鬼金棒Kikanbo 銅鑼灣謝斐道530號地舖 530 Jaffe Road, Causeway Bay 鬼金棒拉麵是比愛吃辣味日式拉麵的人而設的，這日又來挑戰這日本辣味噌濃湯拉麵, 一最辣的鬼憎有幾多人成功/敢去食呢？ $135增量叉燒×2辣麻味噌拉麵, 中辣味道濃厚，濃湯中帶有味噌味, 湯很排麵。叉燒超厚同大片，用了五花腩煮到好軟腍，一放入口即溶的 見新出了有沾麵同撈麵添，$100 辣麻肉碎拌麵，外加$15 溏心蛋，蛋美味，食兩隻都輕鬆ko,有小小肉碎同花生碎，個汁像麻醬，小麻小辣很惹味 #香港探店 #香港美食 #香港之旅 #restaurant #japanfood #noodle #ramen #鬼金棒

魚事者 地址：北角炮台山宏安道14-28號威德閣地下14號舖 Shop 14, G/F, Victor Court, 14-28 Wang On Road, Fortress Hill, North Point 門口是BABY GREEN , 以魚作為主題的食店, 定價平民, 而MENU 上種類豐富, 食過幾過癮得意, 岩曬喜歡試新野架人‧ 香脆雞翼 加 炸魚冇薯條 加 魚粒莎莎 $43 ，一個小食拼盤，雞翼大隻肥美，炸完入口好脆，魚粒莎莎用來點薯條，薯條麵係魚肉整🥳 + 38 本地少爺手工啤 好多卜卜蜆 昆布木魚湯底 魚麵 $65 簡單好食，昆布湯清租好飲，魚麵彈牙 DAY DAY FISH, 魚小日款款都好好食, 如果開設TAKE AWAY .我真係會日日來拮串魚肉燒賣食。

吉列牛忌廉烏冬專門店 地址 ：銅鑼灣耀華街3號百樂中心22樓 22/F, Bartlock Centre, 3 Yiu Wa Street, Causeway Bay 人氣吉列牛專門店, 第一次同朋友來一齊食, 每人ORDER了一個MAIN 再加小食。 招牌吉列牛定食$256, 會有個正方形架燒爐, 塊牛表層有麵包糠, 先輕炸過至金黃色外層,牛肉入面維持三成熟, 目的是放到正方形架燒爐上再自行燒熱, 想食幾多成熟由自己控制。SET會附上湯, 前菜同用來蘸牛肉食架醬汁,仲有碗白飯, 有日本味素, 很好吃。 雞肉咖哩忌廉烏冬白雪雪的, 很彈牙烏冬, 個白色忌廉撈埋咖哩汁, 更覺順滑,大大碗很實多飽肚。 雞軟骨餃子$48皮好薄, 幾好食。 每人叫左杯DRINK Passion Punch $38, 韓國柚子蜜 $28, 野飲價錢唔貴, 賣相又幾靚。 我地6:45到時都有位, 食到咁上下, 七點左右已開始見WALKIN 客要等了, 真是人氣之店。

AGE Cuisine Express 鰂魚涌英皇道1065號東達中心11樓1104B室 提早去食飯慶祝情人節, 一來是唔會咁多人,且不想比人被迫我點情人節餐,我喜歡 A LA CARTE, 自己想食乜就點個樣。 $112西班牙辣肉腸炒蝦個汁好惹味, 蒜香+蕃茄味一流好滋味, 有跟牛油法包用來點汁起一流。辣肉腸來添鹹香, 蝦肉質很爽口彈牙，仲有意式ZUCCHINI , 即是我們叫的翠玉瓜。 另一道也是推介 $178 椰香辣醬燒春雞伴炸薯條。薯條脆卜卜,燒春雞富肉汁而且肉質好嫩, 燒春雞成隻肉很多 $118 18 個月Parma ham 伴芝麻菜salad 其實想食Parma ham ,就叫左呢個salad 啦。 食物水準高，服務有禮貌。

