燒房焗 (跑馬地)

抗疫又如何, OT 是人生.... 
又焗又濕, 情景又灰... 但托OT 洪福, 近宵夜時段返而訂到位!!

反智新例下, 餐廳都做得好足, 人與人都分很開, 但間時都會聽到老闆、店員、唔同枱客人, 互相搭訕講笑, 氣氛仍然好好, 只難為佢地生意難做... 

先來個冷稻庭烏冬爽爽 (之前介紹過, 唔再多講)

Daily special 有汁燒日本烏賊當然要試試, 海鮮多多都無問題!! 
驚喜燒汁唔會好多好甜, 燒到有微焦但少少燶味都沒有, 而且烏賊 (係原隻) 爽身鮮味, 火候掌握得非常好 新鮮沙律菜加沙沙檸檬汁係洗口腔好細心嘅配搭 


今晚到來, 其實最想搵今期好「紅」的「蝦仔」為自己打打氣!! (大心急要食, 影到 out 晒 focus =.=")
的確, 食得我好滿足! 唔單止大, 仲甜鮮, 加埋大大塊蝦膏 (老闆話蝦膏係bonus唔好週圍同人講)

餐廳仲好好比 Yellow Discount, 但既然支持得, 差少少唔多啦!! 
看似食好少, 但都飽到上眼眉, $500 鬆啲, 美味、支持!!!

京林屋 (銅鑼灣)

食甜品唔想排隊, 在人家還在吃晚飯的時候正好!!

抹茶味夠香又唔太濃, 作為小食小杯份量剛好, 仲包埋茶。蘋果玫瑰的花果茶組合我一向都好愛, 清新又有淡淡花香, 配搭芭菲甜品, 成件事好圓滿

燒房焗 (跑馬地)

今日Green Monday (主要只有我..), 同事們提議試新餐廳, 其實好感動跑馬地終於有新食肆 而且同事試過保證話素食選擇多。  


雖然行遠左, 亦三十幾度, 但坐低感覺都幾乾淨舒服。午餐送汽水或湯都OK 啦, 通常我們都是要湯, 反正汽水 $8 都好平。正好今天他們是蕃茄素湯, 聽落、睇落都以為是西湯, 但原來是廣東老火湯!! 很濃郁的蕃茄、薯仔、很多種豆, 很香甜的味道加上茄的酸味, 正好開開胃, 一小杯又唔會太飽, 作為前菜剛好。其實我都揀左好耐, 熱天來個冷蕎麥麵定烏冬都唔算難揀。醬油蛋也是要定的。但到底再加大根或醬油冬菇或泡菜... 炸雞加一件剛好, 但 Green Lunch... 最後.... 就這樣。大根好清甜, 冷烏冬唔單止彈牙仲實在夠凍而湯味亦鮮。雖然個麵只係$40, 但好認真, 有齊配料之餘鵪鶉蛋都是用日本貨蛋好好味!! 醬油味夠鮮, 蛋黃又香, 一口烏冬、一口蛋, 再加點大根.. 食到停唔到, 連水都無飲過透心涼。之後有忍唔住再點多罐汽水, 總共$70, 當然唔算貴, 只係無諗過一餐廳午市無加一, good !!!同事甲點了咖喱大海老拉麵另加醬油蛋有同青蒽。吉列蝦浸滿湯佢竟然話香濃又好味, 其實隻蝦都唔細, 仲話有啲鮮, 叉燒香軟又唔太肥膩。總共$98。同事乙選了紅酒牛舌干烏冬。上枱已經聞到香味.... 聽日要再嚟!! 好多靚菜, 報告話牛舌又林又香仲要陣隱隱嘅蕃茄香味, 而且很多不同口感的蔬菜都用上, 成個烏冬精彩左好多。神奇的是我們都有各自不愛吃的菜, 比如秋葵、椰菜或者紅蘿蔔, 但又一致認為佢哩好接受到。$60!! 會唔會太平!? 理唔到太多, 係佢加價之前一於食多幾次!!

