忽然想食TEA BUFFET
本來打算去美麗華, 不過最後改去 Hyatt

呢度之前已經食過幾次, 印象中幾抵食

不過今日唔俾用 credit card discount

所以埋單都要三百蚊一位

Tea buffet 來講, 呢度算係多款式

冷盤

蝦好大隻, 不過無乜味

火腿好似有兩款

另外, 仲有幾款芝士 刺身

通常 tea buffet 刺身的選擇都唔多

但呢度都有成四款

不過, 好似又係無乜鮮味, 最好味係前面連魚皮0個款冷盤

螺, 蟹鉗

又係唔夠鮮味熱食

龍蝦鉗無味的, 失望呀!!

另外仲有燒烤食品: 香腸, 漢堡扒, 秋刀魚

味道都不過不失, 但又唔算特別好味熱食: 印度 & 意粉區

烤雞都幾好味

意粉, 又係無味0既?! 熱食燒味

記得呢度的燒味比較出色

叉燒同雞亦都好好味燒鵝脾

mr snail 拎0左成隻燒鵝脾返來

我食0左一件覺得味道好"SO"雲吞

我太鍾意食湯麵, 每次食BUFFET 都會叫一碗

呢度只有雲吞麵

我興趣麻麻, 所以只叫了一碗剩雲吞

雲吞皮出奇地厚, 唔好食!!甜品

蜜瓜好甜

焦糖格仔餅都好味CAKE

呢度的甜品款式超多

而且好多都係細細杯

我只係食0左CHEESE CAKE 同士多啤梨0個杯

兩杯都幾好味, 唔會太甜今日呢餐我覺得好清淡

好多食物都無乜味

(之前明明唔係咁的)

不過勝在款式多取勝

食自助餐好難會食到一間款式多而又好味的

之前去過 Conrad 食 dinner buffet

好好味不過款式勁少

真係好難想像 lunch/tea 會有乜食

呢間鋪頭的格局 UP UP DUP DUP

個名又改得衰

剩睇外表, 其實唔太想入去食

不過, 又好奇點解可以開咁耐都唔執

之前都有打算試下

不過一次去到已經打佯, 另一次就話海南雞已經賣哂

呢日我地中午就去

點了兩客海南雞飯 ($39/碗)

先食油飯, 我同 mr snail 都覺得味道幾好, 唔會太油

雞就好嫩口, 好滑, 只係嫌雞的份量少0左D

可能人手不足, 上飯時無跟醬油

(我好鍾意用黑醬油撈飯食架!!)

不過, 原來係有的, 問完佢就即刻送上

$39 確係抵食的

不過呢度唔太好坐, 感覺有點污糟

如果下次再幫襯, 我應該會外帶

今日又同 Mr. Snail 出去搵食

地鐵站行過去大約七, 八分鐘

原來佢同大孖醬油同一條街, 搬屋後我一定要過來入貨

話明係老鋪, 裝修一定欠奉

可能我地當日坐近下欄位

感覺都幾污糟, 同埋有陣味

老老實實, 我就真係食得唔係幾自在

點了二人餐

有湯, 有小菜, 有甜品, 都幾豐富

酸辣湯

比想像中辣, 味道都唔錯回鍋肉

呢碟反而普普通通, 不過勝在唔太油小籠包

呢個係另點的, 三十幾蚊有六隻, 勁抵!!

(上 facebook like 佢地個 pages 仲加送兩隻)