小曼谷泰國美食站 Minibangkok Thai Food Station 銅鑼灣謝斐道535號Tower 535地庫B02舖 Shop B02, Basement, Tower 535, 535 Jaffe Road, Causeway Bay 去到快餐店本想ORDER , 但COUNTER 只有一個員工, 自助點餐機又壞了, 成個COUNTER都企滿了等食物同落單架人。見唔對路， 心知不妙要等， 即刻走去對面街搵地方食野。 半隻五星蒜香炸雞， 炸雞醃得好入味富蒜香，是偏鹹香濃味的, 外層雞皮薄脆，仲附上炸蝦片同醃酸青瓜紅蘿蔔 馬拉盞炒椰菜 愈食愈滋味, 胃口大增, 再加碗油飯先 用qr落單，方便快捷。

火鍋撚 西環石塘咀皇后大道西554-560號日富里百好大廈地下1號 第一次來到火鍋撚, 港島區西環同中環都有, 朋友話西環是旗艦店, 地方大好多,我坐多3個MTR 站去西環都無所謂啦! 西環火鍋撚佢個舖位是連住楚撚記, 楚撚記就食小炒, 大排檔風味。 不得不提湯底做得出色, 好多料又可以食, 且加湯時留意到不是加水, 而是跟返湯底添返同一個味, 就唔會食到尾變水打邊爐, 個湯味依舊有, 仲越濃味。 雙湯底媽媽滋補老火湯鍋,, 入面有成塊豬肉同雞肉, 仲有紅蘿蔔粟米, 煮到湯好甜我都飲了2碗。加湯時是跟返加老火湯而不是水, 湯唔會越滾越淡。 酸菜肉湯，好味哦，仲有薯粉添。 火鍋料也是高質有水準, 生蠔肥美 爆漿丸，墨魚漿醬,個餡熱同流心。 鹹蛋皇炸雞皮 ,同魚皮有點似好脆又薄身，唔死鹹架鹹蛋醬 打完邊爐送架糖水好有SURPRISE, 是沙冰。大家估下係乜味, 是中式架腐竹雞蛋糖水沙冰, 打成冰飲入口有碎冰塊, 簡直是涼透心。 仲有另一款是鮮草芋園，一人份量剛剛好,水準拍得住很多台式糖水舖。

愛上米線 北角書局街1-25號美輪大廈地下12, 12A及14號舖 新掘起架米線連鎖店, 門面白色比人好清新架感覺, 我返工附近都有一間, 佢有米線外, 亦都有飯, 食完一碗會好飽, 份量本身好大配非常大方, 堂食仲可以任加米線同飯。 今日就買外賣返去同屋企人一齊食。 要了一個肉沬炸蛋飯, 個蛋好食是因為炸到邊位脆脆地, 而個蛋黃仲係流心。加上珍珠米, 個肉碎又唔會落好重油同鹽, 用海鹽低鹽低油調味係健康好多。 好耐無得去台灣, 見到有酥餅加藤椒雞粒, 分開上包裝用心。酥餅份量都多,藤椒雞粒加些許蔥花、芫茜, 味道濃厚, 岩一向喜歡濃味食物架我。 辣椒炒肉拌飯, 炒得好香呀, 辣辣地幾能刺激胃口。 話梅小蕃茄同麻辣豬耳朵點任何飯/米線UPGRADE個小食, 仲有飲品, 人飲品我叫了凍檸檬茶。個蕃茄爆多汁又酸酸甜甜, 極開胃, 而辣豬耳爽口。 一食就愛上, 味道好份量大

