第一次寫食評，只因呢間野真係太難食，不吐不快！

全晚點左三樣野，凱撒沙律加雞胸、香煎驢魚青瓜汁扁意粉、墨西哥式牛柳薄餅卷，結果無一樣係熱既!!! 沙律係凍既我知，但連意粉都係凍冰冰，只有驢魚係暖暖地~ 我覺得真係有點過份吧~ 當時餐廳又唔係太多人，廚房絕對應付到，服務生又可以煮好即刻上碟，但點解可以樣樣野都係唔熱既? 難道天氣太冷?!

墨西哥式牛柳薄餅卷 - 全晚比較正常既! 內裡有蕃茄加cheese等醬汁，牛柳不多，基本上已被濃濃的CHEESE 同蕃茄蓋過，配既著條亦好似炸得太乾凱撒沙律 - 不是難吃，但一定不是好吃香煎驢魚青瓜汁扁意粉 - 最差之選！好後悔叫呢個意粉！無味，只係將青瓜打成汁再撈意粉咁，但廚師又MIX 唔晒，有D 意粉都無沾到汁，就算勁落Pepper 都無用。驢魚都是淡淡既~仲要上餐次序令我有點不解，第一係意粉，而沙律係最後先上。

係銅鑼灣要找間好吃既餐廳容易，但要找一間難食既可能更難。我今次成功左!