之前見朋友食過貼相真係好吸引，加上發現原來好評都幾多，終於忍唔住要試下睇下可以有幾正，有幾番本先！^^ 

上網睇見個個都好似要訂座先入到去食，但難得家人生日，又想襯機會試一試，唯有碰一碰運氣，就10點半左右試下walk in入去，有個侍應問左問入面d人最後都比我地照入去食，真係太好了，不過得返1.5小時時間食，都比較趕，因為呢到11：15就last order了，不過不理了，事不而遲，即時睇下菜單紙有咩食，全部喪點就好了！



首先刺身當然是頭號必點的，果然沒令我失望，所有刺身都很新鮮，特別是三文魚刺身，很肥厚很美味，應該是魚腩部分，真的太正了！少不免因為我是三文魚怪吧！^^ 而白肉拖羅也超好味！！！口感超正的。



繼續三文魚系列，這個黑松露三文魚壽司都是我的推介，很少見放題有黑松露的，配上三文魚口感頗特別，都幾正的！後面的燒三文魚壽司也不錯。



這個帆立貝也是必點的，肉質口感也是一流亦很惹味。



這個芝士焗蠔也很正！！超多芝士的，喜歡芝士的朋友點可以唔點呢？
 


另外，牛柳粒我就覺得比較un左少少，相比之下比較失色。



天婦羅炸蝦也炸得很脆，味道不錯，但沒蘿白溶配醬汁，就比較可惜，不過發現很多間都沒有提供，但其實配埋一齊食正好多。





放題的話都會必然點煮蜆試一試的，呢到居然有2個整法可選，2個都試了，上面那個清酒煮蜆味道都不錯，不過另外那個特別醬汁煮法味道更佳更特別！

說了那麼久，重點來了！！！



呢到不得不點這個人參雞湯，對於我呢個湯怪簡直就係天堂！真的太正了！！很難得見放題居然有人參雞湯飲，多數只有面鼓湯吧，淡淡的人參配濃濃雞味太滋味了！還可以無限添飲，多麼賞心樂事！



另外這個梅酒也是重點推介！！對於平時不好梅酒的我也甘拜下風！真的超好飲呢！易入口又唔會勁得制，岩哂喜歡清清地既人飲！真係清甜可口呢！！



最後放題也必嗌一堆甜品吧，要讚一讚呢到既雪米滋超好食呢！好少見放題有，太正了，之於牛奶公司就多數到到都有，同埋另外都有個芒果布甸都幾難得有，但我覺得麻麻，個整法不太喜歡沒傳統的芒果布甸那麼好味。如果有時間下次會喪點雪米滋好了！

最後整體而言，梅酒同人參雞湯呢2個真係加分亦令我覺得呢餐好滿足同番本的！食物選擇都算多款式的，不過唔係全部都好味，但大致上都ok的！而的確真係太多人既關係，都有漏單情況出現，同埋last order都好趕要人埋左單先再繼續食，呢到就爭左少少！令人食得不夠太盡興，不過漏單情況一發現都很快一下子食物全都來了，結果要一下子全部清，桌子也放不下，呢到可以再改善一下會更好。

不過最後為了個梅酒同人參雞湯我都會再來番單的^^ 因為真的太正了！

山長水遠黎到昂坪，點可以唔試下出名既寶蓮寺齋堂，人生第1次食齋，呢到打破左我對食齋既睇法，原來食齋都可以簡單得黎又好味。



首先要係門外售票處購票先入去，有珍味素$88位同貴賓齋$128位揀，因為睇過2者分別不大，貴賓齋只係多左個翅，所以最後只係揀左普通珍味素試一試。



入到去比票比侍應就會自動上菜，因為上網睇過湯同飯係任添的，所以就想試下係味真，因為就禁睇真係完全唔知可以添的，所以飲完個湯就試下叫侍應再添，點知真係可以無限添，呢個真係加分，因為我係湯怪來的^^



湯水方面，其實個湯真係無咩味，可能食齋本來就係強調無味精而比較清為主，所以可能連鹽都唔落，但清清地都可以接受的。



食物方面，最好食係個炸春卷，真係想像唔到原來入面好多料，但個味又夾到，炸得好脆好香口，口感一流！

個粟米豆腐都好好味，d豆腐超滑！拎黎送飯真係一流！

個冬菇都好正，食得出蚊左好耐，入哂味，真係好滋味。另外個碟瓜都爽口的，但相比之下就不過不失。

整體黎講$88位都值的，食到齋之餘又添到香油，何樂而不為？





不過題外想講一講就係個廁所位置就比較遠少少，要穿過呢個大圓門口直出到尾行一段樓梯山路先去到，都比較遠，不過沿途都欣賞到風景都可以接受的。



最後食埋呢個齋就正式為呢個昂坪大佛之旅劃上完美既句號！^^