小草十八怪石鍋米線 旺角亞皆老街36-38號龍飛大廈地下3-4號舖。 個荷葉飯食完我雙眼發亮, 真係好好食, 令好耐無在平台寫食得感架我,都忍唔住上來出下食後感受 。係女人街街頭, 門口賣D冷盤小食, 行上一層有堂食位。 有可鍋米線同荷葉飯,夏天太熱唔想飲熱湯, 點左荷葉飯, 價錢四十幾蚊起。 有蝦蟹柳魚片，重蒜香加埋甜豉油 $32椒麻蝦膠腐皮脆卷 ,腐皮炸蝦, 蝦膠入面仲包左紅蘿蔔絲, 腐皮香脆很美味口感也爽脆。 凍頂烏龍茶$22 好大杯, 比平時係茶餐廳飲到架架份量足足多一倍吧!解渴透心涼 串燒由$13起, 點了好多來食。$13翠玉瓜 ,$22有兩串雞肉,$16豬肉串, 雞軟骨$22 有兩串, 香噴噴不知幾咁惹味。 茄子多蒜重蒜香 食物好抵食, 捧住個肚走呀。上樓見個環境幾舒適, 值得推薦。

澳葡牛奶餐室 深水埗汝州街278號地舖 而家好多茶餐廳都非常進取, 本身野食多款不在話下, 仲會門口有賣面包, 真係行過唔餓都會比香噴噴新鮮出爐架麵包吸引。我就比佢門口架甜品燉奶同葡撻吸引。 $26金沙雞翼 4大隻, 隻俊都肥大多肉, 鹹香JUICY $33 炸馬介休球， 是薯蓉混入炸馬介魚肉， 正宗的葡式家常小食。 焗飯撈麵睇相都好吸引， 心大心細都唔知點乜好呀， 咁點樣 咖哩牛肮腩飯 $56 + $3 凍檸茶，是不敗汁係令人神魂顛倒。 呢度葡撻,$12 晚市見到仲有好點啦， 好快就無， 有時街坊行過又買幾個走， 姐姐話今日一早賣曬 燉奶抵食夏天凍食，直滑入喉， 薑汁撞奶＄２８ $45 蔥油雞排飯 +$8有煎雙太陽蛋。有雞有蛋架親子弁, 雞排大大塊好多肉, 放小小蔥油係面, 香噴噴。煎雙太陽蛋令到個賣相更加靚,蛋黃汁撈飯確一流。包埋熱飲, 轉跟特飲$12 ‘ 呢間D飯好大碗架，身為堂堂一個大男人都食唔曬！我同朋友叫到又小食，主食， 甜品同飲品，人均先一百元！！！！！真是用平民價錢享受極多美食。

愛上米線 銅鑼灣波斯富街24-30號A號鋪寶漢大廈 雖然我唔係大胃皇級數架人, 但細個一餐食兩碗飯是得閒之事, 知道呢間米線店, 堂食點飯同米線係可以任加米線同飯, 我這個飯桶就變大成熟客啦。 $50蚊左右就叫到一個飯或者米線麵, 同埋米線仲有湯OR 撈麵。我朋友較細食, 叫佢比小飯都仍然比好多,佢剩左一半要我幫手食,店家太攪笑啦! 辣椒炒肉拌飯 $48 我自己愛食佢架飯,因為是珍珠米口感特別軟熟有彈性, 米香都比其他米架品種香。 炸蛋肉碎飯個精髓在隻蛋, 招牌脆炸蛋肉沫拌飯抵食兼美味。點任何主食仲可以以優惠價錢加配小食同飲品,再點返碟$18油菜先食得健康均衡。 $22 麻辣豬耳朵, 今日推薦比朋友佢都食到停唔到口。$22話梅小蕃茄 甜而多汁, 正正用來消消辣。 跟餐加青檸梳打 $4 凍玫瑰咖啡 $4 同埋呢度係坐得好舒服, 唔似其他米線舖又細又迫, 有卡位仲要好闊落,員工好有禮貌見幾次都係後生仔(估是part time),唔怕遇上黑臉姐姐, 食飯都食得輕鬆開心。