平時lunch 食茶記都食到勁悶，今日終於 都去試吓呢間Gali 先黎一個蒜香蝦香料飯，味道不錯，炒得好香，也夠乾身，蝦都算大大地，如果多2隻就更正 之後來了2個都是奶油底的咖哩，有咖哩雞和軟殼蟹，又係好香好濃，配飯和烤餅都好食，雞肉幾滑，軟殼蟹新鮮炸起，夠脆夠味，值得推介 食咖哩當然要叫牛腩，點了一個不同味的香料咖喱牛腩，比奶油辣多一點點，不會很辣，牛腩夠淋，冇渣，幾好食 全部野食都跟一罐汽水，平均70 幾蚊算幾抵，味道幾好，份量也夠，觀塘友可以試試

想試左好耐，今日就同阿媽試吓，撐吓同路人 可惜一入到去已叫我坐張又細又面壁既檯，當時頂多都係得5 成滿，大把吉檯，我就問可唔可以比後面那張4人檯，佢都冇詐型，不過我都已經唔係好gur 之後佢問我飲唔飲茶，我以為有茶葉揀，原來係冇，咁你問我把鬼咩，我又問有冇凍飲，佢又要問人，汽水要15 蚊罐，真貴 Order左6個點心逐一點評 雪山叉燒包，24蚊 2個 其實同普通叉燒餐包冇乜分別，真係唔講唔知有層雪山皮，味道ok但24蚊得2個唔抵 香芒紫米卷，30蚊 3粒 類似芒果糯米糍，係凍食既，味道不錯，但式份量小得可憐 煎蛋牛肉飯，29蚊1盅 Size正常，味道也可以，只是煎蛋過熟，不過大部分酒樓茶居都係咁，算最正常的一味了 香茜牛肉腸，29蚊3條 腸粉係咁多碟最正，現在大部分地方也少了一條，難得呢度重有3條，皮也夠薄，餡料也好吃，算值回票價 雜醬蒸鳳爪，22蚊4舊 味道還好，但可以更惹味，分量都ok，只係未夠腍，也是有進步空間 皮蛋瘦肉粥，23蚊1碗 估不到最易攪的卻是最伏，畢左好多次都見唔到有瘦肉和皮蛋，真係大開眼界，之後換了一碗也只有一些皮蛋碎，伙記說是他們係咁做，我都無言了 還有的是他們會將你的order紙貼在你檯邊（基本上你隻手一定碰到），真的要這麼近嗎，旁邊不可以嗎，或者好似其他茶記比塊板也好吧，這樣不理顧客的設定是誰想出來的，真係天才 這様的服務，這樣的食物，真的難有回頭客，旁邊那間服務真係一流，每次幫襯都好gur，D阿姐好醒目，好貼心，食物都係好過徐記，真係可惜

疫情之後，好似都未食過堅既自助餐，今次就襯住母親節，而且又放寬左少少就去放縱一下 以前因為成日團購，所以呢間都食過幾次，質素不錯，款式算多，性價比高 先來一轉生蠔，味道不錯（可惜之後攞既質素較差），有海水味 之後就襯甜品最完整既時候食甜品，款式不多，味道ok，食完一轉不用encore 冷盤，沙律，餐湯，餐包都係一般，跟返個次序食，燒牛肉都幾好唔韌，凍海鮮全部都幾好，蟹腳同凍蝦有翻啅 熱葷就不太好，海南雞幾韌，舊和牛包好韌個包超硬，不要試，鴨胸也是超韌，咬唔開，直接放棄，其他也不好吃，只有咖喱羊同黑椒蟹食得過 最後食多2杯Haagen Dazs 收工 3百幾一個頭算幾抵，質素也不錯，我阿媽直頭讚不絕口，幾啱一家人黎食

一早約左班friend 去食飯, 個個都知我勁LIKE 韓燒, 所以今晚就去試呢間新野---韓星星試新菜
一行4人先去炮台山地鐵站等, 齊腳就出發搵食, 位置都好方便, 連我呢D九龍人都好快搵到由於好早已經去到, 唔駛等 (之後已經要等了), 有燒有唔燒任君選擇
點好菜後就先來我的飛佛Kimchi, kimchi, kimchi, kimchi (我只識一款)先黎過沙律醒醒胃先, 要為今晚既大餐做好準備, 飲品都係韓國野 橙汁&提子汁熱身過後, 主菜都到了, 先食大大粒帶子, very 鮮, very good, 要encore多一碟跟住就到牛肋骨了, 呢個真係必食又淋又多汁, 價錢又比出面平, Like爆四條友當然重有好多野食, 豬腩肉 + 生菜包, 又係超正重有牛脷, 餃子, 雞肉, 好多野食, 食到冇位擺食到捧住個肚走, 每人大約2舊水, 咁既質素既韓燒, 晚餐算係抵玩

食過咁多間韓國燒烤, 呢間算係唔錯, 坐得舒服, 野食好味, 價錢又公道, 有機會就再黎食過

星期六同屋企人去食Tea Buffet, 3點3準時到達, 亦不用等待就安排好座位
可能係下午茶既關係, 唔算好爆, 坐得幾舒服
先去行個圈睇下有乜食, 都係D普通野, 沙律, 魚生, 熱葷, 點心同甜品先食一轉甜品先, 所有CAKE都好好食, 值得ENCORE 之後就食ALL DAY BREAKFAST, 同CURRY, 點心, 都一般般啦最欣賞都係movenpick, 又有青檸雪芭, 又有creme brulee, 食完4球再要食多個CONE, 好滿足

整體而言只可以說不過不失吧, 不過就冇興趣再去多次了