味道 ok 的, 不過嫌佢皮太厚同埋無乜肉汁八寶茶

呢杯茶好飲, 甜度適中, 而且入面的材料好似好有益咁豆沙鍋餅

一上枱見到咁黑, 心諗: 一定唔多好食

點之, 有驚喜喎

以為佢炸到咁黑, 一定好油

但食落又唔覺油

而且豆沙又唔會太甜, 好味!!雖然係老鋪, 不過佢管理都幾現代化

有流程圖比員工, 教佢地點去招呼客人, 教佢地點安排坐位

我地又同疑似老板娘的人傾計

佢話呢d 都係屋企的細路幫手做

希望佢地讀書可以學致用, 幫到手之餘, 仲可以比機會佢地實踐

呢類的家族老鋪0係香港已經買少見少

而加0係新市鎮見到的全部都係連鎖式的食店

想食好0野真係要落返舊區先搵到

今日要去灣仔睇裝修材料

出發前先醫肚

Mr. Snail 就帶0左我去食拉麵

店鋪位置就在新樓盤喜匯附近, 唔難搵

鋪位細細, 一貫日式拉麵店的風格

拉麵種類有五款

而除0左拉麵以外, 仲有餃子, 沾麵, 飯有三種不同的配菜任食芽菜

辣辣地, 幾好味神虎拉麵 @ $83

湯底: 好香濃的豬骨湯底, 唔會太油, 我覺得好好飲, 而且飲完唔會好口渴

玉子: 有少少酒香, 蛋是半熟的, 好味!!!黑虎 @ $73

湯底: 賣點係黑蒜味的豬骨湯底, 我覺得比神虎湯底更香更好飲

基本上麵的材料同神虎一樣, 只係佢無蛋

(我強烈建議要另加一隻半熟蛋, 因為隻蛋實在太好味)對女仔0黎講, 我覺得 size 岩岩好

食完唔會覺得太漏太滯

我覺得呢間可以再來

成日都覺得要在APM 搵食絕對唔係一件容易的事
每間餐廳都要等成十幾廿張枱先有位, 真係少點耐力都唔得

今晚雖然都要等成十幾張枱, 但好彩等0左半個鐘多DD 就有位

同蝸牛先生研究完一輪餐牌之後, 最後決定要二人餐

0

南瓜粟米湯
味道中規中舉, 不過有少少似罐頭湯

0

泰式併盤
1) 牛油雞亦
皮好脆, 不過又好似唔夠牛油香, 但味道OK 的
2) 泰式炸蝦餅
啖啖肉, 好味
3) 蟹籽扎肉米紙卷
入面唔會太乾, 我鍾意香茅檸檬菜炒大蝦
有少少似風沙蝦
脆脆的"風沙" 幾好食, 用來送飯都唔錯
不過就唔係幾覺有香茅同檸檬味 

0

黃咖哩魚柳
咖哩汁比想像中辣, 不過就幾香

0

炒雜菜
好多菇, 我鍾意

0

甜品
一心以為甜品會係椰汁糕之類
點知原來係蛋糕
我就覺得麻麻地 (都唔同 FEEL) 

0

呢個餐對兩個人來講份量似乎太多
我相信佢絕對夠三個女仔食

最近韓國餐廳愈開愈多
真係試極都試唔哂
今日就來到天后區的<紅大門> 試試

餐廳裝修都幾靚, 幾舒服
座位與座位之間唔會太迫
枱數唔多, 繁忙時間的 LUNCH 要同人撘枱

海鮮拉麵 $70
上枱時有少少失望
因為我 EXPECT 的拉麵係白色0個種麵而唔係泡麵
泡麵令整碗麵都 DOWNGRADE 了
而海鮮其實都唔多, 印象中有兩隻青口同少少蜆
至於湯底, 都好味的, 至少我飲完唔會有口渴的感覺芝士泡菜炒飯 $88
味道都幾好, 不過唔係幾覺有芝士同區最近都進駐了一間新的韓國餐廳
相比之下, 我喜歡另一間多些
雖然 <紅大門> 都唔差, 不過相比之下就略為遜色

話說有次無意中在openrice 發現0左呢度
跟 Mr Snail 試過一次就愛上了
雖然佢的食物總類唔算多
但就勝在味道好, 而且價錢合理

今晚我地又專登從北角行過來
兩人分別點了:

野菜咖哩豬頸肉飯
呢度的咖哩沒有咖哩磚 hea 的味道, 甜辣度適中
另外, 野菜都係其中一個亮點, 佢係明顯有調味過的, 唔似一般無味的伴碟配菜
豬頸肉就似係薄燒, 好食~ 青芥牛肉
牛肉唔會太老, 加上有淡淡的芥末味, 好清新
呢碟屬小菜系列, 唔包飯的
我地另外點了南瓜粟米飯
雖然南瓜味唔算太濃
但感覺好健康...嘻嘻下次有機會都想試下呢度的小食同埋烏冬

趁住周未, 一於要同蝸牛先生衝出將軍澳搵食

今日揀0左想試好耐的 Le Soleil

下午茶 tea set

$348 + 1 (2 人份)

荔枝蘋果茶

好清新, 唔算太甜...但嫌無乜茶味越南咖啡

蝸牛先生話好飲喎魚露主角出場喇

頂層:前菜 (鵝肝三文治, 軟殼蟹米紙卷)

中層: 甜點 (椰汁糕, 藍莓芝士蛋糕, 拿破倫, 馬卡龍)

底層: 咸點 (庶蝦, 春卷)由於太肚餓 , 所以我0地先食底層的咸點

庶蝦同春卷都幾好味, 但就好似無乜越南的風味之後食頂層的前菜 (鵝肝三文治, 軟殼蟹米紙卷)

鵝肝超級 so, 我唔like, 而且塊多士唔脆

軟殼蟹米紙卷反而幾好味甜點 (椰汁糕, 藍莓芝士蛋糕, 拿破倫, 馬卡龍)

甜品一向係帝苑的強項

藍莓芝士蛋糕同拿破倫都好食, 唔會太甜, 亦唔會好漏

反而馬卡龍就真係太甜

而椰汁糕的質地就太淋, 唔夠煙韌第一次食呢款 fusion high tea

越南咸點 + 西式甜點

我同蝸牛先生就唔太鍾意

而且在酒店食越南菜, 硬係覺得唔夠風味

不過未食過試一次又無妨

之前經過好多次, 但都過門不入
今日再次路過, 見行到攰攰地, 所以就入去TAKE 個 BREAK

我點了巨蜂果茶
個樣好靚, 好似好好飲, 好解渴

飲第一啖
umm.....茶味唔夠濃
反而甜味好濃
有少少似飲緊道X巨蜂提子
失望添!!另一位點了草莓雪糕 (佢有個靚d 0既名, 不過我唔記得0左)
又係 display 得好靚
底層係布丁物體, 味道都ok
但雪糕唔知點解有d 硬, 好難"筆"
食0既時候要好小心, 因為底0個塊布丁有飛出杯外的風險除0左甜點之外, 呢度仲有咸點 (雞亦, 多士之類)
不過試完今次, 又無想再來的衝動