呢間雪糕店既雪糕好有特色,
有出面好少見既龍蝦味同白松露味這兩款deluxe雪糕!!
我自己食過龍蝦味的,真的,有龍蝦肉,真係用龍蝦整,好特別!

試過曬大部份味道之後,
除了那兩款deluxe既雪糕外,
我會特別推介啤酒味、冧酒提子味同70%黑巧克力味雪糕;

首先是啤酒味,
一食落去就已經感覺到重麥既啤酒味,
而且我第一次見有啤酒味既雪糕,
出面好少見,真係值得一試

第二係冧酒提子味,
雖然雪糕有名既老大哥Haagen-Dazs 都有出,而且味道濃郁入味,
不過這間的冧酒提子味雪糕又係另一風味,
比Haagen-Dazs更加能帶出酒味既清香,也是個不錯既選擇

最後係70%黑巧克力味,
出面都有各色各樣既巧克力雪糕啦,到底有咩咁特別?
我一開始係咁諗,不過試完後,個感覺真係同出面果d唔同…
你唔會覺得佢好甜、好漏,而真係食得出果種「醇」既巧克力味道;
這個黑巧克力雪糕真係"鶴立雞群"、與眾不同的存在,
鐘意黑巧克力既人務必一試,保證你會有不一樣既感覺;

除左普通雪糕外,仲有得食分子雪糕,
同埋有其他高級咖啡品嚐,
而且環境唔會太吵鬧,
係個休閒享受食物+生活既好地方

可能大家覺得我太長篇大論,
不過我係個對食物有追求既人,
所以先會咁認真咁同大家分享我對呢間雪糕店既感想