、不論湯、麵、肉都甚至係上菜時間都配合得好好,可算是「色、香、味」俱全。 當我睇menu果陣都有好奇,冇湯既米線係點既,所以都另外叫多左個熱伴米線。配料我叫咗肉醬同蘿蔔。 我開頭以為熱伴米線會幾乾,但個肉醬可以補充返個肉汁。個配料白蘿蔔唔會有筋,香甜多汁。伴碟的花生粒粒香脆,生炒的香味好濃郁。加埋滑滑的米線一齊食,一種有對比既口感令我食得好愉快! 除此之外,伴碟的酸菜都幾加分,配合埋鹽鹽地既花生、甜甜地既蘿蔔、辣辣地既肉醬…每種味道都有少少,但又唔會互相搶味。最出人意表既係冇湯底的米粉都會唔「確喉」,唔會口乾,所有碗中的食身物都唔會冇味。 我記得大約半年前,雲桂香係有一隻叫「QQ麵」既麵叫,但係宜家就冇左。QQ麵個質地好特別,係扁意粉咁扁,但係就冇咁硬。當時我真係好鍾意叫呢種麵黎食,但係可惜直家冇左:<。 另外仲有一種紅薯粉,其實就似蒟蒻,但我覺得冇咁索味同比較難夾,但QQ麵真係好入味,希望餐廳可以考慮入返QQ麵。 小建議: 1)麵的份量應該可以俾客人選擇,少麵、多麵或正常。因為啲米線真係太多啦,一般食量既女仔應該食唔曬。例如少麵可以減$5,多麵可以加$5。 2)入返QQ麵,因為真係好味。 推介美食: 熱拌肉醬蘿蔔米線,小鍋豬腩肉米線
評分: 味道 4 環境 3 服務 3 衛生 3 抵食 4
2014-11-24
年頭時候同朋友黎食過Gin Sai的 蟹餐,大家都覺得唔錯,上兩星期大家講開不約而同決定今次再黎食,結果都冇令我地失望。 今次的蟹餐記憶上好似同上次有啲唔同,前菜presentation好大陣象,小木架上放上涼拌的wasabi jelly毛蟹肉,上面有海膽,底下有菜,而廚師好有心機用冰盛住個木架仔,keep住冰涼感覺。我地最欣賞的係wasabi 啫哩但唔刺鼻,清新得黎能吊出蟹肉的甜味,令成道菜好好美味。而蟹肉同海膽都好足料,放到成個木架滿曬 ><。 之後黎個熱的鱈場蟹茶碗蒸,雖然菜式普通,但蒸蛋都好軟滑,面頭加兩條蟹肉,不過不失! 燒鱈場蟹腳賣相好精美,遠遠上菜時已嗅到香氣。我地好奇問侍應果一條放在蟹腳上面係咩,原來係炸香了的稻穗,食落米通感覺很像,好似pop corn咁好香好好食。而蟹腳燒起之後唔會太乾身,好鮮甜,蟹腳很粗,唔似出面果啲咁「瘦」。好開心宜家仲有咁真材實料的餐廳。 呢度的天婦羅逐件炸該件出,製作好認真,每件蟹肉天婦羅都新鮮滾熱辣,唔會放入口之後成口油。而且我好喜歡佢其中一件紫蘇葉包住蟹肉,紫蘚葉葉香同蟹肉好夾,非常之清新,但又唔會蓋過蟹本身個甜味,正正正! 我地好奇上網查八寸點解,原來係雜錦咁解,呢個名係的碓冇改錯,一大盤豐富又色彩班爛的蟹雜錦,成盤共三種蟹,兩人份量即共有六碟一同上,畫面好壯觀呀! 我地不斷嘩嘩嘩!三道菜分別係香箱蟹蓋醋啫喱、鱈場蟹柿沙律同埋松葉蟹浸春菊。三款菜式有唔同風味:香箱蟹蓋醋啫喱是酸酸的,鱈場蟹柿沙律是甜甜的,松葉蟹浸春菊是清淡的。我建議係食左松葉蟹浸春菊先再食香箱蟹蓋酢喱啫,最後先食鱈場蟹柿沙律。