見佢夜晚 Menu 都好多選擇, 16:00 開始有 Happy Hour, 轉頭就搵人閃落嚟買個下午茶都唔錯 最好嘅係收03:00!!! 所以我們決定約埋OT 完就向晚餐進發!!

岩鹽日本料理 (銅鑼灣)

又OT 之後諗住「慰勞一下自己」, 所以找最近又可以收夜少少的, 可以慢慢食... 原來方便如利舞台也有! 正好, 很想吃日式料理!!

上樓之前仲不忘黎openrice睇下佢啲資料, 無咩唔妥仲好多好評。入到餐廳感覺亦算舒服, 9點幾10點都仲有半個場坐住客, 一入去就有個男店員好好咁招呼我坐低飲嘢。覺得放心左就二話不說, 點完酒先來的是刺身冷盤：油甘魚腩刺身, 仲要係$88
上枱的時候, 我真係覺得眼前一亮眼落又厚切又夠肥美, 好開心咁影完幾張相之後就開動!! 點知一入口.... 可能我食得好嘢太少, 完全唔知佢係咩... 有啲似劍魚腩, 好肥美, 但又唔似, 因為無乜味... um.. 第二件、第三件... 我確定佢堅係無味.... 

不幸的是... 見到碟刺身之後, 食之前, 我唔忍住一次過order 晒想食嘅嘢...  點完之後店員仲覺得我應該好夠飽.... 點知... 

跟住係海膽軍艦同香煎鵝肝帶子。$78兩件海膽軍艦黎講, 都算係咁, 因為本來以為得一件, 所以冀望高左少少。
但個鵝肝帶子$98係勁平, 但真係激死!! 首先, 好明顯哩件係鴨肝; 第二, 本身佢煎得唔夠, 再黎係煎完根本唔應該切開佢, 哩個似乎係基本廚理; 仲要連隻帶子都油淋淋, 真係嘥左隻帶子。敗北係, 下面放左張本來都炸得唔夠脆嘅紫菜天婦羅。我頂!!!! 想食餐飯包姐! 


緊接住的是合鴨大蒽串同牛舌串。完全無諗過$38同$42 係講緊各兩串, 一見到就心諗「瀨嘢」!!! 結果同我心諗差唔多：鴨肉一係有啲位唔夠香或者根本燒唔到, 一係over-cooked, 啲蒽全部係焦面, 即係連肉加菜嘅串燒要點處理都未識。牛舌無脷苔但個硬邊位加埋本身係薄切, 咬一啖之後根本唔想食落去。其實, 真係唔係平就得, 但佢又得左, 起碼仲有好多人好enjoy! 

仲有我好期待嘅吉列廣島蠔$68, 黎到嘅時候見到有三隻, 覺得超抵。但食左一件之後都係食唔落去。太油了! 吉列皮又厚又油！好彩佢有椰菜係碟可以舒緩一下, 但當我食完第一件, 再望下隻碟上面嘅油夠煎一隻蛋... 就唔係好想繼續落去... 

可能因為過左peak hour, 所以十分鐘已經上晒所有菜, 但結果係有半張枱嘅食物我放棄左, 店員覺得係我叫左食唔晒, 不過是旦啦, 我唔想嘥quot. 多啲, 話晒年紀都唔細。埋單其實係$495, 放低小費比之前招呼好好嘅店員, $550 左右埋單, 夜飯唔算貴但唔覺得值。

最後返屋企煮返啲隔夜粥當「慰勞自己」。

蓮香樓 (中環)

每一次嚟, 最大嘅問題就喺兩個人真喺食唔晒我想食嘅嘢..

除咗大包本人唔太好之外 (但真喺好足料), 佢所有點心都好食, 尤其是鴨腳札、鳳爪、咸水角哩啲考功夫嘅點心。味道濃而不膩, 蒸煮嘅火喉啱啱好。仲有馬拉糕, 甜度適中, 又香又夠鬆軟。蝦鮫燒賣當然喺無得輸啦!!