今日經過銅鑼灣, 本來想再試豚王, 但人龍大約有10個, 所以試試對面呢間無人排隊, 中午1點入座率7成 坐下落單自己畫點左個博多一口餃子, size 比較細, 好似蝦餃, 煎得燶左d, 有d硬, 普普通通無咩特別再來博多濃厚豚骨拉麵 $68 + 糖心蛋$12, 湯底真係好濃厚有豬骨味, 叉燒薄薄兩片, 流心蛋一般, 驚喜不大, 可能是我不太懂欣賞加上湯底太濃厚的關係, 食到一半已不想再繼續整體環境員工一直在用廣東話交談, 加上一碗好似雲南米線的拉面, 冒犯甘講, 我一度以為自己去了譚仔米X, 下次都係過對面排隊

中秋前夕提早一日做節, 家人建議今年食泰菜, 搜尋一番後決定一試位於天后的泰出色, 提早四日打電話去訂座, 千叮萬囑我們周日比較多人, 用餐時間個半鐘, 8點前一定要交台. 也沒問題, 一般食飯1個小時也足夠

一行六人準時到達, 門口整潔, 很容易便找到這家店, 店外可以望到店內的Open Kitchen, 大約等待2分鐘便安排入座, 坐下後便放下MENU 及清水首先大蝦柚子沙律，清新開胃, 偏酸, 一客4隻大蝦, 新鮮肉爽, 份量比較少, 每人分一點, 很快便清碟之後來的是馬拉盞炒通菜-微辣夠惹味, 不過不失沙爹串燒(一打) 雞+豬 - 即叫即燒, 肉質不錯, 味道也很好, 但底部燒焦的情況也不少, 整體中上泰式蝦醬炒飯, 原個菠羅海鮮炒飯 - 菠羅海鮮炒飯忘記了拍照, 但2個少飯也是出色之作, 其中泰式蝦醬炒飯比較佳, 兩個也很足料, 菠羅海鮮有尤魚, 蝦, 墨魚等等, 泰式蝦醬炒飯有蝦, 蛋絲, 臘腸, 肉鬆, 濃蝦醬味, 2個份量也很大碳燒豬頸肉 - 肉質淋, 即叫即燒, 不會過火過乾, 提供的醬帶酸辣, 跟豬頸肉也算配合紅咖哩菠蘿炒大蜆 - 　份量很大, 大約有10隻大蜆左右, 菠蘿也很大粒, 紅咖哩味道唔辣, 香咖哩味, 用來伴酥餅一流酥皮焗青咖哩海鮮 - 青咖哩很香但不是太辣, 呢度菜主要係視覺上的享受, 味道上跟你叫一客青咖哩 一客酥餅一樣, 酥皮焗貴40元左右, 118海鮮材料很足, 2隻大假加其他配料, 放得滿滿的整體來說, 味道很好(味道也很重, 整晚渴了很多水), 份量很大, 比別家"泰國曼谷XX"多很多, 需要打包2大盒回家, 本來想order 甜品最後也沒有, 服務有待改善, 不會主動refill 水, 價錢如果便宜一點會比較合適, 5個大人1個小朋友 埋單 近1千, 不算太抵食

 
以往來新斗記也是品嚐乳豬套餐, 一行四人因訂了位, 到達後也不用等便安排入座, 入座不久便送上特色公雞茶具今日提早一日中秋做節, 晚餐訂左泰國菜, 所以午餐也不想太肥膩, 所以嘗試他們另一種貴妃雞套餐, 加幾個點心

叫餐後不久便送上點心,
招牌蝦餃 - 蝦新鮮，咬起來彈牙，且多汁但皮不是太薄混醬鳳爪 - 比較差的一樣點心, 不算大隻夠淋,唔太咸又唔算太辣, 但重點係上桌的時候只是微熱蜜汁叉燒包 - 冇乜肥肉, 中規中矩點心整體不夠熱, 難怪叫餐不久點心便先到, 應該不是即叫即蒸了

點心還未食完, 貴妃雞套餐便到了, 貴妃雞半隻, 魚湯浸白菜, 米粉一窩

貴妃雞 - 肉質白滑,而且咬落不會死實, 但比較多油魚湯浸白菜-菜新鮮清甜, 吸收晒魚湯, 味道很好員工服務態度幾好,很友善, 新斗記的點心只屬中等水準, 但在北角合格的飲茶地方不是太多選擇, 坐得舒服及價錢不貴, 在北角已算三甲之內