抵食

雞飯值得試

2022-10-26

蘇山雞飯 (太子)

類別 :

新加坡菜、馬來西亞菜

係太子行街行到差唔多食飯時間就係附近揾嘢食，係藍馬之城見到呢間光猛有裝修嘅餐廳，望下裹面都有唔少人食飯，門面幾乾淨，再望望餐牌原來食雞飯就入去試吓。

餐廳除咗有單點食物外亦有套餐，呢間餐廳叫蘇山雞飯，餐牌有個招牌雞飯，一於試下佢啦；友人唔想食咁多飯，就試吓佢個龍蝦叻沙摻摻。天氣涼，胃口大增，我地都叫多咗兩個小食同兩杯飲品。

晚餐整體來講滿意，若果再經過會想試埋佢個走地雞飯，咁多個菜式我最鍾意招牌雞飯，隻雞非常滑嫩，加埋醬汁撈飯一流，有啲後悔叫左油飯唔係白飯，哈哈，另外非常少見雞雜湯，鍾意食雞雜嘅朋友一定唔可以錯過。

友人食既摻摻有一大隻半邊龍蝦，加上濃濃嘅叻沙湯底，呢碗麵亦都值得推介，好有趣呢個摻摻會包埋一個牛油咖央多士，熱辣辣咁食非常過癮非常好食。

小食方面我哋叫咗通菜同埋小食拼盤，味道中規中矩，若果通菜少啲油就更好。

飲品方面叫咗香茅薄荷德欽同埋恐龍美祿，薄荷特飲我就唔評論，但係恐龍美祿就非常好飲，若果大家喺太子真係可以試一試呢間蘇山雞飯。

推介此食評

0個

你覺得這篇食評:

鼓勵

期待

有趣

感動

羨慕

靚相

啱口味！

2021-06-06

士林·便丼達人 (灣仔)

類別 :

台灣菜

士林·便丼達人麻雀雖小，但食物選擇都幾豐富，小食、丼飯同麵食都有好多款配搭，今日行過灣仔就試一試！
個人覺得士林·便丼達人食物既性價比不錯，可能因為舖頭唔大主要做外賣，所以可以放多啲心機係食物到。我幾鐘意呢度既肉燥飯同肉燥烏冬，除左因為熱辣辣上枱，主要因為我唔鐘意食肥豬肉，呢度既肉燥可以話係無肥肉，而且呢碗肉燥飯仲有蔬菜同鹵蛋鹵蘿蔔，比一般坊間既肉燥飯更健康，呢一方面我覺得幾有誠意。
小食方面試左烤焗雞鎚、紫薯芋餅，同埋肉燥飯同肉燥烏冬上面既鹽酥雞同櫻花蝦餅。櫻花蝦餅同紫薯芋餅我比較少食，所以覺得幾新穎，炸得好好味，烤焗雞鎚同鹽酥雞味道亦唔錯，若果經過灣仔想食個快飯，可以諗諗士林·便丼達人

推介此食評

0個

你覺得這篇食評:

鼓勵

期待

有趣

感動

羨慕

靚相

抵食夾大件

2021-03-28

雪山冰廳 (長沙灣)

類別 :

港式、茶餐廳/冰室

上次食過雪山冰廳嘅兄弟鋪港口味冰室，今次經過長沙灣就入去試吓佢嘅午餐，呢間鋪嘅鋪面比較大，我哋兩人被編去坐四人卡位都好鬆動。今日我哋都幾肚餓所以叫咗唔少嘢食。
我地叫左兩個主食，一份三文治，一個小食同埋兩杯嘢飲。
總括而言今日嘅兩個主食都係出乎意料之外嘅好味，其中要大讚嘅就係只賣$40嘅蔥油雞扒煎蛋撈公仔麵，雞扒係大塊到好似隻手掌咁大，煎得非常嫩口。
另外一個就係龍蝦喇沙摻摻，本身都冇諗到一個賣$78嘅麵食竟然真係比半邊龍蝦🦞，喇沙味道濃郁，值得推薦比大家食。
我哋都試咗蛋牛治，烘底蛋牛治上枱非常熱辣辣，味道亦唔錯；另外嗌咗一個海苔炸薯條，都係熱辣辣上枱，味道正常。
今日天氣比較熱行到身水身汗整返杯凍茶走紅豆冰爽晒！
今日午餐叫咗咁多嘢食每人都唔需要$100非常抵食，若果只係食個普通午餐亦都非常值得推薦！

推介此食評

0個

你覺得這篇食評:

鼓勵

期待

有趣

感動

羨慕

靚相

經過值得一試！

2021-03-06

港口味冰室 (長沙灣)

類別 :

港式、茶餐廳/冰室

今日同朋友去到荔枝角簡單食個午餐就揀咗港口味冰室，位置係元州邨附近，因為我哋非常肚餓所以叫咗唔少嘢食，兩個人叫咗叉燒煎蛋飯，西多士，炸雞髀同埋兩杯嘢飲。

西多士非常有驚喜，傳統西多士同裏面嘅流心芝士配搭非常好，外脆內軟，非常好味。炸髀炸得唔乾，上面有避風塘調味粉，有少少香辣嘅感覺幾過癮。呢度嘅叉燒煎蛋飯係用西班牙黑毛豬做嘅叉燒，味道幾香，若果叉燒瘦啲會更加好。雖然我哋食咗幾樣比較流嘅食物，但最咪飲番杯薄荷朱古力成個人感覺精神晒。總括而言呢間冰室比我嘅感覺幾正面，而且價錢合理，有機會經過一定會再嚟！

推介此食評

0個

你覺得這篇食評:

鼓勵

期待

有趣

感動

羨慕

靚相