因為應該係由最淡味的一道開始食,咁先唔會搶味。最後三款食晒款款都好獨特好好味,喺第二地方食唔到。 到Hotpot主菜打,呢度將份量控制得唔錯,配菜多數係好新鮮的蔬菜,好好襯托出個蟹腳,又唔洗等好耐就滾熟。而且煮蟹鍋個過程原來係好認真的,先煮咩、後落咩都好有學問。蟹腳份量都ok多,最愛點酸汁食好清新,用埋黎點蔬菜都好正 (可能我鐘意酸酸的)。食完蟹鍋就真正飽飽lu! 甜品係類似個大菜糕,但係深啡半透明好煙韌,配上金箔個顏色配搭真係好靚,周邊的黑糖汁好香甜但又唔會太濃。簡單賣相矜貴,用黎做蟹宴的總結是最好不過。 推介美食: 燒鱈場蟹腳,蟹肉天婦羅,蟹八寸,培茶茶餅
評分: 味道 5 環境 4 服務 4 衛生 5 抵食 4
2014-11-18
大自然素食 由於食得多肉,偶爾都想食清淡點。經朋友介紹就黎試下,因為佢地話呢間啲素食做得好似肉食,所以即管闖入去品嚐品嚐。 店舖外面貼了一張告示,原來星期一至日都均有下午茶,而於5點前結帳離座,仲有半價優惠添。咁變相又平左一大段。 大自然素食既食品種類可算是多元化。唔同地方的美食(中式、日式、泰式等等,冷盤熱盤都應有盡有。打破了傳統-素菜就是沉悶、單調的定律。 牛油果鰻魚卷 要小心留意個芥末,都幾辣。 個鰻魚其實好老實講,一啲都唔似鰻魚,更加冇鰻魚味。不過個壽司幾清新,不失為一個幾開胃嘅小食。 粟米壽司 第一客黎得好快,啲粟米粒粒大大粒,好甜好多汁。個紫菜亦好新鮮,脆脆、乾身又唔會淋。有時出面啲粟米壽司落太多沙律醬,令到客人只食到沙律醬味。但呢間素食店可能有考慮到素食者追求健康,所以冇落咁多沙律醬。 我見好好食所以叫多一客,但呢一客實在等左太耐(第二客個粟米壽司依然係好食,但實在等得太耐了)!!!!!!!!!!!!我到埋曬單都未上,希望下次可以控制下啲上菜時間;(。 蕃茄豬扒湯麵 呢個麵相當好食,事關個炸豬扒同真的無咩分別。豬扒唔會好油膩,咬落有淡淡豆味,點啲沙律醬食簡直係一流呀。 做得最好既係個蕃茄湯麵。食得出好少味精,蕃茄味唔會酸到牙都痛埋,又唔會係死甜死酸果種蕃茄味。啲麵條好細,但係唔會唔夠彈牙。個湯入而有一粒一粒既蕃茄,她有咬口,好好味。 總括黎講蕃茄豬扒湯麵份量好足夠,如果得一個人上去食就咁叫呢個麵已經好夠啦。 牛油果芝士多士 其實素食都幾多會用得上牛油果,開頭聽聞過牛油果係好肥既,但經查證之後原來牛油果當中的都是好脂肪同膽固醇。 對於牛油果愛好者黎講,佢地一定會好好好鐘意呢道菜。麵包烘得好脆,整塊包都塗滿左牛油果。芝士在麵包上溶化曬,味道幾特別。 帶子豆腐 呢個帶子會比牛油果鰻魚卷個鰻魚似啲。個豆腐超級滑,鋪在上面的是中國豆豉醬;在傍伴碟的仲有兩條菜心。上面隻「帶子」係幾爽口,雖然我食唔出係由啲咩做成的,但勝在做得似實物。 如果下次我偶然想清清腸胃的時候,我會再黎食! 推介美食: 牛油果芝士多士,蕃茄豬扒麵,牛油果鰻魚卷,粟米壽司
評分: 味道 4 環境 4 服務 3 衛生 5 抵食 3
|