前排個朋友話佢公司附近有間新開既日式BBQ, 個人一向對日本野無好感(又貴又唔飽)
我提議食韓燒啦不如, 但無人睬我所以最後都試左呢間
可能新開所以唔洗等而且都唔係太多人食!
因為遲去所以D FD已經開始左, 佢地留左少少前菜(刺身)比我
應該係正道刺身拼盤(有三文魚, 蝦, 和牛同海膽)
前面兩樣就正常 和牛同海膽真係好新鮮, 本身好怕海膽唔多新鮮既味, 但呢個完全無問題
跟手就開始BBQ啦, 都叫左好多下.(豬、牛、雞都有)大部分既肉都好新鮮同埋份量都幾合理既
間野係賣牛既, 最出色一定係D牛啦 所以我地叫左好幾款.前肩肉每塊都好薄, 真係有入口即溶既感覺呢個西冷係我最鍾意既, 價錢係貴少少, 但真係好好味 牛舌好爽 食左好幾舊都唔覺得太膩因為有個FD唔食牛肉, 所以叫左雞柳 因為我已經比D牛滿足曬個食慾, 唔記得左雞好無味
但朋友就話係好味既, 不過份量有D少喎(無計啦,佢唔食牛)呢個唔記得叫咩, 係同炸蟹肉丸, 好脆香口 同埋少少海鮮中和下幾好!!淨食肉D FD話唔夠飽 就叫左2個薄餅(一個原味一個泡菜味)
因為個人比較喜歡韓仔口味, 覺得泡菜味好正 最後叫左雪糕(綠茶/焦糖/柚子)
食左咁多肉, 柚子味當然係最夾啦 清一清D肉味!整體3隻味都唔係太甜 GOOD!PS:佢個白飯做得好好 用日本米 有個朋友仲食左2碗

最後一人$500左右, 咁其實叫左咁多肉都真係差唔多 唔算貴~
加上呢度坐得好舒服, 服務又幾好 最重要係好衛生
今次令我對日本野有D改觀, 下次會再去!